2 Timotius 2:11 - Porjanjian Boharu Torjomahan Baso Dilakng Soari-ari

^11-13 “Aman kito mati bosamo Yesus, kito pan paca'an hidup bosamo Sio. Aman kito botahatn mohadapi ajab sonsaro, kito pan paca'an momorintah bosamo agatn Sio sama'an boko rajo. Apo aman kito momandiran obai kito co konal agatn Sio, Sio paca'an momandiran obai Sio co konal agatn kito. Biar pan kito co sotia ko Sio, Sio pagutn sotia ko kito, Obai Sio co dapat molawatn diri-Nyo siku'.” Bondaram pomandiran ni'in.

2 Timotius 2:11 ပူးပေါင်းရင်းမြစ်များ

Yohanes 14:19

Co manah agi', boko urakng di dunia kinyo paca'an moniant Aku agi'. Apo kaitn paca'an moniant Aku. Obai Aku hidup, rotinyo kaitn paca'an hidup jam.

Roma 6:5

Kito udah ado hubukan agatn Kristus obai kito udah mati bosamo Sio. Jadi, nononyo kito paca'an ado hubukan agatn Sio jam obai kito paca'an bobali' hidup samo sama'an Sio.

Roma 6:8

Jadi, obai kito udah mati bosamo Kristus, jadi kito pocayo obai kito paca'an hidup bosamo Sio jam.

2 Korintus 13:4

Memang Kristus ulih dihukupm mati di kayu salib obai Sio ado bukakng-tubuh inyo lomah samo sama'an monsio. Apo Sio hidup obai kuaso Allah. Ubo nian jam agatn koi. Koi lomah obai koi mondorita' samo sama'an Kristus. Apo, dalapm caro koi mohadapi kaitn, koi paca'an hidup bosamo Kristus dalapm kuaso Allah.

2 Korintus 4:10

Somanah koi hidup, koi hala diancapm mati obai koi molayati Yesus. Samo sama'an koi hala mombaba' komatian Yesus di dalapm bukakng-tubuh koi. Apo koi molabuhan nantai oca' kohidupan Yesus ulih di tiat di dalapm diri koi. Ia'an di dalapm bukakng-tubuh koi inyo paca'an mati.

1 Tesalonika 4:17

Lopas nantai, kito inyo ija' hidup paca'an diangkat ko pucu' awatn sosamo agatn sia'. Kito paca'an botomu Tuhatn di langit. Doi' watu nantai sampai somanah-manahnyo, kito paca'an bodiapm sosamo agatn Sio.

1 Tesalonika 5:10

Sio udah mati pakai' monanggukng hukupan dosa kito. Pado watu Sio datakng agi', boi' kito ija' hidup damo pan udah mati, somuo kito inyo pocayo ko Sio paca'an hidup bosamo-samo agatn Sio.

1 Timotius 1:15

Pomandiran ni'in memang bondar huatan gola' dipocayo bobondar: Kristus Yesus udah datakng ko dunia ni'in pakai' monyolamant'an boko urakng bodosa. Di antaro boko urakng bodosa, aku ninam inyo kotakng jahat.

1 Timotius 3:1

Pomandiran ni'in bondar, “Aman ado urakng inyo honda' monjadi ponotua' jomaat, memang urakng nantai mongohonda'i pokoroja'an inyo boi'.”

Titus 3:8

Somuo inyo udah ku pandiran nantai bondar ongko ulih dipocayo. Aku honda' oca' kolai moajaran somuo nantai agatn togas. Ajaricam somuo nantai ko boko urakng inyo pocayo ko Allah oca' sia' moutamoan pakai' bulah koboi'an. Somuo nantai boi' huatan boguno pakai' boko urakng banya'.