2 Timotius 4:20 - Porjanjian Boharu Torjomahan Baso Dilakng Soari-ari

²⁰ Erastus ija' ado di kota Korintus. Trofimus tongahan sakit, watu aku moninggalan io di kota Miletus.

2 Timotius 4:20 ပူးပေါင်းရင်းမြစ်များ

Kisah Boko Rasul 18:1

Lopas nantai, Paulus botula' doi' kota Atena. Io botula' ko kota Korintus.

Kisah Boko Rasul 18:8

Banya' urakng di Korintus mondinga' ajaran Paulus ongko monjadi pocayo agatn Yesus, tomansu' Krispus, kopala' rumah sombayakng nantai huatan somuo urakng inyo tinggal dalapm rumahnyo. Somuo urakng pocayo nantai dibaptis jam.

Kisah Boko Rasul 19:22

Jadi, Paulus mongiripm duo urakng kawal korojonyo, ia'an Timotius ongko Erastus. Sia' mondoholu'i io ko propinsi Makedonia. Apo io monotap cukup manah agi' di kota Efesus di propinsi Asia.

Kisah Boko Rasul 20:15

Pas kohobu'-kolusoannyo, koi bolayar doi' Metilene tuntukng ko dampikng pulau Khios. Ari kohobu'-kolusoannyo agi', koi molalu'i pulau Samos. Soari agi' lopas nantai, koi datakng di kota Miletus.

Kisah Boko Rasul 20:17

Obai koi co singgah di Efesus, jadi Paulus monyiuh siku' urakng pakai' monyampaian posatn ko boko ponotua' di su'utn. Io minto oca' sia' datakng monomu'i io di Miletus.

Kisah Boko Rasul 20:4

Ado boko urakng inyo monyoroto'i io dalapm pojalatan nantai, ia'an: Timotius, Sopater (ana' Pirus doi' kota Berea), Aristarkhus ongko Sekundus (koduo urakng nantai doi' kota Tesalonika), Gayus (doi' kota Derbe), huatan Tikhikus ongko Trofimus (koduonyo doi' propinsi Asia).

Kisah Boko Rasul 21:29

(Sia' bopandir ubo nantai obai pado ari bukai, sia' moniant Paulus bosamo Trofimus. Io siku' urakng bukai Yahudi doi' kota Efesus. Sia' monyangko obai Paulus udah mombaba' io ko tongahlamanan Rumah Allah).

Roma 16:23

Salapm ko kaitn doi' Gayus, inyo monorima'ku bodiapm di rumahnyo. Io pan monorima' somuo jomaat di rumahnyo. Salapm ko kaitn doi' Erastus, bendahara kota. Salapm jam doi' Kwartus, urakng inyo pocayo samo sama'an kito. [