2 Timotius 3:7 - Porjanjian Boharu Torjomahan Baso Dilakng Soari-ari

⁷ Boko botina' nantai bolajar boko ajaran boharu. Apo sia' co kalo mampu monorima' ajaran inyo bondar.

2 Timotius 3:7 ပူးပေါင်းရင်းမြစ်များ

Efesus 4:14

bukainyo sama'an boko bobia' agi' inyo mudah ditipu agatn somuo macapm ajaran inyo salah. Kito kinyo pocayo ko boko urakng licik nantai inyo honda' mombulah urakng monjadi sosat.

1 Timotius 2:4

Obai Allah mongohonda'i oca' somuo urakng disolamant'an. Allah honda' somuo urakng mongotohu'i ajaran inyo bondar.

Ibrani 5:11

Ija' banya' hal inyo honda' koi pandiran ko kaitn mongona'i Yesus sobagai Imam Agukng. Apo boko hal nantai uyuh di jolasan obai kaitn co honda' mongoroti.

2 Timotius 2:25

Io gola' onsi' mongajar boko urakng inyo gala' molawatn. Sopo tohu Allah moonji'i kosompatan ko boko urakng inyo gala' molawatn nantai pakai' botongga' bulah dosa huatan tohu mongonal ajaran inyo bondar.

Yohanes 5:44

Nantai obai kaitn gala' hala bogoyap kohormatan doi' sosamo kaitn mo. Apo kaitn co kalo goyap pujian doi' Allah inyo satu-satunyo inyo bondar. Aman ubo nian, pasti kaitn co pocayo agatn Aku!

Matius 13:11

Timbas Yesus, “Kaitn udah dionji'i pongorotian mongona'i Koraja'an Sorugo inyo bolupm dikotohu'i urakng bukai. Apo urakng banya' ni'in bolupm dionji'i pongorotian nantai.