Efesus 2:3 - Porjanjian Boharu Torjomahan Baso Dilakng Soari-ari

³ Sobondarnyo, komai kito somuo hidup agatn caro inyo sama'an nantai am. Kito monjumpati boko kohonda' bukakng-tubuh kito. Kito hidup sosuai agatn pikiran huatan kohonda' kito siku'. Porangai kito ia'an porangai boko urakng inyo soharusnyo dihukupm Allah samo sama'an boko urakng bukai.

Efesus 2:3 ပူးပေါင်းရင်းမြစ်များ

Markus 4:19

Apo koponsuahannyo, sia' kuatir mongona'i kohidupan di dunia ni'in. Sia' ditipu obai kodampuan ongko boko kohonda' inyo bukai lobih pontikng pakai' sia'. Jadi somuo nantai mongganggu' Pomandiran Allah sampai kinyo bobuah ia'an sia' co hidup sosuai agatn Pomandiran Allah.

Yohanes 1:13

Nantai kinyo tojadi socaro duniawi, samo sama'an boko urakng inyo dilahiran obai kohonda' damo hajat monsio. Sia' monjadi poana'an Allah obai Allah bulah somuo nantai memang tojadi.

Yohanes 8:44

Kaitn ninam boko poana'an Rajo Sitatn! Io nam bopai kaitn nan. Kaitn honda' monuruti kohonda' bopai kaitn nantai. Doi' mulonyo io nam pombunuh. Io co kalo ado hubukan agatn boko hal inyo bondar obai conyiant ado inyo bondar di dalapm dirinyo. Pas io bulah kotumbukan, nantai wajar, obai sipatnyo ongkah bulah kotumbukan nam. Sio nianam bopai boko tumbukan.

Kisah Boko Rasul 14:16

Di joman komai, Allah mombiaran somuo banso monuruti kohonda' hati siku'.

Roma 1:24

Obai nantaiam, Allah mombiaran sia' dikuaso'i boko kohonda' hati sia' pakai' molabuhan inyo kotor. Jadi, sia' hala molabuhan boko hal inyo momaluan agatn bukakng sia'.

Roma 11:30

Komai, kaitn kinyo taat agatn Allah. Apo obai sia' co taat, jadi Allah monunju'an bolas-kasihan ko kaitn.

Roma 13:14

Apo, kito gola' monjadi samo sama'an Tuhatn Yesus Kristus ongko hala monuruti Sio. Jangannam kito bopikir agi' mongona'i caronyo pakai' mongosihan kohonda' monsio.

Roma 2:14

Memang urakng inyo bukai Yahudi kinyo mondapat Hukupm Torat. Apo aman sia' ado kohonda' sia' siku' hidup sosuai agatn Hukupm Torat, jadi sia' monunju'an obai hati sia' sikuꞌ mombimbikng sia' samo sama'an Hukupm Torat mombimbikng urakng Yahudi.

Roma 5:10

Komai, kito molawatn Allah. Apo kito bobali' bohubukan boi' agatn Sio obai Ana'-Nyo mati pakai' kito. Obai Yesus udah molabuhan nantai, pasti Sio jam paca'an monyolamant'an kito inyo udah bobali' bohubukan boi' agatn Allah. Obai Yesus hidup, jadi kito paca'an mondapat'an hidup kokal jam.

Roma 5:9

Ni'inan kito udah dibondaran molalu'i komatian Kristus; obai nantai am kito pasti paca'an disolamant'an jam doi' ponggodi Allah molalu'i Kristus.

Roma 6:12

Obai nantai, jangan agi' mombiaran dosa monguaso'i hidup kaitn di dunia ni'in inyo ongkah sobontar aja'. Jangan agi' monuruti kohonda' pakai' bodosa.

Roma 7:18

Aku tohu kinyo ado inyo boi' dalapm diriku, ia'an aku ni'innam monsio agatn kohonda' pakai' bodosa. Biar pan aku ado kohonda' pakai' bulah koboi'an jam, apo aku co mampu molabuhannyo.

Roma 9:22

Ubo nian jam Allah bokuaso doi' somuo urakng inyo Sio pulah. Ado boko urakng inyo mombulah Allah godi. Sio udah siap mombonasoan sia'. Sio honda' monunju'an obai Sio godi ongko monunju'an kuaso-Nyo. Sio sabar agatn sia', jadi Sio kinyo lansukng mohukupm sia'

1 Korintus 4:7

Co nyiant urakng di antaro kaitn inyo lobih pontikng daripado urakng bukai. Somuo inyo umputn kaitn dionju' Allah. Jadi jangan kaitn buhau ubonyo pongulihan kaitn siku' mo bukainyo doi' Tuhatn.

2 Korintus 7:1

Boko somadikan inyo ku kasihi! Somuo janji Allah nantai pakai' kito. Obai nantai, marabo kito monjago bukakng-tubuh ongko roh kito oca' borosih doi' somuo hal inyo jahat. Agatn sama'an nantai, kito mongkitn hidup husus pakai' Allah kapikng kito gola' agatn Sio.

Galatia 3:22

Apo di dalapm Buku Suci totulis obai somuo urakng di dunia dikuaso'i dosa. Agatn ubo nian, la'apo inyo Allah janjian molalu'i kopocaya'an ko Yesus Kristus nantai, Sio onju' ko boko urakng inyo pocayo.

Efesus 2:2

Watu nantai, caro hidup kaitn samo sama'an boko urakng di dunia ni'in inyo kinyo mongonal Allah. Kaitn tuyut Rajo Sitatn inyo bokuaso di langit di pucu' somuo kuaso jahat. Io ia'an roh inyo bokorojo dalapm hati boko urakng inyo kinyo monaati Allah.

Efesus 4:22

Kaitn diajar pakai' moninggalan caro hidup kaitn inyo manah nantai, ia'an kohidupan kaitn inyo monjadi rusa' obai kaitn monjumpati boko kohonda' inyo monipu kaitn.

Kolose 1:21

Memang komai kaitn hidup jouh doi' Allah. Kaitn nantai musuhAllah dalapm hati huatan pikiran kaitn. Obai, porbuatan kaitn jahat jam.

1 Tesalonika 4:13

Boko somadikan, koi kotakng honda' oca' kaitn mongotohu'i mongona'i la'apo inyo paca'an tojadi ko boko urakng inyo pocayo lopas sia' mati. Koi co honda' kaitn bulikng samo sama'an boko urakng inyo kinyo pocayo ko Yesus. Sia' co nyiant pongharapan obai boko urakng inyo mati paca'an bobali' hidup.

1 Tesalonika 5:6

Jadi, kito gola' bojago-jago huatan bososiap timpu Tuhatn datakng. Padohan hidup sama'an sia' inyo kinyo pocayo ko Yesus. Watu malapm, sia' ‘ado inyo tidu'’, ado jam inyo komabu'an sampai co bojago-jago huatan bososiap aman ado pongolit datakng.

1 Timotius 6:9

Apo ado boko urakng inyo honda' monjadi urakng dampu. Obai nantai, watu sia' dicubo'i, sia' bulah dosa. Samo sama'an urakng kona' joyat inyo tuyut kohonda' inyo budu huatan mombohayoan. Baba'annyo, hidup sia' monjadi rusa' huatan paca'an bonaso.

Titus 3:3

Komai sobolupm kito pocayo kito co tohu jam caro hidup inyo boi' sama'an sia'. Kito co taat jam agatn Allah. Kito dikotumbuki boko hal inyo jahat. Kohonda' ongko kosonangan di dunia ni'in monguaso'i kito. Kito hala bulah kojahatan ongko hala tungi agatn urakng bukai. Kito bonci' agatn urakng bukai ongko urakng bukai pan bonci' agatn kito.

1 Petrus 1:14

Kaitn gola' hidup monaati Allah. Jangan monuruti kohonda' kaitn siku', samo sama'an inyo kaitn labuhan sobolupm kaitn mongonal Tuhatn.

2 Petrus 2:14

Sia' kinyo kalo suah bulah dosa. Mato sia' hala moncari' boko botina' inyo gala' bomporajoan. Sia' mompongaruhi boko urakng inyo bolupm pocayo agatn kuat. Hati sia' udah tolatih monjadi tama'. Jadi, Allah pasti mohukupm sia'!

2 Petrus 2:18

Obai, sia' mongajar agatn pomandiran solah-olah sia' kotakan pintar, apo sobondarnyo pomandiran sia' conyiant gunonyo. Agatn caro nantai, sia' mompongaruhi boko urakng pakai' moikuti hawa napsu inyo jahat, ia'an boko urakng inyo hoyu' pan koluar doi' kobiasa'an boko urakng inyo hidup agatn caro inyo salah.

1 Yohanes 2:16

Boko lapopan inyo ado di dalapm dunia ni'in, ia'an kohonda' monsio, boko hal inyo ditiat lalu dikohonda'i, somuo hal lapo pan inyo monjadian urakng buhau. Somuo nantai kinyo boasal doi' Allah Bopai, apo doi' dunia.

1 Yohanes 2:8

Biar pan ubo nian, porintah nantai ulih dianggap boharu jam. Obai kobondarannyo ulih ditiat dalapm diri Kristus ongko dalapm diri kaitn. Obai, kogolapan mongkitn mohilakng huatan torakng inyo bondar mula'i bocohayo.