2 Timotius 4:10 - Porjanjian Boharu Torjomahan Baso Dilakng Soari-ari

¹⁰ obai Kreskes udah botula' ko propinsi Galatia. Titus botula' ko propinsi Dalmatia. Demas pan botula' ko kota Tesalonika. Apo Demas moninggalan aku obai io kotakng kidah agatn boko kosonangan di dunia ni'in.

2 Timotius 4:10 ပူးပေါင်းရင်းမြစ်များ

Matius 12:32

Sotiap urakng inyo momadahan sosuatu inyo monontakng Ana' Monsio, urakng nantai ulih diamputi. Apo sotiap urakng inyo mohayam Roh Allah, urakng nantai kinyo kalo paca'an diamputi. Urakng nantai kinyo paca'an ulih diamputi di dunia ni'in damo di dunia inyo paca'an datakng.

Matius 26:56

Apo, somuonyo ni'in tojadi oca' pomandiran mongona'i Aku inyo ditulis boko nabi digonapi.” Lalu somuo murid Yesus morarian diri moninggalan Sio.

Lukas 14:33

Ubo nian jam agatn boko urakng inyo honda' monjadi murid-Ku. Io gola' bopikir soboi'-boi'nyo holu ai obai aman io honda' monjadi murid-Ku, io gola' moninggalan somuo umputnnyo.”

Lukas 16:13

Co mungkitn siku' hulutn molayati duo habakng. Aman io molabuhan hal nantai, io paca'an bayo mongasihi salah siku' habakng apo mombonci' io siku'nyo. Io paca'an bayo taat ko siku' habakng, apo co taat ko io siku'nyo. Ubo nian jam kaitn. Co mungkitn kaitn monjadi hulutn Allah timpu inyo samo kaitn pan monjadi hulutn kodampuan.”

Lukas 17:32

Ingant la'apo inyo tojadi ko bini Lot!

Kisah Boko Rasul 13:13

Doi' kota Pafos nantai, Paulus huatan boko pokawalannyo bolayar ko polabuhan Perga, ibu kota doerah Pamfilia. Di santai, Yohanes Markus moninggalan sia'. Io bobali' agi' ko Yerusalem.

Kisah Boko Rasul 15:38

Apo Paulus kotakan kinyo sanggup mombaba' io obai komai io co molajuan polayatan sia' sampai jadi huatan moninggalan sia' di doerah Pamfilia.

Kisah Boko Rasul 16:6

Lopas nantai, Paulus, Silas ongko Timotius botula' ko doerah Frigia huatan doerah Galatia. Sobondarnyo sia' honda' momboritoan Kabar Boi' ko doerah Asia. Apo Roh Allah morarakng sia'.

Kisah Boko Rasul 17:1

Doi' kota Filipi, Paulus ongko Silas bojalatn molalu'i kota Amfipolis huatan kota Apolonia. Ongko, sia' tuntukam ko Tesalonika, ibu kota propinsi Makedonia. Di kota nantai ado rumah sombayakng urakng Yahudi.

Kisah Boko Rasul 17:11

Boko urakng Yahudi di Berea bobeda doi' boko urakng Yahudi di Tesalonika. Boko urakng Yahudi di Berea nantai lobih mudah monorima' ajaran Paulus ongko Silas. Sia' sobobondarnyo honda' tohu ajaran mongona'i Yesus nantai memang bondar kata'an cado. Jadi, sotiap ari sia' monyolidiki Buku Suci.

Kisah Boko Rasul 17:13

Apo boko urakng Yahudi di Tesalonika mondinga' mongona'i Paulus di Berea. Sia' mondinga' obai Paulus tongahan monyampaian borito doi' Allah mongona'i Yesus di kota nantai jam. Jadi, sia' pan botula' ko su'utn huatan monjahai'an Paulus.

Kisah Boko Rasul 18:23

Io pan monotap cukup manah di su'utn. Ongko, io botula' monjongu' agi' boko urakng pocayo di propinsi Galatia huatan Frigia. Io monulukng oca' boko somadikan nantai pocayo ko Yesus agatn lobih yakitn.

2 Korintus 2:13

Apo, aku co botomu agatn somadikanku Titus di su'utan. Jadi, hatiku kinyo nyamanam. Obai nantai, aku bokotohuan lalu botula' ko propinsi Makedonia.

2 Korintus 7:6

Apo Allah inyo monguat'an hati urakng inyo putus asa. Sio monguat'an hati koi agatn kodatakan Titus.

2 Korintus 8:16

Koi bosukur ko Allah obai Sio bulah hati Titus bondar-bondar honda' monulukng kaitn samo sama'an koi jam bondar-bondar honda' monulukng kaitn.

2 Korintus 8:23

Titus, io nam kawal ku inyo bokorojo samo agatn aku pakai' molayati kaitn. Ongko koduo somadikan inyo bukai nantai, sia' nam boko urakng inyo diutus boko jomaat. Sia' monunju'an obai Kristus mulia.

2 Korintus 8:6

Obai sia' molabuhan nantai, lalu koi minto oca' Titus monjongu' kaitn oca' jadiam mongumpulan sumbakan nantai doi' kaitn. Memang komai io inyo momula'i polayatan inyo boi' nantai.

Filipi 2:21

Somuo urakng bukai bayo momporhatian kopontikan sia' siku' bukainyo kopontikan Yesus Kristus.

1 Timotius 6:10

Jadi, kaha'-kolobu' agatn duit bulah urakng molabuhan somuo macapm kojahatan. Ado boko urakng inyo udah kaha'-kolobu' agatn duit. Obai nantai, sia' udah co pocayo agi' ko Yesus. Sia' bulah diri sia' siku' ajab sonsaro. Samo sama'an sia' monuhu' diri sia' siku' agatn sundakng.

1 Timotius 6:17

Poringant'ancam ko boko urakng dampu di dunia ni'in oca' sia' jangan buhau huatan oca' jangan pocayo ko boko kodampuan sia' inyo kinyo ulih botahatn somanah-manahnyo. Apo sia' gola' pocayo ko Allah obai Sio onsi' agatn urakng. Sio moonji'i somuo hal oca' kito ulih mooso'i ponyaman.

2 Timotius 1:15

Kolai udah mongotohu'i obai banya' urakng inyo pocayo di propinsi Asia udah monula' aku, tomansu' Figelus huatan Hermogenes.

2 Timotius 4:16

Potamo kali aku mombela diri di pongadilan, co nyiant siku' urakng pan inyo monulukng aku. Somuonyo udah moninggalanku. Aku bodoa oca' Tuhatn moamputi sia' nantai.

Filemon 1:24

Salapm jam doi' Markus, Aristarkhus, Demas huatan Lukas, ia'an boko kawal inyo bokorojosamo agatn ku pakai' momboritoan Kabar Boi'.

2 Petrus 2:15

Sia' udah moninggalan caro hidup inyo bondar. Sia' tuyut caro hidup inyo salah. Sia' tuyut caro hidup Bileam, ana' Beor. Timpu joman komai, nabi Bileam nantai opat monorima' upah doi' porbuatan inyo jahat.