2 Timotius 4:2 - Porjanjian Boharu Torjomahan Baso Dilakng Soari-ari

² Boritoancam pomandiran Allah! Boritoancam agatn torus-monorus sotiap watu. Tulukngcam boko urakng oca' mongomboi'i caro hidupnyo. Olikancam urakng inyo bulah kosalahan. Padahicam huatan onji'i somangant ko boko urakng oca' hala bulah koboi'an. Labuhancam somuo nantai agatn sabar. Labuhancam somuonyo nantai kapikng mongajar Pomandiran Allah.

2 Timotius 4:2 ပူးပေါင်းရင်းမြစ်များ

Lukas 7:23

Diborokati boko urakng inyo co gangga'-gua'an ongko monorima' Aku.”

Lukas 7:4

Sia' pan botula' monomu'i Yesus. Pas botomu agatn Yesus, sia' muhun oca' Yesus datakng ko rumah powira tontara nantai ongko monyamani hulutnnyo. Kato sia', “Powira tontara nantai patut ditulukng ulih Duatn,

Lukas 9:60

Apo Yesus bopandir ko io, “Biaram boko urakng inyo mati socaro rohani inyo kinyo pocayo agatn Allah, momasar boko urakng inyo mati socaro jasmani. Apo kolai gola' botula', momboritoan mongonaꞌi Koraja'an Allah di mono-mono.”

Kisah Boko Rasul 13:5

Yohanes (inyo jam disobut Markus) tuyut jam monulukng sia' dalapm polayatan. Watu sia' sampai di kota Salamis, sia' botula' ko boko rumah sombayakng agama Yahudi. Di sotiap rumah sombayakng nantai, sia' monyampaian Kabar Boi' doi' Allah mongona'i Yesus.

Kisah Boko Rasul 16:13

Pado Ari Sabat, koi bogoyap tompat urakng Yahudi bokumpul pakai' bodoa. Koi bopikir tompat nantai ado di luar kota. Jadi, koi botula' ko luar pintu gerbakng kota nantai ongko ko pinggir sungai. Ado boko botina' udah bokumpul di santai. Koi dudu' ongko bopandir agatn sia'.

Kisah Boko Rasul 20:7

Pado ari potamo dalapm minggu nantai, koi huatan boko urakng pocayo di Troas bokumpul. Koi somuo honda' morayaan Porjamuan Kudus. Paulus huatan koi kawal sopojalatannyo bohajat pakai' botula' doi' Troas sunsukng hobu'nyo. Ongko, Paulus mongajar sia' manah bondar, sampai tongah malapm.

Kisah Boko Rasul 28:16

Doi' duo laman nantai koi tuntukng di kota Roma. Di santai, boko pomimpitn pomorintah Romawi moonji'i ijitn oca' Paulus ulih bodiapm di rumah topisah siku'nyo. Apo gola' ado projurit inyo monjago io.

Roma 10:15

Ongko co mungkitn monsio ulih momboritoan mongona'i Sio aman monsio nantai kinyo diutus pakai' momboritoan. Samo sama'an pomandiran ni'in inyo totulis di Buku Suci: “Kotakan monyonangan kodatakan urakng inyo mombaba' kabar boi'!”

Roma 12:12

Sonang-nyamancam obai kaitn yakitn boharap ko Tuhatn. Kaitn gola' botahatn mohadapi ajab sonsaro ongko hala bodoa.

Galatia 6:6

Urakng inyo monorima' ajaran doi' Allah gola' monulukng kohidupan urakng inyo mongajarnyo.

Kolose 1:25

Allah mompocayoan aku agatn tugas molayati boko urakng inyo pocayo. Sio monyiuh aku pakai' monyampaian ko kaitn socaro longkap boko Pomandiran doi' Sio,

Kolose 4:3

Aku tongahan dalapm ponjara obai aku momboritoan Kabar Boi'. Jadi, bodoa jam pakai' koi oca' Allah moonji'i jalatn pakai' koi momboritoan Kabar Boi' mongona'i Kristus, ia'an hajat Allah inyo komai kinyo dikotohu'i monsio.

1 Tesalonika 1:6

Ongko, kaitn hidup agatn caro inyo samo sama'an koi, huatan samo sama'an Tuhatn Yesus jam. Masud aku, watu kaitn monjadi pocayo ko Yesus, kaitn kotakng di dorako'i. Apo kaitn totap pocayo Kabar Boi' nantai agatn rindakng-rigah doi' Roh Allah.

1 Tesalonika 5:14

Boko somadikan, koi pan momadahi kaitn oca' moolikan boko urakng inyo lola' bokorojo. Kuatan hati sia' inyo mooso gola'. Tulukngcam urakng inyo uyuh. Sabarcam tohadap somuo urakng.

1 Tesalonika 5:20

Jangan moanggap gampakng boko posatn doi' Allah.

1 Timotius 4:13

Kapikng monantian aku datakng, utamoancam boko hal ni'in dalapm polayatan kolai: Bacocam Buku Suci dalapm potomuan jomaat. Ajarancam boko ajaran inyo bondar. Padahicam huatan onji'i somangant ko sia' pakai' monaati somuonyo.

1 Timotius 5:20

Sia' inyo bodosa gola' diolikan di hadapan jomaat. Kolai gola' moolikan sia' agatn caro nantai oca' somuo jomaat gola', lalu co honda' bulah dosa agi'.

2 Timotius 2:21

Boko urakng inyo monyongkayoan diri doi' boko hal inyo kinyo gaho pontikng nantai samo sama'an boko pokakas inyo digunoan pakai' pogota'an inyo pontikng. Io disongkayoan pakai' pogota'an inyo husus. Io cucu' dipakai Tuhatn huatan siap dipakai pakai' pokoroja'an la'apo pan inyo boi'.

2 Timotius 2:25

Io gola' onsi' mongajar boko urakng inyo gala' molawatn. Sopo tohu Allah moonji'i kosompatan ko boko urakng inyo gala' molawatn nantai pakai' botongga' bulah dosa huatan tohu mongonal ajaran inyo bondar.

2 Timotius 3:10

Apo kolai udah mongotohu'i ajaranku. Kolai udah moniru caro hidupku. Kolai udah pocayo ko Yesus samo sama'an aku. Kolai udah moikuti tujuan hidupku. Kolai udah moniant aku sabar agatn urakng bukai huatan mongasihi sia'. Kolai udah mongotohu'i obai aku totap kuat

Titus 1:13

Pomandiran nabi nantai memang bondar! Jadi, boko urakng Kreta inyo udah dikotumbuki gola' diolikan. Olikanbo sia' agatn togas oca' kopocaya'an sia' sosuai agatn ajaran inyo bondar.

Titus 2:15

Ajaricam somuo ni'in ko boko urakng pocayo di pulau Kreta nantai. Padahicam ongko onji'i pomandiran ko sia' sama'an pomimpitn inyo pintar-corodi'. Jadi, jangan molongahan urakng bukai moanggap kolai co bopasal.

Ibrani 13:22

Boko somadikan, aku muhun oca' kaitn sabar monorima' somuo nosihatku dalapm surat. Obai, suratku ko kaitn ni'in kinyo panjakng.

Wahyu 3:19

Akunam monogur ongko monertiban boko urakng inyo Ku kasihi. Jadi, bondar-bondar pocayocam ko aku. Tinggalancam boko dosa kaitn.