2 Timotius 3:4 - Porjanjian Boharu Torjomahan Baso Dilakng Soari-ari

⁴ Ari-ari toahir ni'in, boko urakng paca'an hala monyorahan kawal sia' ko musuh. Sia' co paca'an bopikir panjakng. Sia' paca'an hala buhau. Sia' paca'an hala monyonangan diri sia' daripado monyonangan Allah.

2 Timotius 3:4 ပူးပေါင်းရင်းမြစ်များ

Kisah Boko Rasul 19:36

Co nyiant urakng inyo ulih monikaki konyata'an nantai. Obai nantai, honda'nyo kito langunt. Jangan bulah kolaku'an ceroboh.

Kisah Boko Rasul 7:52

Angki-bayatn kaitn monyisa somuo nabi Allah. Joman komai, sia' mombunuh boko nabi inyo mongabaran mongona'i kodatakan Rajo Inyo Dijanjian Allah, ia'an Hulutn Allah inyo hala hidup bondar di hadapan Allah. Sokarakng Rajo nantai udah datakng apo kaitn monyorahan Sio ko musuh-Nyo oca' Sio dibunuh!

Roma 11:20

Memang nantai bondar. Apo ingant obai sia' dipatahan obai sia' kinyo pocayo ko Yesus. Allah monorima' kaitn obai kaitn pocayo. Jadi, jangannam buhau obai kaitn monggonti'i sia'. Apo gola'cam agatn Allah!

Roma 16:18

Obai, boko urakng inyo molabuhan ubo nantai sobondarnyo co bokorojo molayati Kristus, Tuhatn kito. Sia' bayo honda' mongosihan kohonda' sia' siku'. Sia' momuji-muji agatn pomandiran inyo manis pakai' monipu urakng inyo co tohu tujuan sia' inyo jahat.

1 Timotius 3:6

Watu momilih urakng pakai' monjadi ponotua', jangan momilih urakng inyo hoyu' pocayo ko Yesus. Mungkitn urakng inyo hoyu' pocayo sama'an nantai buhau. Aman io buhau, Allah paca'an mohukupm io samo sama'an Rajo Sitatn obai io pan buhau.

1 Timotius 5:6

Apo siku' urakng botina' balu inyo hidupnyo bayo monyonangan dirinyo siku', biar pan io ija' hidup sobondarnyo io udah mati socaro rohani.

1 Timotius 6:17

Poringant'ancam ko boko urakng dampu di dunia ni'in oca' sia' jangan buhau huatan oca' jangan pocayo ko boko kodampuan sia' inyo kinyo ulih botahatn somanah-manahnyo. Apo sia' gola' pocayo ko Allah obai Sio onsi' agatn urakng. Sio moonji'i somuo hal oca' kito ulih mooso'i ponyaman.

Yudas 1:19

Boko urakng nantai gala' bulah kaitn topocah-bolah. Sia' kinyo dikuaso'i Roh Allah, apo dikuaso'i boko kohonda' dunia.

Yudas 1:4

Obai, ado boko urakng totontu inyo molawatn Allah. Nyatonyo, sia' udah mansu' dalapm kolompok kaitn inyo co urakng bukai sadar obai sia' kinyo bondar-bondar pocayo ko Yesus. Sia' mongatoan Allah kito kinyo paca'an mohukupm urakng obai Sio boi' hati. Sia' gunoan pomikiran inyo salah nantai oca' sia' ulih mongosihan boko kohonda' bukakng-tubuh sia' inyo jahat. Sia' jam monula' obai Yesus Kristus ia'an satu-satunyo Tuhatn inyo bokuaso dipucu' kito. Doi' komai, udah ditulis obai sia' paca'an dihukupm.