2 Timotius 4:19 - Porjanjian Boharu Torjomahan Baso Dilakng Soari-ari

¹⁹ Sampaiancam salapm ko Priska ongko Akwila. Sampaian jam salapm ko somuo urakng inyo tinggal dalapm rumah Onesiforus.

2 Timotius 4:19 ပူးပေါင်းရင်းမြစ်များ

Matius 5:47

Aman kaitn monyampaian salapm bayo ko boko somadikan kaitn mo, nantai bukainyo porbuatan inyo lobih boi' doi' urakng bukai. Obai boko urakng inyo bolupm mongonal Allah bulah ubo nian jam.

Kisah Boko Rasul 18:18

Lopas nantai, Paulus monotap cukup manah di Korintus. Ongko, io pamit ko boko urakng inyo pocayo agatn Yesus di santai. Paulus botula' doi' santai samoan Priskila ongko Akwila. Sia' tuntukng di kota polabuhan Kengkrea. Di santai, Paulus mongguntikng rambutnyo obai io udah bonajar ko Tuhatn, jadi Paulus udah momonuhi janjinyo nantai. Lopasnyo nantai, sia' bolayar ko propinsi Siria.

Kisah Boko Rasul 18:2

Di su'utn io botomu agatn siku' urakng Yahudi inyo boasal doi' propinsi Pontus. Damonyo Akwila. Bininyo bodamo Priskila. Boboropo watu sobolupmnyo, sia' duo nantai tinggal di kota Roma di propinsi Italia. Apo Kaisar negara Roma inyo bodamo Klaudius, momorintahan oca' somuo urakng Yahudi gola' koluar doi' kota Roma. Obai nantai Akwila ongko Priskila pan pindah ko Korintus. Bolupm manah sia' bodiapm di kota Korintus, Paulus datakng ko rumah sia'.

Kisah Boko Rasul 18:26

Di kota Efesus Apolos mula'i mongajar agatn borani di rumah sombayakng agama Yahudi. Ongko, Priskila ongko Akwila mondinga' ajaran Apolos nantai kurakng longkap. Obai nantai, sia' mohundakng io ko rumah sia'. Di santai, sia' monjolasan ko io sorinci-rincinyo agi' ajaran Allah mongona'i kosolamant'an molalu'i Yesus.

1 Korintus 16:19

Boko jomaat di propinsi Asia Kocit ni'in monyampaian salapm ko kaitn. Salapm jam doi' Akwila ongko Priskila huatan jomaat inyo bokumpul di rumah sia'. Sia' somuo monyampaian salapm agatn ponuh kasih dalapm Tuhatn.