2 Timotius 1:11 - Porjanjian Boharu Torjomahan Baso Dilakng Soari-ari

¹¹ Aku diutus pakai' monjadi rasul-Nyo inyo momboritoan Kabar Boi' nantai lalu mongajar urakng mongona'i Sio.

2 Timotius 1:11 ပူးပေါင်းရင်းမြစ်များ

Kisah Boko Rasul 9:15

Apo Tuhatn bopandir ko io, “Botula'cam, obai Aku udah momilih io. Io paca'an monjadi hulutn-Ku. Io paca'an momboritoan mongona'i Aku ko boko urakng inyo kinyo Yahudi. Io pan paca'an momboritoan ko boko rajo sia'. Io paca'an momboritoan ko boko urakng Yahudi jam.

1 Korintus 9:1

Allah udah mombebasan aku. Malahan aku udah moniant Yesus, Tuhatn kito. Aku bondar-bondar rasul inyo diutus Tuhatn. Malahan, kaitn pan ia'an hasil pokoroja'an inyo ku labuhan bagi Tuhatn.

1 Timotius 1:7

Sia' honda' monjadi boko guru Hukupm Torat. Sia' mongajar ajaran sia' agatn ponuh pocayo diri. Apo sobondarnyo sia' kinyo mongoroti la'apo inyo sia' pandiran.

1 Timotius 2:7

Nianam Kabar Boi' inyo gola' aku boritoan. Nantaiam alasannyo aku diutus monjadi rasul pakai' momboritoannyo. Pomandiran aku ni'in bondar. Aku co bulah tumbukan. Aku dipilih pakai' mongajar boko urakng inyo bukainyo urakng Yahudi oca' sia' tohu la'apo inyo bondar mongona'i Yesus.