3 Yohanes 1:12 - Porjanjian Boharu Torjomahan Baso Dilakng Soari-ari

¹² Mongona'i Demetrius boko urakng mongatoan io nantai urakng boi'. Kohidupan io sikuꞌ inyo monunju'an nantai obai io hidup sosuai agatn ajaran inyo bondar. Koi pan mongatoan io urakng inyo boi'. Ongko kolai tohu obai koi hala momandiran inyo bondar.

3 Yohanes 1:12 ပူးပေါင်းရင်းမြစ်များ

1 Timotius 3:7

Siku' urakng ponotua' pan gola' di konal sobagai urakng boi' di antaro boko urakng inyo bolupm pocayo ko Yesus. Aman io co dikonal sobagai urakng boi', boko urakng paca'an mohayam io. Aman io dihayam, nantai samo sama'an Rajo Sitatn momasakng joyat pakai' io. Mungkitn nononyo io paca'an kona' joyat nantai. Rotinyo, mungkitn io paca'an bulah dosa.

Yohanes 21:24

Murid nantaiam murid inyo momadahan mongona'i somuonyo ni'in. Ionam inyo udah monulisnyo. Kito tohu obai pomandirannyo bondar.

Kisah Boko Rasul 22:12

Di santai, ado siku' urakng inyo bodamo Ananias. Io siku' urakng inyo kotakan sotia monaati boko poraturan Allah inyo ditulis Musa dalapm Hukupm Torat. Somuo urakng Yahudi inyo tinggal di su'utn mohormati io.

Kisah Boko Rasul 10:22

Sia' bopandir, “Koi disiuh ko si'itn ulih siku' urakng powira tontara Romawi. Damonyo Kornelius. Io nantai urakng onsi'. Io udah monjadi urakng inyo monyombah Allah. Somuo urakng Yahudi mohormatinyo. Sokomai, ado molekat Allah datakng ko io. Molekat nantai monyiuh Kornelius pakai' mohundakng duatn datakng ko rumahnyo, oca' io ulih mondinga' ajaran doi' duatn.”

Yohanes 19:35

(Urakng inyo momboritoan mongona'i nantai udah moniantnyo agatn mato kopala'nyo siku'. Sio tohu kojadian nantai bondar-bondar tojadi. Io momboritoannyo agatn bondar oca' kaitn pan pocayo).

1 Tesalonika 4:12

Jadi, kaitn kinyo paca'an hidup bogantukng ko urakng bukai. Aman kaitn hidup agatn caro sama'an nantai, boko urakng inyo bolupm pocayo ko Yesus paca'an mohormati kaitn.

Kisah Boko Rasul 6:3

Jadi boko somadikan, pilihcam tujuh urakng doi' antaro kaitn. Kotujuh urakng nantai gola' dikonal sobagai urakng inyo pintar-corodi' agatn boi' hati. Roh Allah gola' ado pado sia' nantai jam. Koi paca'an monyorahan polayatan ni'in ko sia'. Sia' nanam inyo mombagian pomakatn sotiap arinyo.