2 Timotius 4:4 - Porjanjian Boharu Torjomahan Baso Dilakng Soari-ari

⁴ Sia' kinyo honda' mondinga'an ajaran inyo bondar. Apo, sia' honda' pocayo boko sangan inyo dipulah-pulah.

2 Timotius 4:4 ပူးပေါင်းရင်းမြစ်များ

Matius 13:15

Obai hati banso ni'in udah co honda' mongoroti. Kolindakan sia' udah tingal. Mato sia' udah buto. Nantai tojadi oca' sia' co moniant agatn mato sia', sia' co mondinga' agatn kolindakan sia', sia' co mongoroti agatn hati sia'. Jadi sia' co paca'an moninggalan dosa sia' huatan Aku co paca'an monyamani sia'.’ ”

Kisah Boko Rasul 7:57

Watu sia' mondinga' pomandiran Stefanus nantai, sia' monutup kolindakan kapikng mondorah, ongko sosamo monyorakng Stefanus.

2 Tesalonika 2:11

Obai nantai am, Allah paca'an bulah hati sia' mudah disosatan sampai sia' pocayo ko pomandiran tumbukan nantai.

1 Timotius 1:4

Huatan oca' sia' jangan tolalu borotian boko kisah sangan damo boko daptar koturutan inyo co nyiant kotuntukannyo. Boko ajaran sama'an nantai bayo bulah boko urakng bomparakan mulut huatan co nyiant gunonyo pakai' hajat Allah, inyo kito kotohu'i agatn pocayo ko Sio.

1 Timotius 4:7

Apo jangan pondinga'an boko kisah sangan. Boko kisah sama'an nantai kinyo monulukng urakng oca' mohormati Allah. Kolai gola' hala bolatih oca' hidup sosuai agatn kohonda' Allah.

1 Timotius 6:20

Timotius, jagocam somuo inyo Allah onju' ko kolai. Jangan mondinga'an boko urakng inyo bopandir mongona'i boko hal inyo kinyo boonsu'an, boko hal inyo kinyo mohormati Allah. Jangan mondinga'an boko urakng inyo mongatoan obai sia' ado ‘pongotohuan’. Apo, sobondarnyo sia' molawatn ajaran inyo bondar.

2 Timotius 1:15

Kolai udah mongotohu'i obai banya' urakng inyo pocayo di propinsi Asia udah monula' aku, tomansu' Figelus huatan Hermogenes.

Titus 1:14

Olikanbo sia' nan oca' sia' monula' boko kisah modas doi' boko urakng Yahudi. Olikancam sia' nian oca' sia' kinyo sonjumpat'an urakng inyo molawatn ajaran inyo bondar. Boko urakng nantai mongajar obai kito gola' monaati soluruh Hukupm Torat.

Ibrani 13:25

Aku bodoa oca' Tuhatn monunju'an kasih karunia ko kaitn somuo.

2 Petrus 1:16

Koi udah momadahannyo ko kaitn mongona'i kuaso Yesus Kristus, Tuhatn kito ongko mongona'i kodatakan-Nyo ko dunia ni'in. Nantai bukainyo kisah inyo dipulah-pulah boko monsio. Koi moniant agatn mato koi siku' obai Sio mulia.