2 Timotius 3:3 - Porjanjian Boharu Torjomahan Baso Dilakng Soari-ari

³ Sia' co tohu mongasihi huatan moamputi urakng bukai. Sia' hala bojahat urakng bukai. Sia' co ulih mongondalian diri sia'. Sia' hala mondorako'i urakng bukai, bonci' agatn somuo hal inyo boi'.

2 Timotius 3:3 ပူးပေါင်းရင်းမြစ်များ

Matius 10:21

Paca'an tojadi obai boko urakng paca'an monyorahan boko somadikan sia' pakai' dibunuh. Paca'an ado boko Bopai inyo monyorahan boko poana'an sia' jam. Paca'an ado boko poana'an inyo molawatn monyorahan indai-bopai sia' pakai' dibunuh.

Matius 4:1

Lopas nantai, Roh Allah moirikan Yesus ko padakng pasir inyo langunt oca' dicubo'i Rajo Sitatn.

Lukas 10:16

Lalu Yesus bopandir agi' ko sia' tujuh puluh murid inyo diutus tontai, “Urakng inyo mondingaꞌan kaitn, samo sama'an mondingaꞌan Aku siku'. Urakng inyo monula' kaitn, samo sama'an monula' Aku siku'. Urakng inyo monula' Aku, samo sama'an monula' Allah inyo moutus Aku.”

Lukas 16:14

Nah, ado jam boboropo urakng Farisi mondingaꞌan somuo inyo Yesus pandiran nantai. Sia' kotakng gala' agatn duit. Jadi, sia' rindakan Yesus.

Yohanes 6:70

Timbas Yesus ko sia', “Aku siku' udah momilih kaitn, koduo bolas urakng ni'in pan? Apo salah siku' di antaro kaitn nan sitatn!”

Roma 1:29

Sia' kinyo hidup bondar di hadapan Allah. Hati sia' jahat huatan tama'. Sia' mombonci' huatan mooso tungi agatn urakng bukai. Sia' hala honda' botikakng ongko mombunuh urakng bukai. Sia' monipu huatan mondondapm.

Roma 1:31

kinyo boakal, huatan culih dipocayo. Sia' kinyo bokoncucu'an huatan bobolas kasihan ko urakng bukai.

1 Korintus 7:5

Jangan hala monula' kohonda' pakai' bohubukan laki-bini. Kocuali ado houpm-kubo bosamo pakai' somontaro watu oca' ulih moutamoan doa. Apo lopas nantai sia' duo kopal-kumpul. Aman cado, Rajo Sitatn ulih moncubo'i kaitn oca' obai kaitn co ulih monahan kohonda' diri kaitn siku'.

1 Korintus 7:9

Apo, aman kaitn co ulih monahan kohonda' diri kaitn, lobih boi' kaitn kawitn. Obai, lobih boi' urakng kawitn daripado hala bokohonda'an apo co kalo mooso'i ponyaman.

1 Tesalonika 4:8

Jadi, aman ado di antaro kaitn inyo monula' ajaran ni'in, io kinyo monula' monsio apo io monula' Allah. Ingantcam! Allah jam inyo moonji'i Roh-Nyo inyo suci ko kaitn.

1 Timotius 3:11

Ubo nian jam, bini boko diakon gola' hidup agatn caro inyo boi'. Sia' gola' tohormat. Sia' co ulih hala bojahat urakng. Sia' gola' mongondalian diri. Sia' pan gola' dapat dipocayo'i dalapm somuo hal.

Titus 1:8

Apo, io agatn coraca'an ulih moonji'i tumpakan ongko gala' bulah koboi'an. Io gola' pintar-corodi', hidup bondar di hadapan Allah, co bulah dosa, ongko ulih mongondalian dirinyo.

Titus 2:3

Ubo nian jam agatn boko botina' inyo udah tuho. Ajaricam sia' pakai' hidup agatn caro inyo mohormati Allah. Sia' culih bojaha'i urakng bukai. Sia' culih gala' minum sampai mabu'. Sia' gola' mongajar boko hal inyo boi'.

Yakobus 2:6

Apo kaitn malahan mohayam urakng jaro. Cubo porotian porbuatan boko urakng dampu. Obai sia' nanam inyo mondorako'i kaitn agatn mondudus kaitn ko tompat pongadilan.

2 Petrus 2:14

Sia' kinyo kalo suah bulah dosa. Mato sia' hala moncari' boko botina' inyo gala' bomporajoan. Sia' mompongaruhi boko urakng inyo bolupm pocayo agatn kuat. Hati sia' udah tolatih monjadi tama'. Jadi, Allah pasti mohukupm sia'!

2 Petrus 2:19

Boko guru palsu nantai bojanji obai urakng inyo tuyut ajaran sia' paca'an hidup bebas. Apo sia' siku' samo sama'an hulutn obai dosa udah mongalahan sia'. Sama'an inyo dipandiran: urakng monjadi hulutn ko sopo aja' inyo mongalahannyo.

2 Petrus 3:3

Inyo palikng utamo gola' kaitn kotohu'i ia'an: Pado ahir joman, paca'an ado boko urakng inyo gala' mohayam kaitn. Sia' nantai dikuaso'i hawa napsu inyo jahat.

Yudas 1:16

Boko urakng nantai ongkah botuta', gala' moncari-cari kosalahan urakng. Sia' dikuaso'i kohonda' bukakng inyo jahat. Sia' buhau momuji diri. Apo sia' pan momuji-muji urakng bukai oca' bodapat kountukan pakai' diri sia' siku'.

Yudas 1:18

Kato boko rasul nantai, “Timpu ahir joman, paca'an ado boko urakng inyo hala mohayam kaitn. Boko urakng nantai dikuaso'i kohonda' bukakng inyo jahat.”

Wahyu 13:15

Io pan dionji'i kuaso pakai' mombulah lompatukng nantai monjadi hidup. Jadi, lompatukng bonatakng nantai suba' bopandir huatan mombunuh somuo urakng inyo co monyombahnyo.

Wahyu 13:17

Kinyo ado urakng inyo suba' momboli damo monjual la'apo pan aman io co ado tando nantai, ia'an damo bonatakng potamo nantai damo angka' inyo molambakan damo bonatakng nantai.

Wahyu 16:6

Obai sia' inyo udah mombunuh boko urakng umant Allah huatan boko nabi. Jadi, ni'in Duatn momoso sia' minum darah. Cucu' sia' dihukupm sama'an nantai.”

Wahyu 17:6

Aku moniant botina' nantai komabu'an obai minum darah boko urakng kudus, ia'an boko urakng inyo dibunuh obai sia' momboritoan mongona'i Yesus. Pas aku moniant botina' nantai, aku kotakan hiratn.