2 Timotius 2:18 - Porjanjian Boharu Torjomahan Baso Dilakng Soari-ari

¹⁸ Sia' duo nantai kinyo pocayo agi' agatn ajaran inyo bondar. Sia' duo mongajar obai Allah udah bulah boko urakng hidup agi' doi' komatian watu ni'in. Obai ajaran nantai, ongko sia' bulah boboropo urakng inyo pocayo co pocayo agi' ko Yesus huatan ajaran inyo bondar.

2 Timotius 2:18 ပူးပေါင်းရင်းမြစ်များ

Matius 15:13

Timbas Yesus, “Ado boko tontanaman inyo kinyo ditanam ulih Allah Bopai-Ku inyo di sorugo. Sotiap tontanaman nantai paca'an dicabut sampai ko boko uratnyo!

Matius 22:29

Timbas Yesus ko sia', “Kaitn kotakan salah obai kaitn co mongoroti Buku Suci huatan kuaso Allah!

Lukas 8:13

Bonih inyo jatu' di tanah rado batu nantai samo sama'an boko urakng inyo mondingaꞌ pomandiran Allah, monorima'nyo kotakng rindakng. Apo bayo pocayo sobontar mo obai hati sia' kinyo borubah. Samo ubo tontanaman di tanah inyo bobatu bayo tumbuh sobontar obai kinyo boakar. Aman boko urakng ubo nantai mohadapi pouyuh-ponjorih, sia' kinyo pocayo agatn pomandiran Allah agi'.

Kisah Boko Rasul 5:39

Apo amannyo bondar pokoroja'an sia' nantai boasal doi' Allah, co ulih kito monongga'an sia'. Malahan monjadi nyata obai kito inyo molawatn Allah.” Boko pomimpitn sotuju agatn pomandiran Gamaliel nantai.

1 Korintus 11:19

Memang gola' ado popisahan di antaro kaitn. Alasannyo oca' nononyo paca'an jolas sopo di antaro kaitn inyo tahatn uji.

1 Korintus 15:12

Jadi, koi momboritoan obai Yesus udah dihidupan agi' doi' komatian. Aman kaitn udah pocayo nantai, co mungkitn kaitn mongatoan obai urakng mati kinyo paca'an dihidupan agi' doi' komatian.

Kolose 3:1

Kaitn dionji'i kohidupan boharu samo sama'an kaitn hidup agi' bosamo-samo agatn Kristus. Obai nantai, kaitn gola' moutamoan boko hal inyo di sorugo, di mono Kristus dudu' di tompat inyo palikng tohormat di sopia' kanan Allah.

1 Timotius 1:19

Ado boko urakng inyo monula' saro hati sia' ongko ajaran inyo bondar. Baba'annyo, sia' kinyo bondar-bondar pocayo agi' agatn Yesus.

1 Timotius 6:10

Jadi, kaha'-kolobu' agatn duit bulah urakng molabuhan somuo macapm kojahatan. Ado boko urakng inyo udah kaha'-kolobu' agatn duit. Obai nantai, sia' udah co pocayo agi' ko Yesus. Sia' bulah diri sia' siku' ajab sonsaro. Samo sama'an sia' monuhu' diri sia' siku' agatn sundakng.

1 Timotius 6:21

Udah ado urakng inyo pocayo agatn ajaran sia' inyo kinyo bondar nantai. Jadi, sia' udah co pocayo agi' ko Yesus. Aku bodoa oca' Tuhatn monunju'an koboi'an-Nyo ko kaitn somuo.

2 Timotius 2:14

Kolai gola' torus moingant'an jomaat mongona'i boko hal nantai. Nosihat'icam sia' agatn togas, Allah moniant porbuatan kito. Jadi, padohan botikakng mongona'i boko sotilah. Co nyiant gunonyo. Malah, pomandiran sama'an nantai monyosat'an boko urakng inyo mondinga'an nantai.

Titus 1:11

Kolai gola' monongga'an sia'. Jangan molongahan sia' moajaran boko hal inyo sobondarnyo co ulih diajaran. Obai ajaran sia' udah bulah banya' koluarga disosatan. Sia' ngontumbuki urakng agatn ajaran sia', oca' sia' mondapat'an untukng.

Ibrani 3:10

Nantai am sobabnyo Aku kotakng godi agatn boko urakng joman nantai. Aku bopandir: ‘Hati sia' hala monjumpati jalatn inyo salah. Sia' kinyo honda' mongonal jalatn-Ku.’

Yakobus 5:19

Boko somadikan inyo ku kasihi, mungkitn ado di antaro kaitn inyo kinyo moninggalan ajaran inyo bondar. Apo lopas nian ado urakng inyo momimpitn io agi' monuruti Tuhatn.

1 Yohanes 2:19

Boko musuh Kristus nantai am boko urakng inyo udah koluar doi' kolompok kito. Apo, sobondarnyo sia' kinyo bobondar tomansu' kolompok kito inyo pocayo ko Yesus Kristus. Soandainyo sia' tomansu' kolompok kito, mungkitn sia' totap bosamo-samo agatn kito. Apo pas sia' moninggalan kito, hal nantai mombutian obai sia' somuo kinyo tomansu' kolompok kito.