2 Timotius 3:17 - Porjanjian Boharu Torjomahan Baso Dilakng Soari-ari

¹⁷ Jadi, Buku Suci boguno pakai' bulah boko urakng inyo molayati Allah mampu molabuhan sotiap pokoroja'an inyo boi'.

2 Timotius 3:17 ပူးပေါင်းရင်းမြစ်များ

Kisah Boko Rasul 9:36

Kinyo jouh doi' santai di kota Yope ado siku' urakng botina'. Damonyo Tabita. (Dalapm baso Yunani damo nantai disobut Dorkas.) Dorkas nantai urakng inyo pocayo agatn Yesus. Io hala bulah koboi'an agatn urakng bukai. Io pan opat monulukng urakng jaro.

2 Korintus 9:8

Ingantcam obai Allah sanggup moonji'i banya' borokat ko kaitn, oca' kaitn hala ado la'apo pan inyo kaitn pontikan. Agatn ubo nantai, kaitn ulih molabuhan banya' porbuatan boi'.

Efesus 2:10

Obai kito ni'in pulahan Allah huatan molalu'i Kristus, Allah mombulah kito oca' kito molabuhan boko hal inyo boi', ia'an boko pokoroja'an inyo udah Sio siap'an sobolupmnyo pakai' kito.

1 Timotius 6:11

Apo kolai, Timotius, jangan molabuhan boko porbuatan inyo jahat sama'an nantai. Kolai polayatn Allah. Kolai gola' bousaha hidup bondar di hadapan Allah, hidup sosuai agatn kohonda' Allah, pagutn sotia ko Allah, huatan mongasihi urakng bukai, botahatn mohadapi ajab sonsaro, bosikap lomah-lombut.

2 Timotius 2:21

Boko urakng inyo monyongkayoan diri doi' boko hal inyo kinyo gaho pontikng nantai samo sama'an boko pokakas inyo digunoan pakai' pogota'an inyo pontikng. Io disongkayoan pakai' pogota'an inyo husus. Io cucu' dipakai Tuhatn huatan siap dipakai pakai' pokoroja'an la'apo pan inyo boi'.

Titus 1:16

Sia' mongatoan obai sia' mongonal Allah. Apo porbuatan sia' monunju'an obai sia' kinyo mongonal Allah. Allah campah agatn sia'. Sia' kinyo taat ko Sio. Sia' kinyo mampu molabuhan la'apo pan inyo boi'.

Titus 2:14

Yesus monyorahan diri sampai mati. Agatn caro nantai, Sio mombebasan kito doi' boko kojahatan. Sio jam bulah kito borosih doi' boko dosa kito oca' kito monjadi boko urakng umputn Sio siku', ia'an boko urakng inyo bondar-bondar totap hala bulah koboi'an.

Titus 3:1

Padahan ko boko urakng pocayo oca' sia' mohormati somuo pomimpitn pomorintah ongko somuo pomimpitn laman. Sia' gola' monaati somuo pomimpitn. Ingant'ancam somuo urakng pocayo oca' sia' siap pakai' mongorojoan la'apo aja' inyo boi'.

Ibrani 10:24

Mara kito hala monulukng inyo bukai ongko hala moingant'an inyo bukainyo pakai' mongasihi ongko bulah koboi'an.

Ibrani 13:21

Aku bodoa oca' Allah moonju' ko kaitn somuo hal boi' inyo dipontikan kaitn pakai' molabuhan kohonda'-Nyo. Aku bodoa oca' Allah molalu'i Yesus Kristus, mongorojoan dalapm hati kito somuo hal inyo dikohonda'i-Nyo. Mara kito momuji Sio pakai' somanah-manahnyo. Amin!