2 Timotius 2:16 - Porjanjian Boharu Torjomahan Baso Dilakng Soari-ari

¹⁶ Jangan bondinga'an boko urakng inyo bopandir mongona'i boko hal inyo co boonsu'an huatan boko hal inyo co mohormati Allah. Obai ajaran sia' bayo bulah boko urakng mongkitn lobih jahat.

2 Timotius 2:16 ပူးပေါင်းရင်းမြစ်များ

Titus 3:9

Jangan sonjumpat'an boko pomandiran conyiant onsu'annyo, botikakng mongona'i koturutan, botikakng mongona'i Hukupm Torat. Somuo nantai kinyo mountukan.

1 Timotius 6:20

Timotius, jagocam somuo inyo Allah onju' ko kolai. Jangan mondinga'an boko urakng inyo bopandir mongona'i boko hal inyo kinyo boonsu'an, boko hal inyo kinyo mohormati Allah. Jangan mondinga'an boko urakng inyo mongatoan obai sia' ado ‘pongotohuan’. Apo, sobondarnyo sia' molawatn ajaran inyo bondar.

Titus 1:14

Olikanbo sia' nan oca' sia' monula' boko kisah modas doi' boko urakng Yahudi. Olikancam sia' nian oca' sia' kinyo sonjumpat'an urakng inyo molawatn ajaran inyo bondar. Boko urakng nantai mongajar obai kito gola' monaati soluruh Hukupm Torat.

2 Timotius 2:14

Kolai gola' torus moingant'an jomaat mongona'i boko hal nantai. Nosihat'icam sia' agatn togas, Allah moniant porbuatan kito. Jadi, padohan botikakng mongona'i boko sotilah. Co nyiant gunonyo. Malah, pomandiran sama'an nantai monyosat'an boko urakng inyo mondinga'an nantai.

Wahyu 13:3

Suti' doi' kotujuh kopala' bonatakng nantai kotiat'annyo sama'an kalo kona' luko. Luko nantai cukup parah pakai' mombulah io mati, apo nyatonyo udah nyamanam. Jadi, somuo urakng di dunia hiratn, lalu tuyut bonatakng nantai.

2 Petrus 2:18

Obai, sia' mongajar agatn pomandiran solah-olah sia' kotakan pintar, apo sobondarnyo pomandiran sia' conyiant gunonyo. Agatn caro nantai, sia' mompongaruhi boko urakng pakai' moikuti hawa napsu inyo jahat, ia'an boko urakng inyo hoyu' pan koluar doi' kobiasa'an boko urakng inyo hidup agatn caro inyo salah.

2 Petrus 2:2

Banya' urakng paca'an monumpakng caro hidup sia' inyo dikuaso'i hawa napsu inyo jahat. Obai sia' molabuhan nantai, jadi urakng bukai paca'an mohayam Jalatn Kristus Inyo Bondar.

Ibrani 12:15

Bojojagocam oca' jangan ado siku' urakng pan di antaro kaitn inyo moninggalan kasih karunia Allah. Aman ado urakng inyo molabuhan nantai, io monjadi samo sama'an tontanaman agatn buah inyo pohit huatan boracutn. Io morusa' kosatuan kaitn ongko mombulah urakng banya' mombulah dosa.

Titus 1:11

Kolai gola' monongga'an sia'. Jangan molongahan sia' moajaran boko hal inyo sobondarnyo co ulih diajaran. Obai ajaran sia' udah bulah banya' koluarga disosatan. Sia' ngontumbuki urakng agatn ajaran sia', oca' sia' mondapat'an untukng.

2 Timotius 3:13

Sodakan boko urakng jahat huatan boko urakng inyo hala tumbukan, sia' paca'an mongkitn jahat. Sia' monyosat'an urakng bukai. Urakng bukai pan monyosat'an sia'.

1 Timotius 4:7

Apo jangan pondinga'an boko kisah sangan. Boko kisah sama'an nantai kinyo monulukng urakng oca' mohormati Allah. Kolai gola' hala bolatih oca' hidup sosuai agatn kohonda' Allah.

1 Korintus 15:33

Jangan biaran urakng bukai hala bulah kaitn salah bopikir! Ingant cam porbaso inyo mongatoan: “Pogaulan inyo buru' morusa' kolaku'an inyo boi'.”

1 Korintus 5:6

Co boi' kaitn mooso buhau obai porbuatan urakng nantai. Pasti kaitn udah tohu obai sodikit ragi paca'an bulah somuo adonan roti mongombakng. Samo sama'an nian jam, dosa siku' urakng ulih bulah banya' urakng molabuhan dosa.

Wahyu 13:14

Io mombulah boko tando nantai di pohadapan mato bonatakng inyo potamo. Agatn boko tando nantai, io monyosat'an boko urakng inyo bodiapm di bumi. Io monyiuh sia' pakai' moninjakan lompatukng dalapm rupo bonatakng inyo potamo, bonatakng inyo udah diluko'i podakng apo hidup.

1 Timotius 1:9

Kito tohu obai Allah moonji'i Hukupm Torat bukainyo pakai' mongomboi'i caro hidup boko urakng inyo bondar. Apo Sio moonji'i Hukupm Torat pakai' mongomboi'i caro hidup boko urakng inyo hidup sokohonda'nyo siku' huatan tikakng-bongkakan, boko urakng inyo kinyo boagama huatan boko urakng hala gala' bulah dosa, boko urakng inyo kinyo honda' hidup suci huatan boko urakng inyo kinyo mongonal Sio, boko urakng inyo mombunuh urakng bukai, tomansu' boko urakng inyo mombunuh indai Bopai sia'.

2 Timotius 2:21

Boko urakng inyo monyongkayoan diri doi' boko hal inyo kinyo gaho pontikng nantai samo sama'an boko pokakas inyo digunoan pakai' pogota'an inyo pontikng. Io disongkayoan pakai' pogota'an inyo husus. Io cucu' dipakai Tuhatn huatan siap dipakai pakai' pokoroja'an la'apo pan inyo boi'.