Efesus 1:19 - Porjanjian Boharu Torjomahan Baso Dilakng Soari-ari

¹⁹ Aku pan bodoa jam oca' kaitn tohu obai kuaso-Nyo kotakng bosar, ia'an kuaso-Nyo inyo Sio gunoan pakai' kito inyo pocayo. Kuaso nantai samo agatn kuaso

Efesus 1:19 ပူးပေါင်းရင်းမြစ်များ

Filipi 2:13

Obai, Allah siku' bokorojo di dalapm kaitn. Sio moonju' ko kaitn kohonda' ongko komampuan pakai' monyonangan Sio.

Efesus 3:20

Topujiam Allah! Sio sanggup molabuhan banya' hal, lobih banya' doi' inyo ulih kito minto damo bayakan. Obai, kuaso-Nyo bokorojo di dalapm diri kito.

Kolose 2:12

Obai watu kaitn dibaptis dalapm damo Yesus, kohidupan kaitn inyo manah nantai udah mati, ubonyo kaitn dipasar bosamo-samo agatn Kristus. Apo kaitn pocayo obai kuaso Allah udah bulah Kristus bobali' hidup doi' komatian. Obai nantai, kaitn pan dionji'i kohidupan inyo boharu.

2 Korintus 4:7

Kabar Boi' mongona'i Kristus inyo kotakan borogo nantai koi baba' dalapm diri koi inyo kinyo borogo, inyo dipulah doi' tanah. Agatn ubo nantai oca' nyata obai kuaso inyo luar biaso nantai boasal doi' Allah, bukainyo doi' diri koi siku'.

Kolose 1:29

Pakai' nantaiam aku bousaha koras. Aku bousaha agatn sokuat dayo doi' Kristus inyo bokorojo dalapm diriku agatn ponuh kuaso.

Efesus 6:10

Jadi, kohonda'nyo kaitn monjadi kuat agatn kokuatan inyo kaitn dapatan doi' kuaso Tuhatn, obai kaitn bosatu agatn Sio.

Efesus 3:7

Allah monunju'an kasih karunia-Nyo, ko aku agatn moutus aku momboritoan Kabar Boi' nantai. Kuaso-Nyo bokorojo dalapm diriku sampai aku ulih molayati Sio.

Efesus 2:10

Obai kito ni'in pulahan Allah huatan molalu'i Kristus, Allah mombulah kito oca' kito molabuhan boko hal inyo boi', ia'an boko pokoroja'an inyo udah Sio siap'an sobolupmnyo pakai' kito.

Roma 1:16

Aku co malu momboritoan Kabar Boi' nantai obai Kabar Boi' ia'an kuaso Allah pakai' monyolamant'an somuo urakng inyo pocayo, potamo-tamo urakng Yahudi, apo jam urakng bukainyo Yahudi.

Yakobus 1:18

Sosuai agatn hajat Sio, Sio moonji'i kosompatan ko kito pakai' mondinga'an Kabar Boi' inyo bondar. Obai nantaiam kito pocayo, lalu kito monjadi boko poana'an Sio. Sio molabuhan nantai oca' kito monjadi boko urakng inyo doholu doi' antaro somuo inyo dipulah-Nyo. Samo sama'an boko buah inyo potamo doi' hasil hanyianinyo di onju' ko Allah obai husus umputn Sio.

2 Tesalonika 1:11

Obai Allah mombalas somuo urakng agatn adil, koi hala mondoa'an kaitn. Koi bodoa oca' Allah moanggap kaitn cucu' pakai' ditingkau-Nyo. Koi pan bodoa oca' kuaso Allah monulukng kaitn pakai' molabuhan somuo inyo kaitn labuhan. Koi pan bodoa oca' Allah moonji'i kokuatan pakai' molabuhan somuo inyo kaitn labuhan obai pocayo ko Yesus.

1 Tesalonika 1:5

Obai watu koi momboritoan Kabar Boi' ko kaitn, koi kinyo bayo momakai boko pomandiran koi modas. Apo kuaso Roh Allah monulukng koi monyampaiannyo huatan koi kotakng yakitn aman Kabar Boi' nantai bondar. Kaitn mongotohu'i somuo nantai obai kaitn udah moniant caro hidup koi. Watu koi ado di antaro kaitn, koi molayati kaitn.

2 Korintus 5:17

Boko urakng inyo ado di dalapm Kristus, sia' monjadi monsio boharu. Sia' udah botongga' hidup agatn caro inyo manah. Sobondarnyo, sia' hidup agatn caro inyo boharu.

Kisah Boko Rasul 26:18

Kolai paca'an monulukng sia' oca' mongoroti jadi sia' co hidup dalapm kopocaya'an inyo salah, apo bobali' pocayo inyo bondar. Kolai paca'an monulukng sia' oca' mongoroti jadi sia' kinyo hidup dibabah kuaso Iblis agi', apo bobali' ongko hidup di babah kuaso Allah. Agatn ubo nian, aman sia' pocayo agatn Aku, ongko boko dosa sia' paca'an diamputi. Sia' mondapat tompat di antaro umant Allah.’ Nanam pomandiran Yesus ko Aku.

Yohanes 3:6

La'apo inyo dilahiran socaro jasmani bosipat jasmani huatan la'apo inyo dilahiran doi' Roh Allah bosipat Rohani.

Filipi 3:21

Sio ado kuaso pakai' mombulah somuo la'apo pan tundu' agatn Sio. Agatn kuaso-Nyo nantai, bukakng-tubuh kito ni'in inyo lomah ongko ulih diloloan, Sio tajahan morubah monjadi samo sama'an bukakng-tubuh Sio inyo mulia.

1 Petrus 4:11

Aman ado urakng inyo dionji'i komampuan pakai' bopandir, io gola' bopandir monyampaian Pomandiran Allah. Aman ado urakng inyo dionji'i komampuan pakai' molayati urakng bukai, io gola' molayati agatn kokuatan inyo Allah onju' ko io. Pakaicam somuo komampuan kaitn oca' urakng bukai momuliaan Allah obai Yesus Kristus inyo bulah somuo nantai dapat tojadi. Sionam inyo mulia ongko bokuaso somanah-manahnyo. Amin!