2 Timotius 3:8 - Porjanjian Boharu Torjomahan Baso Dilakng Soari-ari

⁸ Boko urakng nantai bisi pikiran inyo jahat huatan udah co pocayo agi'. Sia' molawatn ajaran inyo bondar, samo sama'an Yanes ongko Yambres molawatn Musa.

2 Timotius 3:8 ပူးပေါင်းရင်းမြစ်များ

Kisah Boko Rasul 15:24

udah mondinga' borito doi' Paulus, Barnabas huatan urakng bukai inyo kaitn utus ko koi. Koi mondinga' ado boko urakng doi' antaro koi inyo datakng ko kaitn. Apo, koi kinyo moutus sia' nantai. Sia' mongajar kaitn gola' disunant aman honda' disolamant'an. Ajaran sia' nantai mombingungan kaitn, bulah hati kaitn gangga'-gua'an.

Roma 1:28

Obai sia' co mooso pontikng mongonal Allah, jadi Allah mombiaran pikiran sia' monjadi rusa'. Jadi, sia' molabuhan boko hal inyo soharusnyo kinyo pantas sia' labuhan.

Roma 16:18

Obai, boko urakng inyo molabuhan ubo nantai sobondarnyo co bokorojo molayati Kristus, Tuhatn kito. Sia' bayo honda' mongosihan kohonda' sia' siku'. Sia' momuji-muji agatn pomandiran inyo manis pakai' monipu urakng inyo co tohu tujuan sia' inyo jahat.

Efesus 4:14

bukainyo sama'an boko bobia' agi' inyo mudah ditipu agatn somuo macapm ajaran inyo salah. Kito kinyo pocayo ko boko urakng licik nantai inyo honda' mombulah urakng monjadi sosat.

1 Timotius 1:19

Ado boko urakng inyo monula' saro hati sia' ongko ajaran inyo bondar. Baba'annyo, sia' kinyo bondar-bondar pocayo agi' agatn Yesus.

1 Timotius 4:2

Boko urakng inyo mongajar boko ajaran nantai sobondarnyo sia' nantai boko urakng tumbukan, co nyiant hati sia'.

1 Timotius 6:5

Sia' hala botikakng co nyiant kotuntukannyo. Pikiran sia' udah rusa' sampai sia' co ulih agi' monyongkayoan inyo salah huatan inyo bondar. Sia' bopikir, aman sia' molabuhan ajaran agama mondatakan kodampuan.

2 Timotius 4:15

Apo kolai pan gola' boboi' agatn io nantai, obai io kotakng molawatn ajaran kito.

Titus 1:10

Aku momadahan nantai obai ado banya' urakng Kreta inyo kinyo honda' monaati boko ponotua', hususnyo sia' inyo tontainyo sobolupmnyo boagama Yahudi. Sia' bopandir mongona'i boko hal inyo kinyo boguno. Sia' moncubo monipu urakng bukai.

Titus 1:16

Sia' mongatoan obai sia' mongonal Allah. Apo porbuatan sia' monunju'an obai sia' kinyo mongonal Allah. Allah campah agatn sia'. Sia' kinyo taat ko Sio. Sia' kinyo mampu molabuhan la'apo pan inyo boi'.

2 Petrus 2:14

Sia' kinyo kalo suah bulah dosa. Mato sia' hala moncari' boko botina' inyo gala' bomporajoan. Sia' mompongaruhi boko urakng inyo bolupm pocayo agatn kuat. Hati sia' udah tolatih monjadi tama'. Jadi, Allah pasti mohukupm sia'!

1 Yohanes 2:18

Poana'anku! Joman ni'in am ari-ari toahir. Kaitn udah mondinga' obai Si Musuh Kristus paca'an datakng. Ongko watu ni'in banya' musuh Kristus udah ado. Ni'inam tandonyo, joman ninam ari-ari toahir.

1 Yohanes 4:1

Boko somadikanku inyo tokasih, udah ado banya' nabi palsu di dunia ni'in. Obai nantaiam, jangannam pocayo agatn somuo urakng inyo mongatoan obai Roh Allah ado di inyo. Apo poriso'icam lobih holu ajaran sia' nantai pakai' mongotohu'i aman roh inyo ado di inyo boasal doi' Allah kata'an cado.

Wahyu 2:20

Apo, Aku moolikan kaitn mongona'i hal ni'in: Kaitn mombiaran botina' nantai, Izebel, monyosat'an umant-Ku. Io mongaku' dirinyo nabi, apo io udah monipu boko hulutn-Ku. Io mongajar oca' sia' bulah dosa bomporajoan, ongko oca' sia' makatn dagikng doi' bonatakng inyo diposombahan ko songiang-duato.

Wahyu 2:6

Apo ado hal boi' inyo kaitn labuhan, ia'an nantai: Kaitn bonci'an boko porbuatan boko urakng inyo monuruti ajaran Nikolaus. Aku pan mombonci' jam boko kolaku'an inyo jahat nian.