Efesus 2:13 - Porjanjian Boharu Torjomahan Baso Dilakng Soari-ari

¹³ Apo watu ni'in kaitn kinyo sama'an nian agi' am obai kaitn di dalapm Kristus Yesus. Komai kaitn jouh doi' Allah apo watu ni'in kaitn monjadi dampikng obai darah Kristus.

Efesus 2:13 ပူးပေါင်းရင်းမြစ်များ

Kisah Boko Rasul 2:39

Obai Roh nantaiam Allah janjian ko kaitn, ko boko poana'an kaitn, huatan ko boko urakng di tompat inyo jouh, ia'an somuo urakng inyo ditingkau Tuhatn Allah kito pakai' monjadi umant-Nyo.”

1 Korintus 6:11

Ija' komainyo ado boko urakng di antaro kaitn inyo hidup sama'an nian. Apo kaitn udah diborosihi doi' boko dosa. Kaitn udah monjadi umant husus umputn Allah. Kaitn udah dianggap bondar di hadapan Allah. Somuo nian tojadi obai kuaso Tuhatn Yesus Kristus huatan kuaso Roh Allah kito.

Wahyu 5:9

Sia' monyanyian nyanyian boharu pakai' momuji Ana' Domba nantai. Kato sia', “Duatn inyo cucu' monorima' gulukan buku nian lalu molopasan boko segelnyo. Obai, Duatn udah disombolih; Agatn darah Duatn siku', Duatn udah mombayar hukupan dosa boko urakng doi' sotiap suku, sotiap baso, sotiap banso, sotiap negara. Duatn molabuhan nantai pakai' bulah sia' monjadi umant umputn Allah.

Kisah Boko Rasul 26:18

Kolai paca'an monulukng sia' oca' mongoroti jadi sia' co hidup dalapm kopocaya'an inyo salah, apo bobali' pocayo inyo bondar. Kolai paca'an monulukng sia' oca' mongoroti jadi sia' kinyo hidup dibabah kuaso Iblis agi', apo bobali' ongko hidup di babah kuaso Allah. Agatn ubo nian, aman sia' pocayo agatn Aku, ongko boko dosa sia' paca'an diamputi. Sia' mondapat tompat di antaro umant Allah.’ Nanam pomandiran Yesus ko Aku.

Efesus 2:12

Watu nantai, kaitn bolupm mongonal Kristus. Kaitn ia'an urakng asikng, bukainyo warga banso Israel inyo dipilih Allah. Kaitn bukainyo urakng inyo bodapat la'apo pan inyo dijanjian Allah. Jadi, kaitn co nyiant harapan. Kaitn hidup di dunia ni'in kinyo mongonal Allah.

Efesus 1:7

Watu Ana'-Nyo mati di kayu salib, Sio mombayar agatn darah-Nyo pakai' mombebasan kito doi' hukupan dosa. Jadi, molalu'i Ana'-Nyo, Allah moamputi dosa kito. Allah molabuhan somuonyo nantai obai kasih karunia-Nyo inyo kotakng bosar.

Galatia 3:28

Kaitn somuo monjadi satu dalapm Kristus Yesus. Allah kinyo monyongkayoan antaro urakng Yahudi damo urakng bukainyo Yahudi; antaro hulutn damo urakng bebas; antaro lolaki damo botina'.

2 Korintus 5:17

Boko urakng inyo ado di dalapm Kristus, sia' monjadi monsio boharu. Sia' udah botongga' hidup agatn caro inyo manah. Sobondarnyo, sia' hidup agatn caro inyo boharu.

1 Petrus 3:18

Obai, Kristus udah mati sokali pakai' somuo dosa kito. Sio kinyo bodosa, apo Sio mati pakai' boko urakng inyo bodosa oca' Sio mombimbikng kito ko Allah. Sio inyo udah dibunuh dalapm koadaan-Nyo sobagai monsio, apo Roh Allah mombulah Sio hidup agi'.

Ibrani 9:18

Nantaiam sobabnyo pojanjian potamo pan gola' disahan agatn darah.

1 Korintus 1:30

Jadi, kaitn ado hubukan dokat agatn Kristus Yesus obai porbuatan Allah, bukainyo obai porbuatan kaitn. Yesus monjadi kopintar-corodi'an Allah bagi kito. Molalu'i Yesus, kito monjadi bondar di hadapan Allah. Kito pan monjadi umant husus pakai' umputn Sio. Sio monanggukng hukupan dosa kito pakai' monobus kito.

Roma 8:1

Obai nianam, watu ni'in Allah kinyo mohukupm urakng inyo ado di dalapm Kristus Yesus.

Kisah Boko Rasul 22:21

Apo Tuhatn bopandir ko aku, ‘Botula'cam! Obai Aku paca'an moutus kolai ko boko tompat inyo jouh doi' si'itn. Kolai gola' momboritoan mongona'i Aku ko boko banso urakng inyo bukai Yahudi.’ ”

Kisah Boko Rasul 15:14

Simon Petrus udah mongisahan pongalapannyo komai. Io mongisahan caro Allah monunju'an koboi'an ko boko banso bukai. Allah momilih boko urakng doi' antaro sia' oca' monjadi umant-Nyo.

Yohanes 10:16

Apo ado jam boko domba bukai inyo bukainyo doi' kabatn domba ni'in inyo umputn-Ku. Aku gola' mombaba' sia' jam. Sia' paca'an mondinga'an saro-Ku. Somuo domba-Ku paca'an monjadi sokabatn agatn siku' pongombolo.

Efesus 1:1

Surat ni'in doi' aku, Paulus. Aku di tingkau pakai' monjadi rasul Kristus Yesus obai nantai kohonda' Allah. Surat ni'in ko somuo umant husus umputn Allah di kota Efesus, ia'an boko urakng inyo pocayo ko Kristus Yesus.

Efesus 2:2

Watu nantai, caro hidup kaitn samo sama'an boko urakng di dunia ni'in inyo kinyo mongonal Allah. Kaitn tuyut Rajo Sitatn inyo bokuaso di langit di pucu' somuo kuaso jahat. Io ia'an roh inyo bokorojo dalapm hati boko urakng inyo kinyo monaati Allah.

Efesus 2:6

Samo sama'an Allah moangkat ongko moonji'i tompat tohormat di sorugo ko Kristus, Allah mombulah nantai jam pakai' kito obai kito di dalapm Kristus Yesus.

Efesus 2:10

Obai kito ni'in pulahan Allah huatan molalu'i Kristus, Allah mombulah kito oca' kito molabuhan boko hal inyo boi', ia'an boko pokoroja'an inyo udah Sio siap'an sobolupmnyo pakai' kito.