2 Timotius 4:18 - Porjanjian Boharu Torjomahan Baso Dilakng Soari-ari

¹⁸ Tuhatn paca'an monyolamant'an aku doi' somuo usaha urakng jahat. Sio paca'an mombaba'ku agatn solamant ko dalapm Korajaan-Nyo di sorugo. Huncapm kito momuji Sio somanah-manahnyo. Amin!

2 Timotius 4:18 ပူးပေါင်းရင်းမြစ်များ

Matius 13:43

Lalu boko urakng inyo hidup bujur bondar di hadapan Allah paca'an bosinar sama'an matoari di dalapm Koraja'an Allah Bopai sia'. Aman ado kolindakan, pondinga'ancam pomandiran-Ku agatn boi'.”

Matius 25:34

Lalu, sobagai Rajo, Sio paca'an bopandir ko boko urakng di sopia' kanannyo, ‘Maracam, kaitn inyo diborokati ulih Bopai-Ku! Mansu'cam ko dalapm Koraja'an inyo disodiaan pakai' kaitn tangga'i dunia dipulah.

Matius 6:13

Jangan mombaba' koi ko dalapm poncoba'an apo lopasan koi doi' kuaso jahat. Obai Duatn inyo umputn koraja'an, kuaso agatn komulia'an sampai somanah-manahnyo. Amin’.

Lukas 11:4

Amputicam boko dosa koi, obai koi pan moamputi sotiap urakng inyo bosalah agatn koi. Tulukngcam koi oca' koi totap monuruti Duatn watu ado inyo moncubo'i koi oca' bulah dosa.’ ”

Lukas 12:32

“Kaitn samaꞌan kabatn domba inguan inyo kocit. Apo, jangan gola'. Bopai kaitn inyo di sorugo paca'an sonang moonji'i kaitn somuo la'apo inyo kaitn pontikan obai kaitn hidup dalapm Korajaan-Nyo.

Lukas 22:29

Jadi, Aku paca'an moonju' kuaso ko kaitn pakai' momorintah dalapm Koraja'an Allah, samo samaꞌan Bopai-Ku moonju' kuaso ko aku pakai' monjadi Rajo inyo momorintah somuo Korajaan-Nyo.

Yohanes 17:15

Aku co minto oca' Duatn monguti' sia' doi' dunia ni'in, apo oca' Duatn molinduki sia' doi' inyo jahat, ia'an Rajo Sitatn.

Roma 11:36

Obai, boko la'apo pan dipulah Allah. Somuonyo boasal doi' Allah ongko pakai' Allah. Topujicam Sio somanah-manahnyo! Amin.

Roma 16:27

Sionam Allah. Sio pintar-corodi' dalapm somuo la'apo pan. Topujicam Sio molalu'i Yesus Kristus pakai' somanah-manahnyo. Amin!]

1 Korintus 1:21

Allah bulah koputusan ni'in sosuai agatn kopintar-corodi'an-Nyo. Ia'an, Sio mombulah oca' monsio kinyo ulih mongonal Sio molalu'i kopintar-corodi'an monsio. Jadi, agatn sonang hati Allah monyolamant'an urakng inyo pocayo agatn momakai caro inyo dianggap budu, ia'an pomboritoan kabar boi'.

1 Korintus 10:13

Kaitn dicubo'i agatn caro inyo dialapi boko urakng bukai jam. Apo Allah hala sotia. Sio kinyo mombiaran kaitn dicubo'i lobih daripado kokuatan kaitn. Solaitn nantai, watu kaitn dicubo'i, Allah pan paca'an moonji'i jalatn koluar ko kaitn. Oca' kaitn mampu mohadapi coba'an nantai.

1 Korintus 15:50

Boko somadikan, ni'in inyo pontikng pakai' dikotohu'i: Bukakng-tubuh kito ni'in, ia'an dagikng huatan darah, kinyo ulih mansu' Koraja'an Allah nononyo. Bukakng-tubuh kito ni'in dapat mati. Jadi, bukakng-tubuh sama'an ni'in kinyo dapat hidup somanah-manahnyo.

2 Korintus 1:10

Sio udah monyolamant'an koi doi' bohayo komatian nantai. Sio pan paca'an torus monyolamant'an koi. Koi yakitn ongko boharap ko Sio obai Sio paca'an monyolamant'an koi agi'.

Galatia 1:5

Huncapm kito momuji Allah somanah-manahnyo. Amin!

1 Tesalonika 5:23

Ni'inan koi bodoa ko Allah inyo moonji'i kito sonang-asau huatan bulah kaitn mongkitn lobih suci dalapm somuo hal. Koi bodoa mudahan kinyo ado boko hal inyo jahat dalapm soluruh roh kolai, jiwa kolai huatan bukakng-tubuh kolai, timpu Yesus, Tuhatn kito nononyo datakng agi' ko dunia ni'in.

2 Tesalonika 3:3

Apo Tuhatn Yesus hala sotia. Sio paca'an monguat'an hati kaitn. Sio paca'an molinduki kaitn doi' Rajo Sitatn.

1 Timotius 1:17

Marabo kito mohormati ongko momuji kobosaran Allah sampai somanah-manahnyo! Sio nanam Rajo inyo momorintah somanah-manahnyo, Allah inyo kinyo ulih ditiat huatan kinyo paca'an kalo mati. Ongkah Sio nanam Allah! Amin.

1 Timotius 6:16

Ongkah Sioam inyo co paca'an mati agi'. Sio nontapm dalapm cohayo inyo torakng. Cohayo nantai kotakan torakng sampai urakng co ulih mohampiki-Nyo. Co nyiant monsio di dunia ni'in inyo kalo moniant Sio. Monsio di dunia co mampu moniant Sio. Sio bokuaso huatan cucu' dihormati pakai' somanah-manahnyo! Amin.

2 Timotius 1:12

Niannam obainyo aku moalapi somuo ajab sonsaro ni'in. Apo aku co malu obai aku udah tohu sopo Yesus sobondarnyo. Aku pocayo ko Sio. Aku udah monyorahan polayatan ni'in ko Sio. Aku yakitn Sio paca'an monjago oca' polayatanku kinyo balakng. Sio paca'an monjago polayatanku sampai ari Sio bobali' agi' ko dunia ni'in.

2 Timotius 4:1

Dinga'anbo! Kristus Yesus momorintah dalapm Koraja'an Allah somanah-manahnyo. Sio paca'an datakng bobali' agi' ko dunia ni'in. Watu nantai, Sio paca'an mohakipi somuo urakng, boi' urakng inyo ija' hidup honda' pan urakng inyo udah mati. Obai nantai dihadapan Kristus Yesus huatan Allah moonji'i boko potunju' ni'in ko kolai:

Ibrani 11:16

Apo sobondarnyo, sia' togonangan nogori inyo lobih boi', ia'an nantai sorugo. Obai nantai, Allah kinyo malu disobut Allah sia' obai Sio udah monyiap'an sobuah kota pakai' sia'.

Ibrani 12:22

Apo kaitn udah datakng ko Bukit Sion, ko kota Allah inyo hidup, ia'an kota Yerusalem inyo ado di sorugo. Kaitn datakng mohadapi boribu-ribu molekat.

Ibrani 13:21

Aku bodoa oca' Allah moonju' ko kaitn somuo hal boi' inyo dipontikan kaitn pakai' molabuhan kohonda'-Nyo. Aku bodoa oca' Allah molalu'i Yesus Kristus, mongorojoan dalapm hati kito somuo hal inyo dikohonda'i-Nyo. Mara kito momuji Sio pakai' somanah-manahnyo. Amin!

Yakobus 2:5

Boko somadikan inyo ku kasihi! Dinga'anbo ni'in! Allah momilih boko urakng jaro di dunia pakai' monjadi urakng inyo bondar-bondar konal agatn Sio. Obai sia' pocayo ko Yesus, jadi sia' monjadi ahli waris Koraja'an Allah. Nantaiam kodampuan inyo Allah janjian ko somuo urakng inyo mongasihi Sio.

1 Petrus 1:5

Obai kaitn pocayo ko Yesus, jadi Allah molinduki kaitn agatn kuaso-Nyo oca' kaitn ulih disolamant'an. Kosolamant'an kaitn nantai udah siap ditunju'an Allah watu ahir joman nononyo.

1 Petrus 5:11

Sionam inyo bokuaso sampai somanah-manahnyo! Amin!

2 Petrus 1:11

Kaitn tajahan dionji'i hak ponuh pakai' mansu' ko dalapm Koraja'an Yesus Kristus, ia'an Ponyolamant ongko Tuhatn kito. Korajaan-Nyo tajahan botahatn somanah-manahnyo.

2 Petrus 3:18

Apo, kaitn gola' botumbuh somongkitn mongonal Yesus Kristus, Ponyolamant huatan Tuhatn inyo bokuaso dipucu' kito. Kironyo kaitn somongkitn sadar mongona'i koboi'an-Nyo. Topujicam Sio, watu ni'in sampai somanah-manahnyo. Amin!

Yudas 1:1

Surat ni'in doi' aku, Yudas, hulutn Yesus Kristus. Aku pan somadikan Yakobus. Surat ni'in ko boko urakng inyo ditingkau, ia'an boko urakng inyo dikasihi Allah Bopai, boko urakng inyo Allah jago oca' ulih monjadi umputn Yesus Kristus.