3 Yohanes 1:6 - Porjanjian Boharu Torjomahan Baso Dilakng Soari-ari

⁶ Sia' udah momadahannyo di pohadapan jomaat di si'itn mongona'i kasih kolai. Watu ni'in aku muhun kolai pakai' hala monulukng sia' oca' sia' ulih monorusan pojalatan sia'. Labuhancam nantai agatn caro inyo monyonangan hati Allah.

3 Yohanes 1:6 ပူးပေါင်းရင်းမြစ်များ

Kisah Boko Rasul 15:29

Ia'an, jangan momporajoan. Jangan momua'i pomakatn inyo diposombahan ko boko duato. Jangan momua'i dagikng bonatakng inyo mati dikoci'. Jangan momua'i darah. Aman kaitn monaati poraturan nantai, kaitn bulah koboi'an. Singgo ni'inam surat koi. Salapm ko somuo somadikan.”

Kisah Boko Rasul 15:3

Jadi jomaat di Antiokhia nantai moonju'an sia' sampai ko luar kota. Ongko sia' molajuan pojalatan ko Yerusalem. Sia' molalu'i doerah Fenisia ongko Samaria. Di boko doerah nantai, sia' mongisahan ko boko urakng pocayo di santai, obai banya' urakng inyo bukainyo Yahudi udah monjadi pocayo agatn Yesus. Borito nantai monyonangan hati boko urakng pocayo di santai.

Kisah Boko Rasul 21:5

Apo lopas udah watunyo, koi totap honda' botula' monuju ko Yerusalem. Somuo urakng pocayo di santai moonju'an koi sampai ko luar kota. Boko ana' bini sia' tuyut jam. Di pinggir pantai, koi somuo tundu' molota'an koputut ongko bodoa.

Roma 15:24

Obai nantai, aku boharap ulih monjongu' kaitn dalapm pojalatanku ko tanah Spanyol. Lopas aku ulih monikmati kunjukanku bosamo agatn kaitn pakai' boboropo manahnyo, ku harap kaitn tajahan monulukng ku molajuan pojalatanku ko su'utan.

2 Korintus 1:16

hoyu' monorusan pojalatan ko propinsi Makedonia. Lopas aku bobali' doi' Makedonia, aku honda' monjongu' kaitn agi' oca' kaitn dapat monulukng ku monorusan pojalatanku ko propinsi Yudea.

Filipi 4:14

Apo, boi' jam kaitn udah monulukng ku di dalapm koadaan uyuh ni'in.

Kolose 1:10

Agatn sama'an nantai kaitn ulih hidup agatn caro inyo hala monyonangan Tuhatn. Jadi, somuo porbuatan boi' inyo kaitn labuhan paca'an ado pongulihan inyo boi'. Kaitn pan paca'an mongkitn mongotohu'i mongona'i Allah huatan mongkitn mongonal Sio.

1 Tesalonika 2:12

Koi hala momadahi ongko hala monguat'an hati kaitn huatan mominto oca' kaitn hidup monyonangan hati Allah. Obai Sio moningkau kaitn pakai' monjadi warga Korajaan-Nyo huatan bodapat komulia'an-Nyo.

Titus 3:13

Ado Zenas, urakng ahli hukupm, ongko Apolos. Tulukngcam sia' dalapm pojalatan. Onji'i la'apo inyo sia' pontikan.

1 Petrus 2:20

Aman kaitn bulah kojahatan jadi kaitn dipoduda'an, ongko kaitn totap kuat mohadapi pondorita'an, nantai kinyo ado rotinyo. Apo, aman kaitn mondorita' obai kaitn bulah koboi'an, ongko kaitn totap kuat mohadapi pondorita'an nantai, jadi Allah tajahan momborokati kaitn.

3 Yohanes 1:12

Mongona'i Demetrius boko urakng mongatoan io nantai urakng boi'. Kohidupan io sikuꞌ inyo monunju'an nantai obai io hidup sosuai agatn ajaran inyo bondar. Koi pan mongatoan io urakng inyo boi'. Ongko kolai tohu obai koi hala momandiran inyo bondar.