2 Yohanes 1:8 - Porjanjian Boharu Torjomahan Baso Dilakng Soari-ari

⁸ Obai nantai, jagocam diri kaitn oca' kaitn co sosat. Koi udah bokorojo molayati oca' kaitn pocayo agatn ajaran inyo bondar. Jangan sampai kaitn kohilakan hasil pokoroja'an koi nantai. Bousahacam oca' kaitn totap monorima' upah kaitn doi' Allah.

2 Yohanes 1:8 ပူးပေါင်းရင်းမြစ်များ

Matius 24:4

Yesus monimbas sia', “Boboi'cam! Jangan sampai kaitn dikotumbuki.

Markus 13:23

Jadi boboi' cam! Aku udah momandirannyo ko kaitn mongona'i boko hal ni'in sobolupm tojadi.”

Markus 13:9

Kaitn gola' boboi' obai kaitn tajahan ditangkap lalu dibaba' ko sidakng pomimpitn agama pakai' dipokaroan. Kaitn tajahan dipoduda'an diboko rumah sombayakng. Obai kaitn nantai murid-Ku, obai nianam kaitn tajahan dibaba' ko boko ponguaso huatan ko boko rajo pakai' dipokaroan jam. Apo, nianam watunyo pakai' kaitn bosasi mongona'i Aku.

Lukas 19:19

Lalu, habakng nantai bopandir, ‘Aku moangkat kolai monjadi ponguaso dilima' kota.’

Lukas 21:8

Yesus bopandir, “Boboi'cam! Jangan sampai kaitn dikotumbuki mongonaꞌi watu Aku bobali'. Banyaꞌ urakng paca'an datakng inyo mongaku' ubonyo io nantai Aku. Sia' paca'an bopandir, ‘Aku ni'inam Rajo Inyo Dijanjian Allah! Watu ni'in udah ahir joman!’ Jangan sampai kaitn pocayo ongko monjadi pongikut sia'.

Yohanes 4:36

Urakng inyo mohanyi, io udah monorima' upahnyo. Io mongumpulan buah pakai' hidup somanah-manahnyo. Lalu, urakng inyo monanam huatan urakng inyo mohanyi sonang bosamo-samo.

1 Korintus 15:8

Ponsuahannyo toahir, Yesus moniant'an diri Sio ko aku. Aku monjadi rasul di watu inyo songkayo doi' boko rasul bukainyo. Samo sama'an bobia' kocit inyo lahir di watu inyo kinyo topat.

1 Korintus 3:14

Aman bangunan inyo ditinjakan urakng di pucu' pondasi nantai tahatn dicucul api, urakng nantai paca'an monorima' hadiahnyo.

Galatia 3:4

Kaitn udah banya' moalapi ajab sonsaro obai pocayo ko Yesus. Jangan sampai somuo ajab sonsaro nantai co nyiant gunonyo.

Galatia 4:11

Jadi, aku kuatir aman uyuh jorihku pakai' kaitn monjadi co nyiant rotinyo.

Filipi 3:16

Apo, inyo pontikng kito totap hidup agatn caro watu ni'in inyo udah Allah tunju'an ko kito.

Ibrani 10:32

Apo, ingantcam watu solopas kaitn boharu pocayo ko Yesus ongko hidup dalapm torakng. Pado watu nantai, kaitn kotakng ajab sonsaro apo kaitn totap kuat botahatn.

Ibrani 10:35

Obai nantai, jangannam kaitn monyorah. Aman kaitn totap kuat pocayo, jadi nononyo kaitn tajahan bodapat upah bosar.

Ibrani 12:15

Bojojagocam oca' jangan ado siku' urakng pan di antaro kaitn inyo moninggalan kasih karunia Allah. Aman ado urakng inyo molabuhan nantai, io monjadi samo sama'an tontanaman agatn buah inyo pohit huatan boracutn. Io morusa' kosatuan kaitn ongko mombulah urakng banya' mombulah dosa.

Wahyu 3:11

Aku paca'an oca'mo datakng! Totap sotia pocayo ko aku oca' co nyiant ado urakng inyo ulih morampas hadiah komonangan kaitn.