2 Timotius 2:8 - Porjanjian Boharu Torjomahan Baso Dilakng Soari-ari

⁸ Kabar Boi' inyo aku boritoan ia'an mongona'i Yesus Kristus, koturutan Rajo Daud. Sionam Kristus inyo udah bobali' hidup doi' komatian.

2 Timotius 2:8 ပူးပေါင်းရင်းမြစ်များ

Matius 1:1

Ni'innam koturutan angki-bayatn Yesus, Rajo Inyo Dijanjian Allah, Rajo inyo kito sobut ‘Kristus’. Yesus nantai koturutan Rajo Daud, huatan koturutan Abrahapm jam. Koturutannyo ia'an:

Lukas 24:46

Sio bopandir, “Di dalapm Buku Suci udah ado totulis mongonaꞌi Rajo Inyo Dijanjian Allah. Io gola' ajab sonsaro sampai mati, ongko tigo ari lopas nian Io bobali' hidup.

Kisah Boko Rasul 13:23

Lopas nantai, Allah bojanji pakai' mongiripm siku' urakng Ponyolamant pakai' urakng Israel. Ponyolamant nantai ia'an doi' koturutan Rajo Daud. Watu ni'in, Allah udah momonuhi janji-Nyo nantai. Ponyolamant nantai ia'an Yesus.

Kisah Boko Rasul 2:24

Jadi, co mungkitn Yesus ija' totap mati. Obai nantaiam, Allah udah bulah Sio bobali' hidup huatan mombebasan Sio doi' ajab sonsaro komatian.

Kisah Boko Rasul 2:30

Apo io nantai nabi. Io udah mongotohu'i la'apo inyo paca'an tojadi. Io ado janji doi' Allah. Janji nantai kuat bondar. Ni'innam janji-Nyo: siku' urakng doi' koturutan Daud paca'an monjadi rajo. Rajo nantai paca'an momorintah umant Allah.

Roma 16:25

Topujicam Allah! Io inyo bokuaso bulah kaitn kuat pocayo sosuai agatn Kabar Boi' mongona'i Yesus Kristus inyo ku boritoan. Kabar Boi' nantai momadahan mongona'i hajat Allah pakai' somuo banso. Somanah boabad-abad, conyiant monsio inyo mongotohu'i hajat Allah nantai.

Roma 2:16

Nononyo hal nantai monjadi kotiat'an. Ia'an, timpu Allah molalu'i Kristus Yesus pakai' mohakipi somuo hal inyo tosimpatn dalapm hati monsio. Nantai sosuai agatn Kabar Boi' inyo aku boritoan.

1 Korintus 15:1

Boko somadikan, ni'inan aku honda' moingant'an kaitn mongona'i Kabar Boi'. Sokomai aku udah momboritoan Kabar Boi' ko kaitn ongko kaitn monorima'nyo. Kaitn pan udah somombondarannyo pocayo ko Kabar Boi' nantai.

1 Korintus 15:4

Lalu Sio dipasaram. Apo watu ari kotigo Sio dihidupan agi', sosuai agatn inyo tulisan di Buku Suci.

1 Timotius 1:11

Ajaran inyo bondar nantai sosuai agatn Kabar Boi' doi' Allah inyo bokuaso huatan cucu' mondapat pujian. Sio inyo moonju' tanggukng-jawab ko aku pakai' momboritoan Kabar Boi' nantai.

1 Timotius 2:7

Nianam Kabar Boi' inyo gola' aku boritoan. Nantaiam alasannyo aku diutus monjadi rasul pakai' momboritoannyo. Pomandiran aku ni'in bondar. Aku co bulah tumbukan. Aku dipilih pakai' mongajar boko urakng inyo bukainyo urakng Yahudi oca' sia' tohu la'apo inyo bondar mongona'i Yesus.

2 Timotius 1:8

Jadi, jangan malu momboritoan mongona'i Tuhatn kito. Jangan malu mongona'i aku inyo dimansu'an ko dalapm ponjara obai molayati Sio. Apo, agatn kokuatan doi' Allah, tuyutcam ajab sonsaro obai pomboritoan Kabar Boi' nantai.

2 Timotius 2:7

Pikirancam boko contoh nantai! Obai, Tuhatn paca'an monulukng oca' kolai mongoroti lobih dalapm mongona'i somuonyo nantai.

Wahyu 5:5

Apo salah siku' doi' koduo puluh ompat pomimpitn nantai bopandir ko aku, “Jangan monangis! Porotian! Ado Urakng inyo bokuaso inyo disobut Singa doi' suku Yehuda. Sio nam Koturutan doi' Rajo Daud. Sio udah monang. Jadi, Sio inyo cucu' molopasan kotujuh segel lalu mombuka' gulukan Buku nantai!”