Efesus 2:15 - Porjanjian Boharu Torjomahan Baso Dilakng Soari-ari

^15-16 Komainyo urakng Yahudi monaati somuo porintah huatan poraturan di Hukupm Torat oca' dosa sia' diamputi ongko sia' ulih bodamai agi' agatn Allah. Apo watu Kristus monjadi monsio huatan mati di kayu salib, Sio mombulah agatn caro nantai kinyo ulih di pakai' agi', obai Sio inyo monanggukng hukupan dosa somuo urakng. Agatn sama'an nantai, Sio mombulah oca' somuo urakng inyo pocayo doi' duo pihak nantai, urakng Yahudi ongko urakng bukainyo Yahudi, sia' ulih bodamai agi' agatn Allah. Kristus molabuhan somuo nantai oca' sia' monjadi satu umant inyo boharu di dalapm Sio. Boko urakng inyo pocayo doi' duo pihak nantai bodamai agatn inyo bukainyo. Sia' kinyo bokonjahatan agi' obai porbuatan Kristus di kayu salib.

Efesus 2:15 ပူးပေါင်းရင်းမြစ်များ

Kolose 2:14

Gambarannyo sama'an ni'in: Somuo dosa kito tocatat dalapm surat hutakng inyo molawatn huatan moancapm kito. Apo Allah mohancuran surat nantai watu Yesus dipaku di kayu salib.

Galatia 3:10

Apo sotiap urakng inyo bayo bousaha monaati Hukupm Torat, komungkitan paca'an kona' tulah, obai mungkitn sia' co ulih hala monaati somuo porintah huatan poraturan Allah nantai. Obai ado totulis dalapm Buku Suci: “Allah paca'an mohukupm boko urakng inyo kinyo hala sotia monaati somuo Hukupm Torat.”

Ibrani 8:13

Jadi, boko somadikan, obai Allah bopandir mongona'i pojanjian inyo boharu, jadi Sio mombulah pojanjian manah nantai kinyo topakaiam. Pojanjian manah nantai udah tuho huatan kinyo manah agi' paca'an hilakam.

Kolose 3:10

Kaitn udah hidup agatn caro boharu. Allah inyo bulah hidup kaitn inyo boharu nantai. Sio hala bulah sipat kaitn samo sama'an Sio. Sio molabuhan nantai oca' kaitn bondar-bondar konal agatn Sio.

Kolose 2:20

Kaitn udah dibebasan doi' kuaso boko roh dunia ni'in. Kaitn moanggap kohidupan inyo manah nantai udah mati, ubonyo kaitn mati bosamo-samo agatn Kristus. Jadi, jangan kaitn hidup sama'an urakng inyo dikuaso'i ulih boko poraturan di dunia ni'in!

Galatia 6:15

Disunant kata'an co bosunant nantai co nyiant bedanyo. Inyo pontikng ia'an kito hidup agatn caro inyo boharu.

Galatia 3:28

Kaitn somuo monjadi satu dalapm Kristus Yesus. Allah kinyo monyongkayoan antaro urakng Yahudi damo urakng bukainyo Yahudi; antaro hulutn damo urakng bebas; antaro lolaki damo botina'.

Efesus 4:16

doi' somuo anggota bukakng-tubuh inyo tosusutn rapi huatan bohubukan kuat agatn boko anggotanyo. Aman sotiap anggota bokorojo sosuai agatn komampuan husus inyo dionju'nyo, jadi Kristus mombulah soluruh bukakng-tubuh botumbuh dalapm kasih.

2 Korintus 5:17

Boko urakng inyo ado di dalapm Kristus, sia' monjadi monsio boharu. Sia' udah botongga' hidup agatn caro inyo manah. Sobondarnyo, sia' hidup agatn caro inyo boharu.

Ibrani 7:16

Sio monjadi Imam bukainyo obai poraturan monsio, apo Sio monjadi Imam obai hidup-Nyo inyo bokuaso ongko kinyo ulih dibonasoan.

Ibrani 9:23

Jadi, la'apo pan inyo molambakan boko hal inyo ado di sorugo gola' diborosihi agatn caro sama'an nantai. Apo, boko hal inyo di sorugo gola' diborosihi agatn kurbatn posombahan inyo lobih boi' doi' nantai.

Efesus 2:10

Obai kito ni'in pulahan Allah huatan molalu'i Kristus, Allah mombulah kito oca' kito molabuhan boko hal inyo boi', ia'an boko pokoroja'an inyo udah Sio siap'an sobolupmnyo pakai' kito.

Efesus 2:14

Sio nam inyo mombulah kito bodamai. Komainyo urakng Yahudi bokonjahatan agatn urakng bukainyo Yahudi. Apo Kristus mombulah somuo kito inyo pocayo doi' duo pihak nantai monjadi satu umant. Umpamonyo Sio morobahan tembok inyo momisahan kito.

Kolose 3:11

Dalapm hidup boharu ni'in, bukai-mombukai antaro urakng kinyo pontikng, contohnyo antaro urakng Yahudi agatn urakng inyo bukainyo urakng Yahudi, antaro urakng bosunant agatn urakng inyo kinyo bosunant, antaro urakng doi' banso Barbar inyo co dikonal agatn urakng doi' banso Skit inyo dorako, antaro hulutn agatn urakng bebas. Apo inyo palikng pontikng ia'an Kristus. Sio ado di dalapm boko urakng inyo pocayo.

Kolose 3:15

Kaitn samo sama'an sobukakng-sotubuh. Allah moningkau kaitn pakai' hidup dalapm sonang-asau agatn inyo bukai. Obai nantai, kohonda'nyo sonang-asau doi' Kristus monguaso'i hati kaitn. Bukai doi' nantai, bosukurcam ko Allah.