2 Timotius 2:1 - Porjanjian Boharu Torjomahan Baso Dilakng Soari-ari

¹ Timotius, ana'ku, gunoan cam kokuatan doi' Kristus Yesus pakai' kolai lobih kuat pocayo ko Sio.

2 Timotius 2:1 ပူးပေါင်းရင်းမြစ်များ

1 Korintus 16:13

Jagocam diri kaitn! Huatan hala pocayo ko Yesus. Totap ja' borani huatan kuat pocayo ko Tuhatn.

Efesus 6:10

Jadi, kohonda'nyo kaitn monjadi kuat agatn kokuatan inyo kaitn dapatan doi' kuaso Tuhatn, obai kaitn bosatu agatn Sio.

Filipi 4:13

aku mampu mohadapi somuo koadaan obai Kristus moonji'i kokuatan ko aku.

1 Timotius 1:18

Timotius, kolai sama'an ana'ku siku'. Ingant watu komai ado inyo momadahan posatn doi' Allah mongona'i diri kolai. Ni'in aku monugasan kolai: Gunoan cam posatn nantai pakai' molawatn kojahatan huatan usahaancam inyo boi' agatn hala pocayo agatn hati nurani inyo suci.

2 Timotius 1:1

Ko Timotius: inyo sobondarannyo kuanggap sama'an ana'ku siku'. Salapm doi' aku, Paulus. Allah monyiuh aku monjadi rasul Yesus Kristus, Rajo Inyo Dijanjian Allah. Allah pan monyiuh aku momboritoan mongona'i janji Sio, huatan Sio bojanji aman sotiap urakng pocayo ko Kristus Yesus, io paca'an mondapat'an hidup inyo somanah-manahnyo di sorugo. Aku bodoa oca' Allah Bopai huatan Kristus Yesus, Tuhatn kito inyo bokuaso monunju'an koboi'an-Nyo ko kolai, monunju'an jam kasih sayang-Nyo ko kolai, moonji'i jam sonang-asau ko kolai.

2 Timotius 1:7

Obai Allah moonji'i Roh-Nyo ko kito bukainyo pakai' bulah kito monjadi urakng inyo ponggola'an. Apo Sio moonji'i Roh-Nyo ko kito pakai' bulah kito kuat, bulah kito ulih mongasihi huatan mongondalian diri kito.

2 Timotius 2:10

Jadi, aku botahatn mohadapi somuo macapm ajab sonsaro oca' boko urakng inyo dipilih Allah dapat kosolamant'an molalu'i Kristus Yesus huatan hidup tohormat somanah-manahnyo.

2 Timotius 4:17

Apo, watu nantai, Tuhatn monyoroto'iku. Sio moonji'i kokuatan ko aku. Obai nantai, aku ulih momboritoan Kabar Boi' ko urakng inyo bukainyo urakng Yahudi. Watu nantai, aku co dihukupm mati samo sama'an lopas doi' tontorokapan bonatakng buas.

2 Petrus 3:18

Apo, kaitn gola' botumbuh somongkitn mongonal Yesus Kristus, Ponyolamant huatan Tuhatn inyo bokuaso dipucu' kito. Kironyo kaitn somongkitn sadar mongona'i koboi'an-Nyo. Topujicam Sio, watu ni'in sampai somanah-manahnyo. Amin!