2 Timotius 4:17 - Porjanjian Boharu Torjomahan Baso Dilakng Soari-ari

¹⁷ Apo, watu nantai, Tuhatn monyoroto'iku. Sio moonji'i kokuatan ko aku. Obai nantai, aku ulih momboritoan Kabar Boi' ko urakng inyo bukainyo urakng Yahudi. Watu nantai, aku co dihukupm mati samo sama'an lopas doi' tontorokapan bonatakng buas.

2 Timotius 4:17 ပူးပေါင်းရင်းမြစ်များ

1 Petrus 5:8

Apo kaitn gola' hala mongondalian diri kaitn, huatan hala bojojago. Rajo Sitatn nan musuh kaitn. Sitatn honda' mohancuran kopocaya'an kaitn. Sitatn nan samo sama'an singa inyo mondorah, bojalatn kolilikng-kolimbat bogoyap urakng inyo ulih ditolatnnyo.

Kisah Boko Rasul 9:15

Apo Tuhatn bopandir ko io, “Botula'cam, obai Aku udah momilih io. Io paca'an monjadi hulutn-Ku. Io paca'an momboritoan mongona'i Aku ko boko urakng inyo kinyo Yahudi. Io pan paca'an momboritoan ko boko rajo sia'. Io paca'an momboritoan ko boko urakng Yahudi jam.

Ibrani 11:33

Obai sia' pocayo, jadi sia' mongalahan boko koraja'an, sia' bulah inyo bondar, sia' mondapat borokat inyo dijanjian Allah. Ado doi' sia' inyo mongatupan nyao boko singa.

Kisah Boko Rasul 23:11

Pas malapm nantai Tuhatn Yesus bodiritn di sopia' Paulus ongko bopandir ko io, “Jangan gola'. Kolai udah borani momboritoan mongona'i Aku di Yerusalem. Nononyo kolai gola' borani jam momboritoan mongona'i Aku di Roma.”

2 Petrus 2:9

Obai Tuhatn udah molabuhan somuonyo nantai, jadi udah jolas Sio tohu caronyo monyolamant'an boko urakng bondar doi' ajab sonsaro di antaro boko urakng jahat. Tuhatn jam tohu caronyo mohukupm boko urakng jahat sampai hukupan toahir timpu ari Ponghakipan nononyo,

Matius 10:19

Timpu kaitn ditangkap, jangan gola' mongona'i pomandiran inyo paca'an kaitn pandiran pakai' mombela diri. Jangan gola' jam mongona'i caronyo kaitn gola' monyampaian pomandiran nantai. Obai watu nantai, Allah siku' paca'an moonji'i ko kaitn pomandiran.

2 Timotius 3:11

watu aku mohadapi ajab sonsaro huatan watu urakng mondorako'iku. Kolai moingant agatn jolas la'apo inyo tojadi di kota Antiokhia, Ikonium, ongko Listra. Di su'utn, aku didorako'i agatn bomacapm caro. Apo Tuhatn monyolamant'an aku doi' somuonyo nantai!

1 Timotius 1:12

Aku bosukur ko Kristus Yesus, Tuhatn inyo bokuaso. Sio hala moonji'i kokuatan ko aku pakai' molayati Sio. Aku bosukur obai Sio moanggap aku sotia. Jadi Sio momilih aku pakai' momboritoan Kabar Boi' mongona'i Sio.

Efesus 3:8

Di antaro soluruh umant Allah, aku inyo kotakng kinyo pontikng. Apo, Allah totap monunju'an kasih karunia-Nyo ko aku agatn caro ni'in. Sio moutus ku momboritoan ko boko urakng bukainyo urakng Yahudi mongona'i somuo borokat inyo Kristus onju'. Kito kinyo ulih mombayakan somuo borokat inyo kotakng luar biaso nantai.

2 Korintus 12:9

Apo Tuhatn co molabuhan nantai. Sio momandiran ko aku, “Aku monunju'an koboi'an ko kolai. Nantai cukup bagi kolai. Obai, timpu urakng lomah, justru watu nantai kuaso-Ku bondar-bondar ulih ditiat.” Nantaiam sobabnyo aku lobih sonang momuji diri mongona'i hal inyo monunju'an kolomahanku. Obai timpu lomah, Kristus monguat'anku agatn kuaso-Nyo.

Lukas 21:15

Obai Aku siku' tajahan moonji'i ko kaitn komampuan pakai' mongatoan pomandiran inyo topat, sampai boko musuh kaitn kinyo paca'an ulih monontakng ongko monikaki kaitn.

Lukas 1:1

Ko inyo tohormat, Teofilus: tangga'i; potamo Yesus ado di dunia, ado boko urakng inyo moniant agatn matonyo siku'. Sia' molayati Allah agatn caro monyampaian borito mongonaꞌi Yesus nantai. Sia' pan monyampaian borito nantai ko kito duo, samaꞌan nian jam ko boko urakng inyo mondinga' borito nantai. Banya' doi' sia' bousaha monulis niant apo boko kojadian nantai udah tojadi di tongah-tongah kito.

Roma 15:31

oca' Tuhatn molinduki aku doi' boko urakng inyo kinyo pocayo di doerah Yudea inyo honda' monyakitiku. Tulukng bodoa jam oca' polayatanku pakai' Yerusalem ditorima' agatn boi' boko urakng inyo pocayo di siatn.

2 Timotius 2:1

Timotius, ana'ku, gunoan cam kokuatan doi' Kristus Yesus pakai' kolai lobih kuat pocayo ko Sio.

2 Timotius 2:9

Obai aku momboritoan Kabar Boi' nantai, aku ajab sonsaro, malahan aku ditahatn agatn rantai dalapm ponjara ubonyo aku sama'an ponjahat. Apo pomboritoan pomandiran Allah kinyo totongga'an.

2 Timotius 4:5

Apo kolai gola' hala bopikir agatn jolas dalapm somuo hal. Botahatncam mohadapi ajab sonsaro. Boritoancam Kabar Boi' ko boko urakng inyo bolupm kalo mondinga'nyo. Labuhancam somuo tugas dalapm polayatan kolai.