2 Timotius 3:2 - Porjanjian Boharu Torjomahan Baso Dilakng Soari-ari

² Boko urakng paca'an mondoholuan kohonda' diri sia' siku'. Sia' paca'an kaha'-kolobu' agatn duit. Sia' paca'an buhau, hala moninggian diri, hala mohayam urakng bukai, hala co monaati urakng tuho sia'. Sia' co tohu botorima' kasih, co honda' hidup mohormati Allah.

2 Timotius 3:2 ပူးပေါင်းရင်းမြစ်များ

Matius 15:6

Kaitn bopandir aman ado urakng inyo molabuhan nantai, lalu io kinyo gola' mohormati indai bopainyo agi'. Jadi, agatn caro jumpat adat istiadat kaitn nantai, lalu kaitn moanggap pomandiran Allah kinyo gola' ditaati agi'.

Lukas 12:15

Ongko Yesus bopandir ko somuo urakng di santai, “Boboi'cam! Jagocam diri kaitn doi' somuo macapm kotama'an. Obai hidup inyo sobondarnyo samo sokali kinyo bogantukng agatn banyaꞌnyo kodampuan.”

Lukas 16:14

Nah, ado jam boboropo urakng Farisi mondingaꞌan somuo inyo Yesus pandiran nantai. Sia' kotakng gala' agatn duit. Jadi, sia' rindakan Yesus.

Lukas 6:35

Jadi kaitn sobondarnyo gola' mongasihi musuh. Huatan bulah koboi'an agatn sia'. Jadi pinjapan ko sia' apo co momikiran pomulakannyo. Aman kaitn udah molabuhan ubo nian, kaitn tajahan mondapat upah, inyo bosar ongko monjadi Ana' Allah Inyo Maho Tinggi. Obai Sio totap mongasihi urakng inyo kinyo tohu agatn botorima' kasih, samaꞌan nian jam agatn urakng jahat.

Kisah Boko Rasul 5:36

Obai komai ado urakng inyo bodamo Teudas. Io mongaku' dirinyo siku' sobagai pomimpitn. Ompat ratus urakng monjadi pongikutnyo. Apo io dibunuh, ongko somuo pongikutnyo topisah-pisah. Jadi, pogota'annyo co nyiant pasalnyo.

Roma 11:18

Obai nantai, jangan kaitn monjadi buhau ongko moremehan boko dahatn inyo dipatahan nantai. Jangan tongkolupatn! Kaitn bayo dahatn mo. Dahatn kinyo mohidupi urat, apo urat inyo mohidupi dahatn.

2 Korintus 5:15

Masudnyo ubo ni'in: Kristus udah mati pakai' somuo urakng. Sio molabuhan nantai oca' boko urakng, inyo hidup, sia' co hidup pakai' monyonangan diri sia' siku', apo sia' hidup pakai' monyonangan Sio, ia'an Sio inyo udah mati ongko bobali' hidup agi' pakai' sia'.

Filipi 2:21

Somuo urakng bukai bayo momporhatian kopontikan sia' siku' bukainyo kopontikan Yesus Kristus.

Kolose 3:5

Obai nantai, kaitn gola' momastian caro hidup kaitn inyo manah nantai bondar-bondar udah mati. Jangan dikuaso'i boko kohonda' duniawi, sama'an: bomporajoan, boko kolaku'an inyo kinyo sonunuh, hawa napsu, kohonda' jahat, kaha' agatn duit. Kohonda' pakai' duit nantai samo ja'am agatn monyombah boko duato.

2 Tesalonika 2:4

Apo sobolupm io dibonasoan, io paca'an molawatn somuo hal inyo monsio anggap sobagai allah huatan somuo hal inyo disombah monsio. Io paca'an momandiran obai io lobih bokuaso doi' somuo allah nantai. Malahan, io paca'an mansu' ko dalapm Rumah Allah. Io paca'an dudu' di santai ongko moaku'i obai io nantai Allah.

1 Timotius 1:20

Himeneus ongko Aleksander ado di antaro boko urakng sama'an nantai. Aku udah monyorahan sia' ko Rajo Sitatn agatn caro monundukng sia' doi' posokutuan urakng pocayo. Agatn sama'an nantai, sia' ulih bolajar botongga' mohayam Allah.

1 Timotius 1:9

Kito tohu obai Allah moonji'i Hukupm Torat bukainyo pakai' mongomboi'i caro hidup boko urakng inyo bondar. Apo Sio moonji'i Hukupm Torat pakai' mongomboi'i caro hidup boko urakng inyo hidup sokohonda'nyo siku' huatan tikakng-bongkakan, boko urakng inyo kinyo boagama huatan boko urakng hala gala' bulah dosa, boko urakng inyo kinyo honda' hidup suci huatan boko urakng inyo kinyo mongonal Sio, boko urakng inyo mombunuh urakng bukai, tomansu' boko urakng inyo mombunuh indai Bopai sia'.

1 Timotius 3:3

Io co ulih jadi urakng pomabu'. Io co ulih jadi urakng inyo hala boporap apo gola' lomah-lombut. Io co ulih jadi urakng ponggodian. Io co ulih kaha' agatn duit.

1 Timotius 6:10

Jadi, kaha'-kolobu' agatn duit bulah urakng molabuhan somuo macapm kojahatan. Ado boko urakng inyo udah kaha'-kolobu' agatn duit. Obai nantai, sia' udah co pocayo agi' ko Yesus. Sia' bulah diri sia' siku' ajab sonsaro. Samo sama'an sia' monuhu' diri sia' siku' agatn sundakng.

1 Timotius 6:4

Sia' buhau. Padohal, sia' co tohu la'apo pan, sia' bayo gala' botikakng mo. Sia' bayo gala' hala botikakng mongona'i roti boko sotilah. Jadi, ado banya' baba'an inyo kinyo boi': Sia' tungi. Sia' hala bokolohi. Sia' hala bojahat urakng. Sia' hala bopikir inyo bukai bulah kojahatan.

2 Timotius 3:4

Ari-ari toahir ni'in, boko urakng paca'an hala monyorahan kawal sia' ko musuh. Sia' co paca'an bopikir panjakng. Sia' paca'an hala buhau. Sia' paca'an hala monyonangan diri sia' daripado monyonangan Allah.

Yakobus 2:8

Jangan tongkolupatn, dalapm Buku Suci ado porintah ni'in, “Kasihicam sosamo kolai ubo kolai mongasihi diri kolai siku'.” Aman kaitn monaati porintah nian, kaitn monyonangan hati Allah.

Yakobus 4:16

Apo kaitn buhau huatan mombulah hajat kinyo bopikir mongona'i kohonda' Tuhatn. Somuo kobuhauan sama'an nantai jahat.

Yakobus 4:6

Apo Allah udah monunju'an koboi'an-Nyo ko kito. Hal nantai sosuai agatn tulisan ni'in dalapm Buku Suci, “Allah bonci' agatn urakng inyo buhau. Apo Sio monunju'an koboi'an-Nyo ko urakng inyo rondah hati.”

1 Petrus 5:5

Ubo nian jam, kaitn inyo muda': Kaitn gola' tundu' ko boko urakng inyo lobih tuho. Kaitn somuo gola' rondah hati hala molayati inyo bukai. Obai, pomandiran ni'in udah totulis di Buku Suci: “Allah molawatn urakng inyo buhau. Apo Sio monunju'an koboi'an-Nyo ko urakng inyo boi' hati.”

2 Petrus 2:10

hususnyo boko urakng inyo moikuti hawa napsu inyo mombulah diri sia' kotor, huatan boko urakng inyo co mohormati kuaso Allah atas sia'. Boko guru palsu nantai kotakng borani huatan buhau sampai sia' kinyo gola' mohanyam boko mahluk inyo bokuaso.

2 Petrus 2:12

Apo boko guru palsu nantai mohayam boko hal inyo kinyo sia' kotohu'i. Sia' samo sama'an bonatakng liar inyo kinyo boakal, inyo lahir ongkah pakai' ditangkap huatan dibunuh aja'. Porbuatan jahat sia' paca'an mombulah sia' bonaso samo sama'an bonatakng liar nantai jam.

2 Petrus 2:18

Obai, sia' mongajar agatn pomandiran solah-olah sia' kotakan pintar, apo sobondarnyo pomandiran sia' conyiant gunonyo. Agatn caro nantai, sia' mompongaruhi boko urakng pakai' moikuti hawa napsu inyo jahat, ia'an boko urakng inyo hoyu' pan koluar doi' kobiasa'an boko urakng inyo hidup agatn caro inyo salah.

2 Petrus 2:3

Obai boko guru palsu nantai tama', jadi sia' paca'an bousaha moncari' untukng doi' kaitn agatn boko kisah inyo dipulah-pulah sia'. Apo, Allah udah manaham siap mohukupm sia'. Kinyo manah agi' sia' tajahan bonaso.

Yudas 1:16

Boko urakng nantai ongkah botuta', gala' moncari-cari kosalahan urakng. Sia' dikuaso'i kohonda' bukakng inyo jahat. Sia' buhau momuji diri. Apo sia' pan momuji-muji urakng bukai oca' bodapat kountukan pakai' diri sia' siku'.

Wahyu 13:1

Lopas nian, aku moniant siku' bonatakng koluar doi' dalapm lout. Io botandu' sopuluh huatan bokopala' tujuh. Di sotiap tandu'nyo ado mahkota kocit. Di sotiap kopala'nyo totulis boko damo inyo mohanyam Allah.

Wahyu 16:11

Sia' mohanyam Allah di sorugo obai kompodihan hontapm boko bongka'. Apo sia' totap kinyo honda' botongga' bulah kojahatan.

Wahyu 16:21

Hujatn es bosar jatu' doi' langit moninggakng monsio. Sotiap batu es nantai hampir lima' puluh kilu. Jadi, monsio mongutu' Allah obai malopotako hujatn es nantai kotakan nontu.

Wahyu 16:9

Jadi, hangant inyo luar biaso doi' api nantai moloburan monsio. Apo sia' totap mohanyam damo Allah, inyo bokuaso di pucu' boko malopotako nantai. Sia' kinyo botongga' bodosa lalu momuji Sio.