2 Timotius 4:21 - Porjanjian Boharu Torjomahan Baso Dilakng Soari-ari

²¹ Bousahacam datakng sobolupm musipm bonakau. Ebulus, Pudes, Linus, Klaudia, huatan somuo urakng pocayo bukai mongiripm salapm ko kolai.

2 Timotius 4:21 ပူးပေါင်းရင်းမြစ်များ

2 Timotius 4:9

Bousahacam datakng ko aku, aman ulih socopatnyo

Filipi 4:22

Salapm ko kaitn tangga'i somuo umant Allah di si'itn, hususnyo tangga'i boko urakng inyo pocayo inyo bokorojo di istana Rajo Roma.

3 Yohanes 1:14

Aku boharap co manah agi' aku ulih monjongu' kolai lalu kito ulih bopandir bohadapan.

2 Yohanes 1:13

Salapm ko kolai doi' poana'an somadikan botina' kolai inyo dipilih Allah jam.

2 Timotius 4:13

Dalapm pojalatan ko si'itn, timpu kolai molalu'i kota Troas, kuti'cam baju tobal inyo aku tinggalan ko Karpus di santai. Baba' jam somuo bukuku, hususnyo boko buku inyo pontikng.

2 Timotius 1:4

Aku togonangan tangis kolai watu kito bopisah komai. Jadi, aku kotakng rindu honda' botomu kolai agi' oca' hatiku rindakng.

2 Korintus 13:13

Aku bodoa oca' Tuhatn Yesus, monunju'an koboi'an-Nyo ko kaitn somuo. Aku bodoa jam oca' Allah hala mongasihi kaitn somuo. Aku pan mondoa'an oca' Roh Allah monyoroto'i kaitn somuo.

1 Korintus 16:20

Salapm doi' somuo urakng pocayo di si'itn. Kohonda'nyo kaitn siku'-monyiku' hala nogur-nyapo.

Lukas 12:58

Sama'an lapo aman ado urakng inyo monuduh kaitn. Soboi'nyo, sobolupm sampai ko pongadilan, kaitn gola' bousaha oca' pokaro nantai holu disolosaian. Aman nantai kinyo dilabuhan, io paca'an momoso kaitn oca' dibaba' ko pohadapan hakipm. Lalu, hakipm nantai paca'an monyorahan kaitn ko potugas pongadilan. Potugas nantai paca'an monamoan kaitn ko dalapm ponjara.

Titus 3:12

Aku paca'an moutus Artemas damo Tikhikus ko kolai pakai' molayati di pulau Kreta di su'utn. Pas salah siku' doi' sia' datakng, kohonda'ku kolai copat datakng ko aku di kota Nikopolis. Aku udah momutusan pakai' bodiapm di su'utn somanah musipm dingin ni'in.