2 Tesalonika 3:7 - Porjanjian Boharu Torjomahan Baso Dilakng Soari-ari

⁷ Kaitn siku' udah tohu obai kaitn gola' monumpakng caro hidup koi. Watu koi bosamo agatn kaitn, koi co pocalan.

2 Tesalonika 3:7 ပူးပေါင်းရင်းမြစ်များ

1 Korintus 11:1

Jadi, turuticam toladatnku nantai, samo sama'an aku monuruti toladatn Kristus.

1 Korintus 4:16

Obai nantai, aku monosihat'i kaitn: Tirucam toladatnku.

Filipi 3:17

Boko somadikan, tuyutcam toladatnku. Porhatiancam boko urakng inyo hidup sosuai agatn toladatn koi.

Filipi 4:9

Solaitn nantai, kaitn gola' hidup sosuai agatn ajaran inyo ku sampaian ko kaitn. Labuhancam lapo inyo kaitn torima' doi' ku. Turuticam boko pomandiran inyo kaitn dinga' doi' ku. Labuhancam boko porbuatan inyo kaitn tiat udah ku labuhan. Agatn ubo nantai, Allah inyo moonji'i sonang-asau tajahan monyoroto'i kaitn.

1 Tesalonika 2:10

Watu koi bosamo agatn kaitn inyo pocayo agatn Yesus, kaitn udah moniant agatn mato siku' caro hidup koi. Allah udah moniant jam. Koi hidup pakai' monyonangan Allah, co molabuhan kosalahan. Koi hala molabuhan inyo bondar.

1 Tesalonika 5:14

Boko somadikan, koi pan momadahi kaitn oca' moolikan boko urakng inyo lola' bokorojo. Kuatan hati sia' inyo mooso gola'. Tulukngcam urakng inyo uyuh. Sabarcam tohadap somuo urakng.

2 Tesalonika 3:6

Boko somadikan, koi mondinga' ado urakng pocayo inyo losa' bokorojo. Sia' co honda' hidup sosuai agatn ajaran inyo koi sampaian ko kaitn. Obai koi ado hak doi' Tuhatn Yesus Kristus, koi monyiuh kaitn: Jangan bokawal agatn boko urakng inyo hidup sama'an nantai.

2 Tesalonika 3:9

Sobondarnyo, koi ado hak pakai' monuntut la'apo inyo koi pontikan ko kaitn. Apo koi co molabuhan hal nantai. Koi bokorojo somombondarannyo oca' kaitn ulih monumpakng caro hidup nantai.

1 Timotius 4:12

Jangan sampai ado urakng inyo mohayam kolai obai kolai ija' muda'. Kolai gola' monjadi contoh pakai' boko urakng pocayo, dalapm pomandiran huatan kolaku'an, dalapm mongasihi urakng bukai huatan sotia ko Tuhatn. Hidup co bulah dosa.

Titus 2:7

Titus, kolai gola' bulah koboi'an oca' kolai monjadi contoh pakai' somuo sia'. Sotiap kali kolai mongajar, ajaricam agatn hati inyo bujur bondar. Ajaricam agatn caro inyo cucu' pakai' dihormati.

1 Petrus 5:3

Jangan buhau botindak ubo rajo, tohadap sia' inyo dipocayo'i Allah pakai' kaitn. Apo, kaitn gola' monjadi toladatn sia'.