Efesus 2:12 - Porjanjian Boharu Torjomahan Baso Dilakng Soari-ari

¹² Watu nantai, kaitn bolupm mongonal Kristus. Kaitn ia'an urakng asikng, bukainyo warga banso Israel inyo dipilih Allah. Kaitn bukainyo urakng inyo bodapat la'apo pan inyo dijanjian Allah. Jadi, kaitn co nyiant harapan. Kaitn hidup di dunia ni'in kinyo mongonal Allah.

Efesus 2:12 ပူးပေါင်းရင်းမြစ်များ

Lukas 1:72

Allah molabuhan nantai oca' monunju'an kasih sotia-Nyo ko angki-bayatn kito. Allah monopat'i janji-Nyo kotakan suci nantai.­­

Yohanes 10:16

Apo ado jam boko domba bukai inyo bukainyo doi' kabatn domba ni'in inyo umputn-Ku. Aku gola' mombaba' sia' jam. Sia' paca'an mondinga'an saro-Ku. Somuo domba-Ku paca'an monjadi sokabatn agatn siku' pongombolo.

Yohanes 15:5

Aku ninam kondukng anggur. Kaitn nam samo sama'an dahatnnyo. Urakng gola' totap bosatu agatn Aku, lalu Aku paca'an bosatu agatn io. Aman ubo nian, io paca'an bobuah lobat. Obai, aman kaitn co bosatu agatn Aku, jadi kaitn culih bulah la'apo pan inyo boi'.

Yohanes 4:22

Kaitn urakng Samaria monyombah Allah apo kinyo bondar-bondar mongonal-Nyo. Koi urakng Yahudi monyombah Sio inyo koi konal. Koi mongonal Sio obai kosolamant'an nantai doi' banso Yahudi.

Kisah Boko Rasul 2:39

Obai Roh nantaiam Allah janjian ko kaitn, ko boko poana'an kaitn, huatan ko boko urakng di tompat inyo jouh, ia'an somuo urakng inyo ditingkau Tuhatn Allah kito pakai' monjadi umant-Nyo.”

Kisah Boko Rasul 28:20

Nanam obainyo, aku minto pakai' botomu agatn kaitn, oca' aku ulih monjolasan alasan aku monjadi tahatan di si'itn. Aku ditangkap obai aku pocayo ko Rajo Inyo Allah janjian ko urakng Israel.”

Kisah Boko Rasul 3:25

Boko nabi nantai monyampaian janji Allah ko angki-bayatn kito. Apo somuo janji-Nyo nantai pakai' kito jam. Allah bopandir ko Abrahapm, Bopai angki-bayatn kito. Kato-Nyo, ‘Somuo banso di dunia paca'an diborokati ulih koturutan kolai.’ Yesus koturutan Abrahapm nantai am.

Roma 9:8

Nantai boroti koturutan Abrahapm inyo monjadi poana'an Allah, ongkah sia' inyo lahir obai janji Allah huatan bukai somuo koturutannyo.

Galatia 4:8

Apo komai, kaitn bolupm ado hubukan agatn Allah. Kaitn monyombah boko duato inyo kinyo bondar. Kaitn monjadi boko hulutn boko duato nantai.

Efesus 2:19

Obai nantai, kaitn bukainyo urakng asikng agi'. Kaitn bukainyo urakng inyo jouh doi' Allah. Apo kaitn monjadi satu umant bosamo agatn boko urakng bukainyo inyo husus umputn Allah. Kaitn monjadi boko anggota koluarga Allah.

Efesus 4:18

Sia' kinyo dapat mongoroti mongona'i Allah obai sia' tinggal di dalapm potakng, jouh doi' kohidupan inyo dionju' Allah. Obai, sia' kinyo mongonal Allah, huatan obai sia' korikng hati.

Kolose 1:21

Memang komai kaitn hidup jouh doi' Allah. Kaitn nantai musuhAllah dalapm hati huatan pikiran kaitn. Obai, porbuatan kaitn jahat jam.

Kolose 1:27

Allah honda' momadahan ko sia' obai roncana-Nyo kotakan boi' pakai' boko banso inyo bukainyo banso Yahudi. Ni'innam roncana-Nyo: Kristus ulih hidup di dalapm diri kaitn urakng inyo bukainyo urakng Yahudi. Rotinyo, kaitn ulih yakitn moharap'an obai kaitn paca'an monorima' kohormatan doi' Allah.

Kolose 1:5

Kaitn pocayo huatan mongasihi obai kaitn yakitn moharap'an somuo inyo disodiaan pakai' kaitn di sorugo. Kaitn udah mondinga' mongona'i nantai dalapm Kabar Boi' inyo bondar

1 Tesalonika 4:13

Boko somadikan, koi kotakng honda' oca' kaitn mongotohu'i mongona'i la'apo inyo paca'an tojadi ko boko urakng inyo pocayo lopas sia' mati. Koi co honda' kaitn bulikng samo sama'an boko urakng inyo kinyo pocayo ko Yesus. Sia' co nyiant pongharapan obai boko urakng inyo mati paca'an bobali' hidup.

1 Tesalonika 4:5

Jangan biaran diri kaitn dikuaso'i hawa napsu sama'an boko urakng inyo kinyo mongonal Allah.

2 Tesalonika 2:16

Allah Bopai huatan Yesus Kristus, Tuhatn kito, mongasihi kito. Sio monguat'an hati kito somanah-manahnyo. Sio jam bulah kito kotakng yakitn obai Sio paca'an momonuhi somuo janji inyo boi' pakai' kito. Koi bodoa oca' Allah Bopai huatan Yesus Kristus, Tuhatn kito

1 Timotius 1:1

Ko Timotius: inyo bondar-bondar sama'an ana'ku dalapm Yesus. Salapm doi' aku, Paulus. Kristus Yesus ongko Allah moutus aku monjadi rasul-Nyo pakai' momboritoan mongona'i Sio. Allah nanam Ponyolamant kito huatan Kristus Yesus tompat kito boharap. Aku bodoa oca' kasih karunia ongko sonang-asau doi' Allah, Bopai kito, huatan Tuhatn Yesus Kristus monyoroto'i kolai.

Ibrani 11:34

Ado inyo suba' solamant doi' api inyo kotakng honggur. Ado inyo udah lopas doi' urakng inyo honda' mombunuh sia'. Sia' lomah, apo monjadi kuat. Sia' monjadi kuat dalapm boparakng sampai sia' ulih mongalahan boko tontara banso asikng.

Ibrani 6:18

Watu Allah moucap'an janji-Nyo ongko sumpah-Nyo, co mungkitn Sio tumbukan. Koduo hal nantai kinyo ulih borubah. Obai nantai, kito inyo datakng ko Sio oca' dilinduki, hati kito monjadi kotakng kuat pakai' boharap obai nononyo kito paca'an monorima' borokat inyo dijanjian Allah ko kito.

Ibrani 8:6

Apo watu ni'in, Yesus ado polayatan inyo jouh lobih boi' doi' polayatan boko imam di dunia. Obai, Sio monjadi Porontaro inyo moadoan Pojanjian Boharu inyo Allah pulah agatn monsio. Pojanjian nantai lobih boi' obai boko hal inyo dijanjian Allah lobih boi' jam.

1 Petrus 1:21

Ia'an, kaitn dapat monjadi pocayo ko Allah obai porbuatan Kristus nantai. Allah udah bulah Sio hidup agi' doi' antaro urakng mati lalu mombulah Sio monjadi mulia. Agatn ubo nantai, kaitn pocayo huatan boharap ko Allah.

1 Petrus 1:3

Topujicam Allah, ia'an Bopai doi' Yesus Kristus, Tuhatn kito. Allah udah monunju'an koboi'an-Nyo inyo luar biaso ko kito agatn caro ni'in: Sio bulah Yesus Kristus hidup agi' doi' antaro urakng mati. Molalu'i nantai, Sio moonju' kohidupan boharu ko kito samo sama'an kito hoyu' lahir. Obai nantai, hal ni'in moonji'i kito pongharapan inyo kuat.

1 Petrus 3:15

Apo dalapm hati kaitn hormaticam Kristus sobagai Tuhatn inyo bokuaso pakai' kaitn. Kaitn gola' hala siap monjolasan alasan kaitn boharap ko Kristus. Kaitn gola' monjolasan nantai ko sotiap urakng inyo botakutn mongona'i hal nantai.

1 Yohanes 3:3

Somuo urakng inyo yakitn moharapan obai Sio paca'an mombulah nantai tojadi, sia' monjago diri oca' co bulah dosa samo sama'an Sio co bulah dosa.