2 Timotius 2:14 - Porjanjian Boharu Torjomahan Baso Dilakng Soari-ari

¹⁴ Kolai gola' torus moingant'an jomaat mongona'i boko hal nantai. Nosihat'icam sia' agatn togas, Allah moniant porbuatan kito. Jadi, padohan botikakng mongona'i boko sotilah. Co nyiant gunonyo. Malah, pomandiran sama'an nantai monyosat'an boko urakng inyo mondinga'an nantai.

2 Timotius 2:14 ပူးပေါင်းရင်းမြစ်များ

Matius 16:26

Soumpamonyo ado siku' urakng inyo ulih mondapat'an somuo hal di dunia ni'in, apo io kohilakan nyaonyo sobondarnyo io co borojoki. Io culihnyo momboli nyaonyo.

Kisah Boko Rasul 13:10

Katonyo, “Kolai ni'in ana' Rajo Sitatn! Kolai molawatn somuo inyo bondar! Kolai hala mongontumbuki ongko monipu urakng. Ajaran Tuhatn inyo bujur bondar. Apo kolai hala morubah ajaran Tuhatn monjadi ajaran salah! Jangan hala bulah lou' sama'an nian.

Kisah Boko Rasul 15:24

udah mondinga' borito doi' Paulus, Barnabas huatan urakng bukai inyo kaitn utus ko koi. Koi mondinga' ado boko urakng doi' antaro koi inyo datakng ko kaitn. Apo, koi kinyo moutus sia' nantai. Sia' mongajar kaitn gola' disunant aman honda' disolamant'an. Ajaran sia' nantai mombingungan kaitn, bulah hati kaitn gangga'-gua'an.

Roma 14:1

Ado boko somadikan inyo kurakng kuat pocayo ia'an sia' ija' gangga'-gua'an ulih molabuhan la'apo pan damo cado. Jangan botikakng mongona'i pondapat sia'. Apo, torima'cam sia' agatn sonang hati.

Galatia 1:7

Apo nantai bukai Kabar Boi' inyo bondar! Boko urakng inyo moajaran nantai honda' morubah Kabar Boi' mongona'i Yesus Kristus, ia'an Rajo Inyo Dijanjian Allah. Sia' moncubo monggonti'i Kabar Boi' inyo bondar nantai agatn kabar inyo salah. Jadi, sia' bulah kaitn monjadi kacau.

Efesus 4:17

Obai nantai aku momandiran ni'in, malahan aku monyiuh kaitn dalapm Tuhatn: Jangan agi' hidup sama'an boko urakng inyo kinyo mongonal Allah. Pikiran sia' sia-sia.

1 Tesalonika 4:1

Solanjutnyo, boko somadikan, komai watu koi bosamo agatn kaitn, koi udah mongajar kaitn. Koi mongajar kaitn mongona'i caro hidup inyo monyonangan Allah. Memang kaitn udah mula'i hidup agatn caro nantai. Kaitn udah mongotohu'i obai Tuhatn Yesus moonji'i kuaso ko koi pakai' mongajar sama'an nantai. Obai nantai, ni'in koi kinyo bayo mombaba' apo koi monyosahan kaitn: Hidup pakai' monyonangan Allah lobih somombondarannyo.

2 Tesalonika 3:6

Boko somadikan, koi mondinga' ado urakng pocayo inyo losa' bokorojo. Sia' co honda' hidup sosuai agatn ajaran inyo koi sampaian ko kaitn. Obai koi ado hak doi' Tuhatn Yesus Kristus, koi monyiuh kaitn: Jangan bokawal agatn boko urakng inyo hidup sama'an nantai.

1 Timotius 1:4

Huatan oca' sia' jangan tolalu borotian boko kisah sangan damo boko daptar koturutan inyo co nyiant kotuntukannyo. Boko ajaran sama'an nantai bayo bulah boko urakng bomparakan mulut huatan co nyiant gunonyo pakai' hajat Allah, inyo kito kotohu'i agatn pocayo ko Sio.

1 Timotius 1:6

Apo boko urakng totontu kinyo hidup sama'an nantai agi'. Sia' sosat obai mula'i bopandir mongona'i boko hal inyo kinyo boguno.

1 Timotius 4:8

Ado porbaso: ‘Aman kito bolatih oca'’ bulah bukakng-tubuh kito lobih kuat, ongko gunonyo oca' kito hidup lobih boi' di dunia ni'in. Apo, aman kito bolatih oca' hidup sosuai agatn kohonda' Allah, ongko gunonyo kito kinyo bayo hidup lobih boi' di dunia ni'in, malah kito pan ulih hidup somanah-manahnyo di sorugo.

1 Timotius 5:21

Di hadapan Allah, Kristus Yesus, ongko boko molekat inyo dipilih Allah, aku momorintah kolai: turuticam boko porintah nantai ongko co momihak ko boko urakng totontu.

1 Timotius 6:13

Allah moonji'i hidup ko somuo hal. Kristus Yesus momandiran la'apo inyo bondar mongona'i diri-Nyo siku' timpu Sio diadili di hadapan Pontius Pilatus. Jadi, di hadapan Allah huatan Kristus Yesus aku monyiuh ko kolai:

2 Timotius 1:6

Obai nantai, aku moingant'an kolai pakai' bulah komampuan husus kolai oca'nyo bonyalo lobih honggur. Komampuan husus nantai boasal doi' Allah timpu aku molota'an jariku ko pucu' kopala' kolai.

2 Timotius 2:16

Jangan bondinga'an boko urakng inyo bopandir mongona'i boko hal inyo co boonsu'an huatan boko hal inyo co mohormati Allah. Obai ajaran sia' bayo bulah boko urakng mongkitn lobih jahat.

2 Timotius 2:23

Jangan mondinga'an boko urakng inyo botikakng mongona'i boko hal inyo budu huatan kinyo boonsu'an. Somuo nantai bayo bulah urakng boporap.

2 Timotius 4:1

Dinga'anbo! Kristus Yesus momorintah dalapm Koraja'an Allah somanah-manahnyo. Sio paca'an datakng bobali' agi' ko dunia ni'in. Watu nantai, Sio paca'an mohakipi somuo urakng, boi' urakng inyo ija' hidup honda' pan urakng inyo udah mati. Obai nantai dihadapan Kristus Yesus huatan Allah moonji'i boko potunju' ni'in ko kolai:

Titus 3:1

Padahan ko boko urakng pocayo oca' sia' mohormati somuo pomimpitn pomorintah ongko somuo pomimpitn laman. Sia' gola' monaati somuo pomimpitn. Ingant'ancam somuo urakng pocayo oca' sia' siap pakai' mongorojoan la'apo aja' inyo boi'.

Ibrani 13:9

Jangan tontuyutan boko bomacapm ajaran molikahan inyo mombulah kaitn sosat. Obai, inyo boi' ia'an hati kaitn monjadi kuat doi' kasih karunia Allah, bukainyo doi' boko poraturan mongona'i pomakatn. Boko poraturan nantai kinyo ado gunonyo pakai' boko urakng inyo moikutinyo.

2 Petrus 1:13

Aku mooso nantai tugasku pakai' moingant'an kaitn mongona'i boko hal nantai somanahan ku ija' hidup di dunia ni'in.