Efesus 1:15 - Porjanjian Boharu Torjomahan Baso Dilakng Soari-ari

¹⁵ Obai nantai, doi' mulo aku mondinga' obai kaitn pocayo ko Tuhatn Yesus ongko kaitn mongasihi somuo umant husus umputn Allah,

Efesus 1:15 ပူးပေါင်းရင်းမြစ်များ

Filemon 1:5

Aku bosukur obai aku mondinga' obai kolai bondar-bondar pocayo ko Tuhatn Yesus huatan kolai pan mongasihi somuo urakng inyo husus umputn Allah.

Ibrani 6:10

Obai, Allah adil. Sio kinyo kolupatn agatn polayatan kaitn. Sio kinyo tongkolupatn aman kaitn mongasihi urakng bukai oca' damo Sio dipuji. Ia'an nantai, kaitn udah monulukng boko urakng inyo pocayo. Sampai watu ni'in, kaitn totap monulukng sia'.

2 Tesalonika 1:3

Boko somadikan, koi bosukur ko Allah obai kaitn. Cucu' mo koi bosukur obai kaitn mongkitn kuat pocayo ko Yesus. Somuo kaitn pan mongkitn mongasihi siku'-monyiku'.

1 Yohanes 4:21

Nianam porintah inyo kito torima' doi' Sio: Urakng inyo mongasihi Allah, io gola' mongasihi somadikannyo.

1 Yohanes 3:17

Sopo pan inyo hidupnyo dampu, huatan io pan moniant somadikannyo jaro uyuh, apo io co honda' monulukng urakng nantai, ubo apo kasih Allah ado dalapm dirinyo!

1 Petrus 1:22

Obai kaitn monaati kobondaran, kaitn udah monjadi suci di hadapan Allah. Jadi, kaitn dapat mongasihi somadikan kaitn inyo sosamo pocayo, agatn hati tulus. Obai nantai, kaitn gola' bobondar hala mongasihi agatn soponuh hati.

1 Timotius 1:14

Apo Tuhatn kito kotakan momborokati aku agatn caro bulah aku monjadi pocayo agatn Sio huatan ulih mongasihi.

1 Timotius 1:5

Aku moonji'i nosihat ni'in oca' boko urakng inyo pocayo hala mongasihi agatn hati inyo jujur, agatn saro hati pakai' bulah koboi'an, huatan bondar-bondar pocayo ko Yesus.

1 Tesalonika 4:9

Ni'inan, mongona'i hal mongasihi boko somadikan bukai inyo pocayo ko Yesus. Koi kinyo pontikng monulis surat agi' mongona'i hal nantai obai Allah udah mongajar kaitn pakai' hala mongasihi.

1 Tesalonika 1:3

Koi bosukur ko Allah Bopai kito obai koi moingant caro hidup kaitn. Ia'an, obai kaitn pocayo ko Yesus huatan udah moniant'an dalapm porbuatan kaitn inyo nyata. Kaitn mongasihi urakng bukai agatn somombondarannyo monulukng sia'. Ongko kaitn totap kuat ongkah boharap ko Yesus Kristus, Tuhatn kito.

Galatia 5:6

Obai, hal bosunant kata'an kinyo bosunant co nyiant bedanyo di kito inyo ado di dalapm Kristus Yesus. Inyo pontikng ia'an aman kito pocayo ko Yesus huatan kopocaya'an nantai monyurukan kito pakai' mongasihi urakng bukai.

Kisah Boko Rasul 20:21

Aku hala mongajar agatn torus torakng, boi' ko boko urakng Yahudi huatan ko boko urakng Yunani oca' sia' botongga' bulah dosa huatan hidup monyonangan hati Allah. Sia' gola' pocayo ko Yesus, Tuhatn inyo bokuaso pucu' kito.

Roma 1:8

Potamo-tamo, aku moucap sukur ko Allah molalu'i Yesus Kristus pakai' kaitn somuo. Obai, urakng di mono-mono di soluruh dunia mondinga' obai kaitn pocayo ko Yesus.

Efesus 1:1

Surat ni'in doi' aku, Paulus. Aku di tingkau pakai' monjadi rasul Kristus Yesus obai nantai kohonda' Allah. Surat ni'in ko somuo umant husus umputn Allah di kota Efesus, ia'an boko urakng inyo pocayo ko Kristus Yesus.

Efesus 3:18

Aku bodoa oca' kaitn bosamo somuo urakng inyo pocayo ulih mongoroti obai Kristus kotakng mongasihi kaitn. Kasih-Nyo kotakng luar, kotakng panjakng, kotakng tinggi, huatan kotakng dalapm.