3 Yohanes 1:10 - Porjanjian Boharu Torjomahan Baso Dilakng Soari-ari10 Obai nantaiam, watu ku datakng nononyo, aku paca'an mombungkar somuo porbuatan inyo io pulah ia'an nantai io mongatoan inyo jahat ongko bulah kotumbukan mongona'i koi. Apo, porbuatan jahat nantai bolupm cukup pakai' io. Timpu boko somadikan datakng, io kinyo honda' monorima' sia'. Malahan, io morarakng boko urakng inyo honda' monulukng sia'. Aman ado boko urakng inyo honda' monulukng sia', io monundukng oca' boko urakng nantai koluar doi' jomaat. အခန်းကိုကြည့်ပါ။ |
Timpu aku bosamo agatn kaitn inyo koduo kalinyo komai, udah ku poringant'an ko somuo urakng, husus pakai' boko urakng inyo kinyo botongga' bulah dosa. Ubo nian jam, watu ni'in biar pan aku co bosamo agatn kaitn, ku poringant'an agatn pomandiran sama'an ni'in: Watu aku datakng agi', aku paca'an botindak togas.
Solaitn nantai, boko botina' balu inyo ija' muda' biasonyo monjadi losa' bogota'-bokorojo. Sia' mombuakng-buakng watu koluar mansu' rumah boko urakng. Apotolagi', sia' gala' bocacai tumbukng. Sia' gala' sonjumpat'an urusan urakng bukai. Sia' bopandir boko hal sama'an nantai soharusnyo inyo kinyo boi' pakai' di kisahan.