Efesus 2:5 - Porjanjian Boharu Torjomahan Baso Dilakng Soari-ari

⁵ Biar pan komai kito udah mati socaro rohani obai dosa kito, Allah udah moonji'i kito kohidupan boharu bosamo-samo agatn Kristus. Kaitn disolamant'an ongkah obai Allah monunju'an kasih karunia-Nyo ko kaitn.

Efesus 2:5 ပူးပေါင်းရင်းမြစ်များ

Lukas 15:24

Obai ubonyo ana'ku ni'in udah mati, apo ni'in hidup agi'. Io udah hilakng, apo ni'in ditomuan agi'.’ Lalu labuh am sia' pogai.

Yohanes 5:21

Bopai bulah boko urakng mati lalu bobali' hidup, huatan moonji'i sia' kohidupan inyo sobondarnyo. Ubo nian jam Ana' moonji'i kohidupan inyo sobondarnyo ko sopo ja' sosuai kohonda'-Nyo.

Yohanes 6:63

Inyo bulah monsio hidup ia'an Roh Allah. Kokuatan monsio co nyiant gunonyo pakai' nantai. Pomandiran inyo Ku padahan nantai boasal doi' Roh Allah. Pomandiran nantai ulih moonji'i hidup inyo sobondarnyo.

Kisah Boko Rasul 15:11

Apo, kito pocayo obai Tuhatn Yesus monyolamant'an kito agatn koboi'an hati Siobukainyo obai kito monaati poraturan agama. Nanam caro boko urakng inyo bukainyo urakng Yahudi disolamant'an jam.”

Roma 16:20

Allah inyo moonji'i sonang-nyamanam tajahan copat molonyapan kuaso Rajo Sitatn inyo molawatn kaitn. Aku bodoa oca' Yesus, Tuhatn kito, hala monunju'an kasih-Nyo ko kaitn.

Roma 3:24

Apo Allah udah monunju'an koboi'an-Nyo ko monsio. Sio mombulah caronyo oca' urakng ulih monjadi bondar di hadapan-Nyo, nyiant usaha doi' sia'. Kristus Yesus inyo mombayar pakai' mombebasan sia' doi' hukupan dosa.

Roma 4:16

Obai nantai am kobondaran bodasaran kopocaya'an oca' morupoan poonju' inyo cuma-cuma doi' Allah, sampai janji nantai bolaku pakai' somuo koturutan Abrahapm, bukainyo bayo pakai' sia' inyo hidup doi' hukupm Torat, apo jam pakai' sia' inyo hidup doi' iman Abrahapm. Obai Abrahapm ia'an bopai kito somuo,

Roma 5:10

Komai, kito molawatn Allah. Apo kito bobali' bohubukan boi' agatn Sio obai Ana'-Nyo mati pakai' kito. Obai Yesus udah molabuhan nantai, pasti Sio jam paca'an monyolamant'an kito inyo udah bobali' bohubukan boi' agatn Allah. Obai Yesus hidup, jadi kito paca'an mondapat'an hidup kokal jam.

Roma 5:6

Kito kinyo ulih monjadi bondar agatn kokuatan kito siku'. Apo pas timpu inyo ditontuan Allah, Kristus mati pakai' kito. Sio molabuhan nantai biar pan timpu kito kinyo pocayo ko Allah.

Roma 5:8

Apo, Allah monunju'an kasih-Nyo ko kito agatn caro ni'in: Timpu kito ija' urakng bodosa, Kristus mati pakai' kito.

Roma 8:2

Obai, kuaso Roh Allah udah molopasan kaitn doi' kuaso dosa ongko hukupan mati nantai. Roh Allah moonji'i kaitn kohidupan inyo sobondarnyo di dalapm Kristus Yesus.

Efesus 2:1

Komai, kaitn udah mati socaro rohani obai kaitn bodosa huatan molanggar boko porintah Allah.

Efesus 2:8

Obai kaitn disolamant'an obai Allah monunju'an kasih karunia-Nyo ko kaitn huatan obai kaitn pocayo ko Kristus Yesus. Nantai bukainyo boko hal inyo kaitn usahaan, apo boko hal inyo Allah onju' ko kaitn.

Efesus 5:14

Nantaiam sobabnyo ado pomandiran ni'in, “Oi kulo inyo tidu', huascam! Kulo inyo mati, bobali' hidup cam! Kristus paca'an bosinar ko kulo.”

Kolose 2:13

Komai kaitn udah mati socaro rohani obai kaitn bodosa huatan kinyo di sunant socaro jasmani. Apo Allah udah moonji'i kaitn kohidupan boharu bosamo-samo agatn Kristus. Allah udah moamputi somuo dosa kito.

Titus 2:11

Allah udah monunju'an koboi'an-Nyo inyo monyolamant'an somuo urakng. Biar pan kito kinyo cucu', Sio udah moonji'i jalatn oca' somuo urakng ulih disolamant'an.

Titus 3:5

Nantai tojadi bukainyo obai boko porbuatan boi' kito, apo obai kasih sayang-Nyo ko kito. Allah molabuhan nantai molalu'i Yesus Kristus, Ponyolamant kito. Yesus moonji'i Roh Allah inyo monulukng kito oca' kito hidup agatn caro inyo boharu.

Wahyu 22:21

Aku bodoa oca' Tuhatn Yesus monunju'an koboi'an-Nyo ko kaitn somuo. Amin!