2 Timotius 3:16 - Porjanjian Boharu Torjomahan Baso Dilakng Soari-ari

¹⁶ Soluruh Buku Suci ado obai bimbikan Allah. Obai nantai, somuo inyo ditulis di santai sangant boguno. Buku Suci boguno pakai' mongajar boko hal inyo bondar, pakai' moolikan urakng doi' kosalahan, pakai' mongomboi'i caro hidupnyo huatan pakai' monunju'an caro hidup inyo bondar dihadapan Allah.

2 Timotius 3:16 ပူးပေါင်းရင်းမြစ်များ

Matius 13:52

Lalu Yesus bopandir ko sia', “Obai nantai sotiap guru agama Yahudi inyo monorima' polajaran mongona'i koraja'an sorugo nantai, samo sama'an siku' puku' rumah agatn boko bando barakngnyo. Doi' santai, io mongoluaran kodampuan inyo boharu ongko kodampuan inyo manah.”

Matius 21:42

Kato Yesus ko sia', “Pasti kaitn kalo mombaco di Buku Suci mongona'i ni'in: ‘Batu inyo dibuakan boko tukakng bangunan udah monjadi batu kotakng pontikng pakai' bangunannyo. Tuhatn inyo molabuhan nantai! Hebat bondar pogota'an-Nyo nantai.’ ”

Matius 22:43

“Aman ubo nian,” kato Yesus, “Hibo Roh Allah bulah Daud moningkau ‘Kristus’ sobagai ‘Tuhatn’? Ni'innam pomandiran Daud:

Matius 26:54

Apo aman Aku molabuhan nantai, lalu tulisan di dalapm Buku Suci mongona'i Aku kinyo paca'an digonapi. Tulisan nantai momandiran obai somuonyo gola' tojadi sama'an inyo tojadi watu ni'in.”

Matius 26:56

Apo, somuonyo ni'in tojadi oca' pomandiran mongona'i Aku inyo ditulis boko nabi digonapi.” Lalu somuo murid Yesus morarian diri moninggalan Sio.

Markus 12:24

Timbas Yesus ko sia', “Kaitn koliru bondar obai kaitn kinyo mongoroti Buku Suci ongko kuaso Allah!

Markus 12:36

Memang bondaram nantai. Apo Roh Allah mombulah Daud monulis pomandiran ni'in: ‘Tuhatn Allah bopandir ko Tuhatnku: Dudu'cam di tompat inyo tohormat di sopia' kanan-Ku, sampai Aku mongalahan boko musuh Kolai, mombulah sia' monjadi samo sama'an kontonja'an kaki Kolai, mombulah sia' tundu' agatn kuaso Kolai.’

Yohanes 10:35

Kito tohu obai la'apo inyo totulis dalapm Buku Suci nantai culih dibalakan. Jadi, aman sia' inyo monorima' pomandiran Allah nantai disobut boko allah,

Yohanes 3:20

Somuo urakng inyo bulah kojahatan, sia' bonci'an torakng. Sia' co datakng ko torakng obai torakng bulah porbuatan sia' inyo jahat kotiat'an.

Kisah Boko Rasul 1:16

“Boko somadikanku, sobolupmnyo Yudas tomansu' dalapm kolompok koi boko rasul. Io molayati bonsamoan agatn koi. Apo io jam mombori'tohu caro oca' Yesus ulih ditangkap.” (Yudas mondapat'an duit pakai' molabuhan kojahatan nantai. Agatn duit nantai io momboli sobidakng tanah. Di pucu' tanah nantai io jatu' tokosungkapm, porutnyo tobolah sampai somuo isinyo koluar, ongko io mati. Somuo urakng di kota Yerusalem udah mondinga' mongona'i nantai. Jadi dalapm baso sia' tanah nantai disobut ‘Hakal-Dama’, rotinyo “Tanah Darah”.) Kato Petrus, “Apo, joman komai kojadian nantai udah totulis dalapm Buku Suci. Kojadian nantai tojadi sosuai agatn tulisan nantai. Joman komai Roh Allah momimpitn Rajo Daud monulis mongona'i hukupan inyo cucu' pakai' Yudas di Buku Mazmur. Bunyi ni'in tulisannyo: ‘Biaram rumah io monjadi puakng; Biaram co nyiant urakng inyo bodiapm di su'utn.’ Kato ni'in pan ditulis: ‘Biaram kodudu'an urakng nantai dikuti' ulih urakng bukai.’

Kisah Boko Rasul 18:25

Io kalo diajari ajaran inyo bondar mongona'i Tuhatn Yesus. Io mongajar mongona'i Yesus agatn somangant huatan toliti. Apo, io bayo mongotohu'i baptisan Yohanes.

Kisah Boko Rasul 20:20

Biar pan ubo nian, aku totap momboritoan mongona'i Yesus. Aku co kalo monahan sobuti' ajaran pan inyo boguno pakai' kaitn. Aku mongajar di muka' umum honda' pan doi' rumah ko rumah.

Kisah Boko Rasul 28:25

Sia' co sotuju. Jadi potomuan nantai dibubaran. Apo sobolupm sia' moninggalan tompat nantai, Paulus ija' bopandir sobuti' hal agi' ko sia'. Katonyo, “Timpu joman komai nabi Yesaya monyampaian pomandiran Roh Allah ko angki-bayatn kito. Pomandiran nantai topat bondar. Allah bopandir ko Yesaya,

Roma 15:4

La'apo pan inyo ditulis komai dalapm Buku Suci, ditulis pakai' moajari kito. Boko ajaran nantai monguat'an hati kito ongko bulah kito botahatn mohadapi ajab sonsaro. Agatn ubo nantai, kito diajari oca' kito boharap ko Allah.

Roma 2:20

Kaitn mondidik boko urakng inyo kinyo sonunuh huatan mongajar boko urakng inyo budu. Kaitn yakitn obai di dalapm Hukupm Torat kaitn momuku'i somuo pongotohuan ongko ajaran inyo bondar.

Roma 3:2

Memang urakng Yahudi ado banya' untukng dalapm somuo hal. Inyo kotakng pontikng obai pomandiran Allah dipocayoan ko urakng Yahudi.

Roma 4:23

Pomandiran “ulih monjadi bondar di hadapan Allah” ni'in udah totulis dalapm Buku Suci. Apo, pomandiran nantai kinyo ditulis aja' pakai' Abrahapm.

1 Korintus 12:7

Allah moonji'i komampuan husus ko masikng-masikng kito. Nantai mombutian obai Roh-Nyo bokorojo di dalapm masikng-masikng urakng inyo pocayo. Apo somuo komampuan husus nantai dionji'i pakai' kountukan bosamo.

Galatia 3:8

Doi' komai, Allah ado hajat pakai' urakng bukainyo Yahudi. Aman sia' pocayo, jadi sia' dianggap bondar di hadapan Allah. Allah momboritoan Kabar Boi' nantai ko Abrahapm jouh-jouh ari sobolupmnyo. Kabar Boi' nantai totulis dalapm Buku Suci:, “Somuo banso paca'an diborokati molalu'i kolai.”

2 Timotius 2:25

Io gola' onsi' mongajar boko urakng inyo gala' molawatn. Sopo tohu Allah moonji'i kosompatan ko boko urakng inyo gala' molawatn nantai pakai' botongga' bulah dosa huatan tohu mongonal ajaran inyo bondar.

2 Timotius 4:2

Boritoancam pomandiran Allah! Boritoancam agatn torus-monorus sotiap watu. Tulukngcam boko urakng oca' mongomboi'i caro hidupnyo. Olikancam urakng inyo bulah kosalahan. Padahicam huatan onji'i somangant ko boko urakng oca' hala bulah koboi'an. Labuhancam somuo nantai agatn sabar. Labuhancam somuonyo nantai kapikng mongajar Pomandiran Allah.

Ibrani 11:1

Aman kito pocayo ko Allah, rotinyo kito bondar-bondar yakitn mongona'i somuo inyo kito harapan. Kito yakitn obai Sio tajahan momonuhi somuo janji-Nyo, biar pan kito bolupm ulih moniantnyo.

Ibrani 3:7

Jadi, kaitn gola' monuruti pomandiran Roh Allah ni'in: “Sari ni'in, watu kaitn mondinga' saro Tuhatn,

Ibrani 4:12

Obai, Pomandiran Allah ia'an pomandiran inyo hidup huatan bokuaso, lobih tajapm doi' podakng bomato duo. Samo sama'an podakng inyo ulih monuhu' monyongkayoan boko posigalan huatan sunsutn, sama'an nian jam pomandiran Allah ulih monuhu' kotakng dalapm huatan monyongkayoan jiwa ongko roh. Pomandiran Allah ulih momoriso pikiran ongko hajat hati kito.