2 Yohanes 1:12 - Porjanjian Boharu Torjomahan Baso Dilakng Soari-ari

¹² Ija' banya' hal inyo honda' ku padahan ko kaitn. Apo aku cuku honda' momakai surat. Aku boharap ulih mondataki kaitn lalu ulih bopandir bohadapan. Aku honda' sama'an nantai oca' kito samo mooso'i sonang-nyamanam soponuhnyo.

2 Yohanes 1:12 ပူးပေါင်းရင်းမြစ်များ

Yohanes 15:11

Aku momandiran somuo nantai oca' sonang-nyaman-Ku ado di dalapm hati kaitn, ongko sonang kaitn monjadi sompurna.

Yohanes 16:12

Ija' ado banya' hal inyo honda' Ku padahan ko kaitn. Apo watu ni'in, kaitn bolupm sanggup monorima'nyo.

Yohanes 16:24

Sampai watu ni'in, kaitn bolupm minto lapopan dalapm damo-Ku. Mintocam, lalu kaitn paca'an monorima'. Kaitn paca'an monorima' oca' sonang-nyamanam kaitn monjadi sompurna.

Yohanes 17:13

Apo ni'in, Aku paca'an datakng ko Duatn. Aku momadahan somuo nantai somontaro Aku ija' ado di dunia oca' sia' ulih bondar-bondar mooso'i kosonangan-Ku dalapm hati sia'.

Yohanes 3:29

Pongantitn botina' ia'an umputn pongantitn lolaki. Kawal pongantitn lolaki nantai bayo bodiritn mondampiki huatan mondinga'an, huatan io sonang aman mondinga'an saro pongantitn lolaki. Sama'an nian jam agatn aku. Watu ni'in aku sonang bondar.

Roma 15:24

Obai nantai, aku boharap ulih monjongu' kaitn dalapm pojalatanku ko tanah Spanyol. Lopas aku ulih monikmati kunjukanku bosamo agatn kaitn pakai' boboropo manahnyo, ku harap kaitn tajahan monulukng ku molajuan pojalatanku ko su'utan.

2 Timotius 1:4

Aku togonangan tangis kolai watu kito bopisah komai. Jadi, aku kotakng rindu honda' botomu kolai agi' oca' hatiku rindakng.

Filemon 1:22

Solaitn nantai pan, tulukng siap'an tompat ponoluntukan di rumah kolai pakai' ku. Obai, aku yakitn Allah paca'an mongabulan doa kaitn sampai aku dibebasan lalu ulih bobali' agi' ko kaitn.

Ibrani 13:19

Hususnyo, aku muhun ko kaitn pakai' mondoa'an ku oca' aku suba' hagar bobali' ko kaitn.

Ibrani 13:23

Aku honda' oca' kaitn mongotohu'i obai somadikan kito, Timotius, udah dilopasan doi' ponjara. Aman io hagar datakng ko si'itn, koi duo tajahan monjongu' kaitn.

1 Yohanes 1:4

Koi monulis somuo ni'in oca' hati koi bondar-bondar sonang-nyamanam.

3 Yohanes 1:10

Obai nantaiam, watu ku datakng nononyo, aku paca'an mombungkar somuo porbuatan inyo io pulah ia'an nantai io mongatoan inyo jahat ongko bulah kotumbukan mongona'i koi. Apo, porbuatan jahat nantai bolupm cukup pakai' io. Timpu boko somadikan datakng, io kinyo honda' monorima' sia'. Malahan, io morarakng boko urakng inyo honda' monulukng sia'. Aman ado boko urakng inyo honda' monulukng sia', io monundukng oca' boko urakng nantai koluar doi' jomaat.