2 Yohanes 1:4 - Porjanjian Boharu Torjomahan Baso Dilakng Soari-ari

⁴ Aku kotakan sonang mondinga' obai sobagi'an doi' poana'an kolai monuruti porintah inyo Allah Bopai onju' ko kito, ia'an pakai' hidup sosuai agatn ajaran inyo bondar.

2 Yohanes 1:4 ပူးပေါင်းရင်းမြစ်များ

1 Korintus 13:6

Urakng inyo mongasihi nantai ia'an urakng inyo kinyo rindakng obai urakng bulah kojahatan. Apo io rindakng obai kobondaran.

Galatia 2:14

Porbuatan sia' kinyo sosuai agatn Kabar Boi' inyo bondar. Jadi, watu aku moniant nantai, aku monogur Petrus di muka' urakng banya'. Katoku, “Kolai urakng Yahudi. Apo kolai udah ulih hidup sama'an urakng bukainyo Yahudi. Obai nantai, jangan momoso boko urakng bukai Yahudi monaati boko poraturan agama Yahudi.”

Efesus 5:2

Kaitn gola' mongasihi urakng bukai samo sama'an Kristus udah mongasihi kaitn ia'an Sio monyorahan diri-Nyo monjadi kurbatn posombahan pakai' monanggukng hukupan dosa kito. Sio monjadi posombahan harupm inyo monyonangan Allah.

Efesus 5:8

Memang komainyo kaitn bodiapm di dalapm kogolapan. Apo watu ni'in kaitn udah mansu' ko dalapm torakng obai kaitn mongonal Tuhatn Yesus. Jadi, kaitn gola' hidup agatn caro inyo sosuai pakai' boko urakng inyo hidup di dalapm torakng.

Filipi 4:10

Aku kotakan sonang-nyamanam dalapm Tuhatn obai ahirnyo kaitn ulih monunju'an obai kaitn momporhatianku. Memang kaitn hala momporhatianku, apo komai kaitn bolupm ado kosompatan monunju'annyo.

1 Yohanes 2:6

Urakng inyo mongatoan obai io hidup bosatu agatn Allah, urakng nantai gola' hidup agatn caro samo sama'an Yesus Kristus.