2 Timotius 2:6 - Porjanjian Boharu Torjomahan Baso Dilakng Soari-ari

⁶ Ado contoh inyo bukai agi'. Aman siku' urakng potani bokorojo koras, io paca'an monjadi urakng inyo potamo mooso'i hasil doi' pokoroja'annyo.

2 Timotius 2:6 ပူးပေါင်းရင်းမြစ်များ

Matius 20:1

Yesus molajuan pomandiran-Nyo, “Koraja'an Sorugo samo sama'an kisah ni'in. Ado siku' urakng inyo umputn sobidakng kobutn anggur. Sunsukng pukau, io botula' bogoyap boboropo urakng pakai' bokorojo di kobutnnyo nantai.

Matius 25:16

Hulutn inyo monorima' lima' ribu pingkai' duit nantai, lansukng botula' huatan monjadiannyo modal usaha. Io bodapat kountukan lima' ribu pingkai' duit agi'.

Lukas 10:2

Sobolupm sia' botula', Sio bopandir, “Lakau inyo honda' dihanyi kotakan luar, apo urakng pakai' mohanyinyo kurakng bondar. Jadi, mintocam ko Tuhatn Allah inyo umputn hasil lakau oca' Sio mongiripan lobih banyaꞌ hulutn pakai' bohanyi hasil lakau-Nyo.

1 Korintus 9:23

Aku hidup agatn somuo caro nantai oca' lobih banya' urakng monorima' Kabar Boi' nantai. Huatan oca' aku ulih monorima' somuo borokat inyo dijanjian dalapm Kabar Boi' nantai.

2 Timotius 2:7

Pikirancam boko contoh nantai! Obai, Tuhatn paca'an monulukng oca' kolai mongoroti lobih dalapm mongona'i somuonyo nantai.

Ibrani 10:36

Kaitn gola' sabar botahatn oca' kaitn ulih molabuhan kohonda' Allah. Agatn sama'an nantai, kaitn tajahan monorima' borokat inyo Sio janjian.

Ibrani 6:7

Porotian gambaran ni'in: Ado lakau inyo moinsap ara'i hujatn inyo opat turutn ko pucu'nyo. Aman lakau nantai ado hasil boko tontanaman inyo boguno pakai' urakng inyo mongorojoan lakau nantai, jadi lakau nantai monorima' borokat doi' Allah.