Efesus 3:18 - Porjanjian Boharu Torjomahan Baso Dilakng Soari-ari

¹⁸ Aku bodoa oca' kaitn bosamo somuo urakng inyo pocayo ulih mongoroti obai Kristus kotakng mongasihi kaitn. Kasih-Nyo kotakng luar, kotakng panjakng, kotakng tinggi, huatan kotakng dalapm.

Efesus 3:18 ပူးပေါင်းရင်းမြစ်များ

Yohanes 15:13

Urakng inyo kotakan mongasihi pokawalannyo ia'an io inyo monyorahan nyaonyo pakai' sia'.

Efesus 3:19

Kasih-Nyo kotakng bosar sampai kinyo ado urakng inyo ulih momahami somuonyo. Apo aku totap bodoa oca' kaitn ulih mongonal kasih nantai. Agatn sama'an nantai, hati huatan pikiran kaitn paca'an monjadi mongkitn bisi agatn somuo hal inyo ado di dalapm diri Allah.

Galatia 2:20

Obai aku kinyo hidup agi' agatn caro sama'an komai. Ni'in, Kristus monontuan caro hidupku. Aku hidup di dunia ni'in agatn caro boharu obai aku pocayo ko Sio. Sio nantai Ana' Allah inyo kotakan mongasihi aku. Sio monyorahan diri-Nyo sampai mati sobagai kurbatn inyo monggonti'i aku.

Efesus 1:15

Obai nantai, doi' mulo aku mondinga' obai kaitn pocayo ko Tuhatn Yesus ongko kaitn mongasihi somuo umant husus umputn Allah,

Wahyu 3:21

Boko urakng inyo monang, Aku paca'an moijitan sia' dudu' di tahta-Ku bosamo agatn Aku. Samo sama'an Aku siku' udah monang lalu dudu' di tahta Bopai-Ku momorintah bosamo agatn Sio.

Galatia 3:13

Sobondarnyo, kito somuo gola' dihukupm obai kito kinyo hala ulih monaati somuo porintah huatan poraturan Allah inyo ditulis Musa dalapm buku Hukupm Torat. Apo Kristus monyolamant'an kito doi' hukupan nantai. Sio inyo monanggukng hukupan nantai pakai' kito. Watu Sio mati di kayu salib. Obai ado totulis dalapm Buku Suci, “Urakng inyo dipaku di kayu salib ia'an urakng inyo dihukupm Allah.”

Efesus 1:10

Ninam hajat Allah nantai: watu inyo udah ditontuan-Nyo, Sio paca'an mombulah somuo hal di sorugo ongko di bumi monjadi sodoirmo huatan Kristus bokuaso di pucu' somuonyo.

Kolose 1:4

Koi bosukur obai koi udah mondinga' obai kaitn pocayo ko Yesus, Rajo inyo disobut ‘Kristus’. Koi pan bosukur obai koi mondinga' kaitn mongasihi somuo urakng umant Allah.

Roma 10:3

Sia' co mongoroti caronyo Allah mombulah monsio monjadi bondar di hadapan-Nyo, ongko sia' moncubo monjumpati caro sia' siku'. Jadi, sia' co honda' monorima' caro inyo ditontuan Allah nantai.

1 Timotius 3:16

Sobondarnyo la'apo inyo tosimpatn dalapm kopocaya'an kito kotakan luar biaso! Boko hal nantai monunju'an caro hidup inyo monyonangan Allah. Boko hal nantai ia'an: “Yesus moniant'an diri-Nyo dalapm rupo monsio. Roh Allah monyatoan obai inyo dilabuhan Yesus bondar. Yesus monyatoan diri-Nyo ko boko molekat. Boko urakng momboritoan mongona'i Yesus ko somuo banso. Boko urakng di soluruh dunia monjadi pocayo ko Yesus. Allah bulah Yesus noi' ko sorugo dalapm komulia'an.”

2 Korintus 13:13

Aku bodoa oca' Tuhatn Yesus, monunju'an koboi'an-Nyo ko kaitn somuo. Aku bodoa jam oca' Allah hala mongasihi kaitn somuo. Aku pan mondoa'an oca' Roh Allah monyoroto'i kaitn somuo.