2 Timotius 2:20 - Porjanjian Boharu Torjomahan Baso Dilakng Soari-ari

²⁰ Di dalapm rumah inyo bosar ado bomacapm pokakas. Ado inyo dipulah doi' omas ongko pira'. Ado jam boko inyo dipulah doi' kayu ongko tanah liat. Boko pokakas nantai ado inyo digunoan pakai' pogota'an inyo pontikng, ado jam inyo digunoan pakai' pogota'an inyo kinyo gaho pontikng.

2 Timotius 2:20 ပူးပေါင်းရင်းမြစ်များ

Yohanes 8:49

Timbas Yesus, “Aku cuku korasu'an sitatn. Apo Aku mohormati Bopai-Ku huatan kaitn co mohormati Aku.

Roma 9:20

Apo, porhatiancam! Kolai bayo monsio. Kolai culih monyalahan koputusan Allah inyo moncipta'an kolai. Roga' pasti culihnyo bopandir ko tukakng inyo mombulahnyo, “Mapo kolai bulah ku sama'an ni'in?!”

2 Korintus 4:7

Kabar Boi' mongona'i Kristus inyo kotakan borogo nantai koi baba' dalapm diri koi inyo kinyo borogo, inyo dipulah doi' tanah. Agatn ubo nantai oca' nyata obai kuaso inyo luar biaso nantai boasal doi' Allah, bukainyo doi' diri koi siku'.

Efesus 2:22

Obai kaitn di dalapm Kristus, jadi kaitn pan monjadi bagian rumah nantai inyo ditinjakan monjadi kodiapan Allah, ia'an Roh-Nyo tinggal di dalapmnyo.

1 Petrus 2:5

Kaitn pan samo sama'an boko batu inyo hidup, ia'an boko batu inyo digunoan pakai' bulah Rumah Allah inyo Rohani. Sio momilih kaitn pakai' monjadi samo sama'an boko imam inyo husus pakai' molayati Sio. Jadi, kaitn gola' mombaba' boko poonju' pakai' monyombah Allah, ia'an boko posombahan rohani inyo monyonangan hati Allah obai Yesus Kristus.