2 Timotius 3:15 - Porjanjian Boharu Torjomahan Baso Dilakng Soari-ari

¹⁵ Kolai gola' hala pocayo nantai jam obai, tangga'i kolai ija' kocit, kolai bolajar Buku Suci. Buku Suci mampu bulah kolai mongoroti mongona'i kosolamant'an molalu'i kopocaya'an ko Kristus Yesus.

2 Timotius 3:15 ပူးပေါင်းရင်းမြစ်များ

Lukas 24:45

Lopas nantai Yesus pan mombuka' pikiran sia' pakai' mongoroti masud Buku Suci.

Lukas 24:27

Lalu Yesus monjolasan ko sia' somuo inyo totulis mongonaꞌi Sio dalapm soluruh Buku Suci, mula'i doi' boko buku inyo ditulis Musa sampai somuo buku inyo ditulis boko nabi bukainyo.

Matius 22:29

Timbas Yesus ko sia', “Kaitn kotakan salah obai kaitn co mongoroti Buku Suci huatan kuaso Allah!

2 Timotius 1:5

Aku pan togonangan obai kolai somombondarannyo pocayo ko Yesus samo sama'an nini' Lois doi' sobolah indai kolai ongko indai kolai Eunike. Sia' duo pocayo sobolupm kolai. Aku pan yakitn obai kolai somombondarannyo jam pocayo.

Lukas 2:40

Bobia' nantai dibosaran di santai. Sio monjadi kotakng kuat. Sio monjadi kotakng pintar-corodi' bondar. Allah kotakng mongasihi Sio.

Roma 16:26

Apo watu ni'in Allah inyo hidup kokal udah monyiuh oca' roncana-Nyo dipadahan, ia'an roncana-Nyo inyo udah ditulis dalapm boko buku nabi. Agatn ubo nantai, hajat Allah diboritoan ko somuo banso oca' sia' pocayo ongko monaati-Nyo.

Roma 1:2

Timpu joman komai, Allah udah bojanji mongona'i Kabar Boi' nantai molalu'i boko nabi-Nyo ongko udah totulis di dalapm Buku Suci.

Kisah Boko Rasul 10:43

Pado joman komai, boko nabi jam momadahan mongona'i Sio obai sia' monulis mongona'i Sio, ia'an Rajo Inyo Dijanjian Allah. Sia' monulis obai Sio ado kuaso pakai' moamputi boko dosa somuo urakng inyo pocayo agatn Sio.”

Lukas 24:32

Sia' bopandir ko siku'-monyiku', “Niannam obainyo kito mooso kotakng bosomangant dipojalatan watu Sio monjolasan ko kito somuo inyo totulis mongonaꞌi Sio dalapm soluruh Buku Suci!”

Kisah Boko Rasul 17:2

Sama'an biaso, Paulus botula' ko rumah sombayakng nantai holu'ai. Di santai, io mongajar doi' Buku Suci. Somanah tigo minggu bojojurut, sotiap Ari Sabat Paulus agatn sia' bopandir mombahas Buku Suci di santai.

Wahyu 19:10

Aku lansukng tokorobah tokosungkapm di pohadapan kaki io pakai' monyombah io. Apo io bopandir ko aku, “Jangan monyombah aku! Aku bayo hulutn inyo molayati Allah, samo sama'an kolai huatan boko somadikan kolai, ia'an boko urakng inyo pocayo ko somuo inyo Yesus ajaran. Sombah Allah aja'am. Obai somuo inyo Yesus ajaran nianam pomandiran doi' Roh Allah.”

Kisah Boko Rasul 13:29

Apo sia' co tohu hal nantai. Lopas somuo posatn mongona'i Yesus udah digonapi, sia' monurutan Sio doi' kayu salib. Ongko sia' momasar bangkai-Nyo di dalapm gua batu.

2 Petrus 3:16

Dalapm somuo suratnyo, Paulus monulis mongona'i hal nantai. Memang dalapm boko suratnyo nantai ado boko hal inyo uyuh dimongoroti sampai ado boko urakng momutarbali'an hal nantai sosuai agatn pikiran sia' siku'. Apo sia' ia'an urakng inyo kinyo mongoroti huatan kinyo kuat pocayo. Sia' molabuhan hal nantai agatn boko hal inyo ditulis hulutn Allah inyo bukainyo jam. Obai nantai, sia' sikuꞌ moakibat'an kobinasoan sia' mo.

Lukas 1:15

Siaꞌ rindakng obai bobia' nantai paca'an monjadi urakng pontikng di hadapan Tuhatn Allah. Io co ulih minum anggur damo mominum tua' samo sokali. Kuaso Roh Allah paca'an hala momonuhi io ija' tangga'i dalapm porut indainyo.

Yohanes 5:47

Apo nyatonyo kaitn co pocayo lapo inyo ditulisnyo. Jadi, co mungkitn kaitn paca'an pocayo lapo inyo Ku padahan?”

Kisah Boko Rasul 16:1

Paulus ongko Silas botula' ko kota Derbe ongko ko kota Listra. Di Listra ado Timotius. Io udah pocayo agatn Yesus. Indainyo urakng Yahudi inyo udah pocayo agatn Yesus, apo bopainyo urakng Yunani.

Kisah Boko Rasul 26:24

Pontongahan Paulus momandiran boko hal nantai pakai' mombela dirinyo, Festus bopandir agatn saro borakng, “Paulus, kolai udah gogilo! Kolai udah tolalu banya' bolajar sampai kolai monjadi gogilo.”

Roma 2:27

Ado boko urakng inyo monaati Hukupm Torat, biar pan sia' kinyo disunant. Sia' paca'an mohakipi kaitn urakng Yahudi inyo disunant, ia'an kaitn inyo mondapat Hukupm Torat inyo totulis, apo kinyo monaatinyo.

1 Korintus 1:21

Allah bulah koputusan ni'in sosuai agatn kopintar-corodi'an-Nyo. Ia'an, Sio mombulah oca' monsio kinyo ulih mongonal Sio molalu'i kopintar-corodi'an monsio. Jadi, agatn sonang hati Allah monyolamant'an urakng inyo pocayo agatn momakai caro inyo dianggap budu, ia'an pomboritoan kabar boi'.

Efesus 6:4

Boko pombopaian aku momadahan: Jangan congkit ko boko poana'an kaitn, jangan sampai mombulah sia' godi. Apo kaitn gola' mondidik sia' agatn ajaran ongko nosihat doi' Tuhatn.

1 Timotius 4:13

Kapikng monantian aku datakng, utamoancam boko hal ni'in dalapm polayatan kolai: Bacocam Buku Suci dalapm potomuan jomaat. Ajarancam boko ajaran inyo bondar. Padahicam huatan onji'i somangant ko sia' pakai' monaati somuonyo.

2 Timotius 1:1

Ko Timotius: inyo sobondarannyo kuanggap sama'an ana'ku siku'. Salapm doi' aku, Paulus. Allah monyiuh aku monjadi rasul Yesus Kristus, Rajo Inyo Dijanjian Allah. Allah pan monyiuh aku momboritoan mongona'i janji Sio, huatan Sio bojanji aman sotiap urakng pocayo ko Kristus Yesus, io paca'an mondapat'an hidup inyo somanah-manahnyo di sorugo. Aku bodoa oca' Allah Bopai huatan Kristus Yesus, Tuhatn kito inyo bokuaso monunju'an koboi'an-Nyo ko kolai, monunju'an jam kasih sayang-Nyo ko kolai, moonji'i jam sonang-asau ko kolai.