Efesus 3:12 - Porjanjian Boharu Torjomahan Baso Dilakng Soari-ari

¹² Obai kito pocayo ko Kristus, jadi di dalapm Sio, kito bebas datakng ko Allah. Kito kinyo paca'an gola'.

Efesus 3:12 ပူးပေါင်းရင်းမြစ်များ

Efesus 2:18

Kito doi' koduo pihak nantai ulih datakng ko Allah Bopai agatn caro inyo samo, ia'an molalu'i Kristus. Somuo kito dionji'i Roh Allah inyo samo inyo mombulah nantai tojadi.

Roma 5:2

Obai kito pocayo ko Yesus, jadi kito jam ulih moalapi koboi'an inyo Allah torus-monorus ditunju'an ko kito. Nantaiam koadaan hubukan kito agatn Allah watu ni'in. Apo kito jam sonang-nyamanam obai kito yakitn moharapan obai nono kito paca'an mondapat'an hidup inyo mulia bosamo Allah di sorugo.

Yohanes 14:6

Kato Yesus ko io, “Aku samo sama'an jalatn inyo bondar pakai' mongonal Allah, jalatn inyo monuju ko kohidupan inyo sobondarnyo. Aman ado urakng inyo honda' datakng ko Allah Bopai, ongkah molalu'i Aku am jalatnnyo.

2 Korintus 3:4

Kristusnam inyo bulah koi yakitn mongona'i nantai di hadapan Allah.

Roma 3:22

Ia'an, urakng monjadi bondar di hadapan Allah agatn caro pocayo ko Yesus Kristus. Caronyo samo pakai' somuo urakng. Dalapm hal nantai, urakng Yahudi kinyo ado bedanyo doi' urakng bukai Yahudi.

Ibrani 3:6

Apo Kristus sotia sobagai Ana' inyo bokuaso agatn rumah Allah, ia'an kito. Kito ia'an rumah-Nyo aman kito totap kuat pocayo ko Yesus huatan yakitn moharap'an agatn somuo hal inyo paca'an dionju' Sio ko kito nononyo. Somuo hal nantai mombulah hati kito rindakng.

Ibrani 10:35

Obai nantai, jangannam kaitn monyorah. Aman kaitn totap kuat pocayo, jadi nononyo kaitn tajahan bodapat upah bosar.

1 Petrus 3:18

Obai, Kristus udah mati sokali pakai' somuo dosa kito. Sio kinyo bodosa, apo Sio mati pakai' boko urakng inyo bodosa oca' Sio mombimbikng kito ko Allah. Sio inyo udah dibunuh dalapm koadaan-Nyo sobagai monsio, apo Roh Allah mombulah Sio hidup agi'.

1 Yohanes 2:28

Jadi, poana'anku! Kaitn gola' hidup bosatu agatn Kristus, oca' Sio datakng nononyo agi', kito co gola' huatan co malu mohadap Sio.

1 Yohanes 3:21

Jadi, boko somadikanku inyo tokasih, aman hati kito co monyalahan kito, jadi kito jangan gola' mohadapi Allah.