Efesus 3:19 - Porjanjian Boharu Torjomahan Baso Dilakng Soari-ari

¹⁹ Kasih-Nyo kotakng bosar sampai kinyo ado urakng inyo ulih momahami somuonyo. Apo aku totap bodoa oca' kaitn ulih mongonal kasih nantai. Agatn sama'an nantai, hati huatan pikiran kaitn paca'an monjadi mongkitn bisi agatn somuo hal inyo ado di dalapm diri Allah.

Efesus 3:19 ပူးပေါင်းရင်းမြစ်များ

Efesus 1:23

ongko kito inyo pocayo sama'an bukakng-tubuh-Nyo. Sio momonuhi kito, ia'an Sio inyo momonuhi somuo hal.

Kolose 1:10

Agatn sama'an nantai kaitn ulih hidup agatn caro inyo hala monyonangan Tuhatn. Jadi, somuo porbuatan boi' inyo kaitn labuhan paca'an ado pongulihan inyo boi'. Kaitn pan paca'an mongkitn mongotohu'i mongona'i Allah huatan mongkitn mongonal Sio.

2 Korintus 5:14

Apo alasan pakai' somuo porbuatan koi ia'an obai Kristus mongasihi koi. Obai koi tohu agatn ni'in: Aman siku' urakng udah mati pakai' somuo urakng, jadi somuo urakng nantai udah mati jam.

Yohanes 1:16

Obai Sio kotakng mongasihi kito, jadi kito hala monorima' borokat doi' Sio.

Filipi 4:7

Jadi, Allah tajahan moonji'i kaitn sonang-asau inyo monsio kinyo mongoroti. Damai nantai tajahan monjago hati ongko pikiran kaitn di dalapm Kristus Yesus.

Galatia 2:20

Obai aku kinyo hidup agi' agatn caro sama'an komai. Ni'in, Kristus monontuan caro hidupku. Aku hidup di dunia ni'in agatn caro boharu obai aku pocayo ko Sio. Sio nantai Ana' Allah inyo kotakan mongasihi aku. Sio monyorahan diri-Nyo sampai mati sobagai kurbatn inyo monggonti'i aku.

Efesus 5:2

Kaitn gola' mongasihi urakng bukai samo sama'an Kristus udah mongasihi kaitn ia'an Sio monyorahan diri-Nyo monjadi kurbatn posombahan pakai' monanggukng hukupan dosa kito. Sio monjadi posombahan harupm inyo monyonangan Allah.

Efesus 3:18

Aku bodoa oca' kaitn bosamo somuo urakng inyo pocayo ulih mongoroti obai Kristus kotakng mongasihi kaitn. Kasih-Nyo kotakng luar, kotakng panjakng, kotakng tinggi, huatan kotakng dalapm.

2 Petrus 3:18

Apo, kaitn gola' botumbuh somongkitn mongonal Yesus Kristus, Ponyolamant huatan Tuhatn inyo bokuaso dipucu' kito. Kironyo kaitn somongkitn sadar mongona'i koboi'an-Nyo. Topujicam Sio, watu ni'in sampai somanah-manahnyo. Amin!

Yohanes 17:3

Ninam hidup inyo kokal, ia'an obai sia' mongonal ongkah Duatam Allah inyo bondar, huatan pan obai sia' mongonal Yesus Kristus inyo udah Duatn utus.

Matius 5:6

Diborokaticam urakng inyo kotakan rindu hidup bondar di hadapan Allah. Sia' diborokati obai sia' paca'an tokosih nononyo.

Efesus 5:25

Ko somuo lolaki inyo udah kawitn aku momandiran: kaitn gola' mongasihi bini kaitn samo sama'an Kristus udah mongasihi boko urakng pocayo. Sio monyorahan diri-Nyo sampai mati

Filipi 1:7

Memang pantas aku bopikir ubo nian mongona'i somuo kaitn obai aku kotakan mongasihi kaitn. Obai, kaitn hala monulukng ku dalapm polayatan ku, ia'an nantai polayatan inyo Tuhatn onju' ko aku obai Sio honda' monunju'an kasih karunia-Nyo ko aku. Timpu aku ado di dalapm ponjara, timpu ku mombela Kabar Boi' tohadap urakng inyo molawatnnyo, timpu ku mombutian Kabar Boi' nantai bondar, kaitn hala monulukng ku dalapm polayatan nantai.

Roma 8:35

Conyiant ado la'apo pan inyo ulih monyongkayoan kito doi' kasih-Nyo. Aman kito mohadapi kosusahan damo ajab sonsaro, aman ado urakng inyo mondorako'i kito, aman kito conyiant pomakatn, conyiant ado pakai'an, aman kito mohadapi bohayo damo kito dibunuh, somuonyo nantai culih monyongkayoan kito doi' kasih Kristus.

Roma 8:39

Conyiant ado la'apo pan di pucu' bumi damo di babah bumi, conyiant ado la'apo pan di sogolintaran alapm inyo ulih monyongkayoan kito doi' kasih Allah, ia'an kasih inyo Sio tunju'an ko kito dalapm Kristus Yesus, Tuhatn kito.

1 Petrus 1:8

Kaitn bolupm kalo moniant Sio, apo kaitn totap mongasihi-Nyo. Watu ni'in, kaitn culih moniant Sio, apo kaitn totap pocayo ko Sio. Jadi, kaitn rindakng rigah ongko sonang-nyamanam inyo kotakan luar biaso sampai kinyo tokatoan.