2 Timotius 3:5 - Porjanjian Boharu Torjomahan Baso Dilakng Soari-ari

⁵ Kotiat'annyo sia' hidup sosuai agatn kohonda' Allah. Apo sobondarnyo, sia' co honda' tundu' agatn kuaso Allah dalapm hidup sia'. Padohan mondinga'an boko urakng sama'an nantai.

2 Timotius 3:5 ပူးပေါင်းရင်းမြစ်များ

Matius 7:15

“Boboi'cam tohadap boko nabi palsu. Sia' pompadah boi' apo tujuan sia' jahat. Sia' samo sama'an payau ganas inyo datakng monyamar sama'an domba.

Efesus 4:14

bukainyo sama'an boko bobia' agi' inyo mudah ditipu agatn somuo macapm ajaran inyo salah. Kito kinyo pocayo ko boko urakng licik nantai inyo honda' mombulah urakng monjadi sosat.

2 Tesalonika 3:14

Aman ado urakng inyo kinyo mongikuti boko ajaran koi dalapm surat ni'in, pontiat'ancam sopo io. Jangan bokawal agatn io oca' io monjadi malu obai kosalahannyo nantai.

2 Tesalonika 3:6

Boko somadikan, koi mondinga' ado urakng pocayo inyo losa' bokorojo. Sia' co honda' hidup sosuai agatn ajaran inyo koi sampaian ko kaitn. Obai koi ado hak doi' Tuhatn Yesus Kristus, koi monyiuh kaitn: Jangan bokawal agatn boko urakng inyo hidup sama'an nantai.

1 Timotius 4:7

Apo jangan pondinga'an boko kisah sangan. Boko kisah sama'an nantai kinyo monulukng urakng oca' mohormati Allah. Kolai gola' hala bolatih oca' hidup sosuai agatn kohonda' Allah.

1 Timotius 4:8

Ado porbaso: ‘Aman kito bolatih oca'’ bulah bukakng-tubuh kito lobih kuat, ongko gunonyo oca' kito hidup lobih boi' di dunia ni'in. Apo, aman kito bolatih oca' hidup sosuai agatn kohonda' Allah, ongko gunonyo kito kinyo bayo hidup lobih boi' di dunia ni'in, malah kito pan ulih hidup somanah-manahnyo di sorugo.

1 Timotius 5:8

Apo aman ado urakng inyo co monulukng boko koluarganyo apotolagi' kinyo monulukng koluarganyo siku' boroti io kinyo pocayo agi' ko Yesus. Io hidup agatn caro inyo lobih rusa' doi' urakng inyo bolupm pocayo.

1 Timotius 6:5

Sia' hala botikakng co nyiant kotuntukannyo. Pikiran sia' udah rusa' sampai sia' co ulih agi' monyongkayoan inyo salah huatan inyo bondar. Sia' bopikir, aman sia' molabuhan ajaran agama mondatakan kodampuan.

2 Timotius 2:16

Jangan bondinga'an boko urakng inyo bopandir mongona'i boko hal inyo co boonsu'an huatan boko hal inyo co mohormati Allah. Obai ajaran sia' bayo bulah boko urakng mongkitn lobih jahat.

2 Timotius 2:23

Jangan mondinga'an boko urakng inyo botikakng mongona'i boko hal inyo budu huatan kinyo boonsu'an. Somuo nantai bayo bulah urakng boporap.

Titus 1:16

Sia' mongatoan obai sia' mongonal Allah. Apo porbuatan sia' monunju'an obai sia' kinyo mongonal Allah. Allah campah agatn sia'. Sia' kinyo taat ko Sio. Sia' kinyo mampu molabuhan la'apo pan inyo boi'.

Titus 3:10

Aman ado urakng inyo bulah poporapan di antaro boko urakng pocayo, kolai gola' moolikan io. Aman io kinyo botongga', olikan io sokali agi'. Aman io kinyo botongga' jam lopas jadi diolikan duo kali, kolai tohu io kinyo honda' tuyut ajaran inyo bondar agi'. Boko dosanyo mombutian obai inyo salah di hadapan Allah. Jangan bohubukan agi' agatn urakng sama'an nian.