2 Timotius 4:16 - Porjanjian Boharu Torjomahan Baso Dilakng Soari-ari

¹⁶ Potamo kali aku mombela diri di pongadilan, co nyiant siku' urakng pan inyo monulukng aku. Somuonyo udah moninggalanku. Aku bodoa oca' Tuhatn moamputi sia' nantai.

2 Timotius 4:16 ပူးပေါင်းရင်းမြစ်များ

Markus 14:50

Lalu somuo murid Yesus morarian diri moninggalan Sio.

Lukas 12:11

Aman kaitn dibaba' ko boko rumah sombayakng pakai' diadili di pohadapan pomorintah damo ponguaso, jangan gola' mongonaꞌi caro kaitn gola' mombela diri. Jangan gola' mongonaꞌi la'apo inyo gola' kaitn pandiran.

Yohanes 16:32

Pondinga'ancam! Nononyo paca'an sampai watunyo, malahan udah datakam watunyo nantai, kaitn paca'an bosongkayo. Kaitn paca'an pulakng ko rumah siku'-monyiku', moninggalan Aku sonsiku'an. Apo, sobondarnyo Aku co sonsiku'an obai Bopai ado bosamo agatn-Ku.

Kisah Boko Rasul 22:1

Kato Paulus, “Boko somadikan huatan boko pombopaian, dinga'anku bo. Aku honda' bopandir ko kaitn pakai' mombela diri siku'.”

Kisah Boko Rasul 25:16

Apo aku monimbas obai hukupm pomorintah Romawi kinyo moijitan nantai. Siku' urakng inyo dituduh, kinyo ulih lansukng disorahan ko boko urakng inyo monuduh io. Io gola' diporiso doholu. Di santai io mohadap boko urakng inyo monuduh io. Io gola' dionji'i kosompatan pakai' mombela diri tohadap tuduhan nantai.

Kisah Boko Rasul 7:60

Ongko kapikng molota'an kopututnyo ko tanah, io mondorah agatn saro kotakan borakng. Katonyo, “Tuhatn, amputicam dosa inyo sia' pulah ni'in!” Lopas bopandir sama'an nantai, Stefanus matiam.

1 Korintus 13:5

Urakng inyo mongasihi nantai ia'an urakng kinyo botindak agatn kasar. Io kinyo bayo momikiran kopontikan dirinyo siku'. Io kinyo copat godi. Io kinyo moingant-ingant kosalahan urakng bukai.

1 Korintus 9:3

Ko boko urakng inyo honda' monakutan aman aku ni'in sobondarnyo rasul kata'an cado, aku honda' monimbasinyo:

2 Korintus 7:11

Tiatbo somuo hasil doi' porasa'an salu' nantai inyo sosuai agatn kohonda' Allah! Watu ni'in kaitn lobih bobondar monuruti Tuhatn. Kaitn bousaha oca' kosalahan kaitn nantai disolosaian. Kaitn godi agatn dosa huatan lobih gola' agatn Allah. Kaitn rindu agatn aku. Kaitn lobih bosomangant bulah koboi'an. Kaitn mohukupm urakng inyo bosalah. Jadi, lopas jadi monorima' suratku nantai, kaitn mombutian obai kaitn mourus boko mosalah nantai agatn caro inyo bondar.

Filipi 1:17

Apo boko urakng inyo tungi nantai, conyiant ado tujuan inyo boi'. Sia' ongkah momontikan diri sia' siku'. Sia' monyangko porbuatan sia' nantai tajahan mombulah koadaan ku dalapm ponjara lobih susah.

Filipi 1:7

Memang pantas aku bopikir ubo nian mongona'i somuo kaitn obai aku kotakan mongasihi kaitn. Obai, kaitn hala monulukng ku dalapm polayatan ku, ia'an nantai polayatan inyo Tuhatn onju' ko aku obai Sio honda' monunju'an kasih karunia-Nyo ko aku. Timpu aku ado di dalapm ponjara, timpu ku mombela Kabar Boi' tohadap urakng inyo molawatnnyo, timpu ku mombutian Kabar Boi' nantai bondar, kaitn hala monulukng ku dalapm polayatan nantai.

2 Timotius 1:15

Kolai udah mongotohu'i obai banya' urakng inyo pocayo di propinsi Asia udah monula' aku, tomansu' Figelus huatan Hermogenes.

2 Timotius 4:10

obai Kreskes udah botula' ko propinsi Galatia. Titus botula' ko propinsi Dalmatia. Demas pan botula' ko kota Tesalonika. Apo Demas moninggalan aku obai io kotakng kidah agatn boko kosonangan di dunia ni'in.

2 Timotius 4:15

Apo kolai pan gola' boboi' agatn io nantai, obai io kotakng molawatn ajaran kito.

1 Petrus 3:15

Apo dalapm hati kaitn hormaticam Kristus sobagai Tuhatn inyo bokuaso pakai' kaitn. Kaitn gola' hala siap monjolasan alasan kaitn boharap ko Kristus. Kaitn gola' monjolasan nantai ko sotiap urakng inyo botakutn mongona'i hal nantai.