2 Tesalonika 3:3 - Porjanjian Boharu Torjomahan Baso Dilakng Soari-ari

³ Apo Tuhatn Yesus hala sotia. Sio paca'an monguat'an hati kaitn. Sio paca'an molinduki kaitn doi' Rajo Sitatn.

2 Tesalonika 3:3 ပူးပေါင်းရင်းမြစ်များ

Matius 5:37

Aman kaitn bopandir ‘Au’, padahan ‘Au’ ja'am. Aman kaitn bopandir ‘Cado’, padahan ‘Cado’ ja'am. Jangan momadahan lobih doi' nantai obai inyo lobih doi' nantai boasal doi' Rajo Sitatn.”

Matius 6:13

Jangan mombaba' koi ko dalapm poncoba'an apo lopasan koi doi' kuaso jahat. Obai Duatn inyo umputn koraja'an, kuaso agatn komulia'an sampai somanah-manahnyo. Amin’.

Lukas 11:4

Amputicam boko dosa koi, obai koi pan moamputi sotiap urakng inyo bosalah agatn koi. Tulukngcam koi oca' koi totap monuruti Duatn watu ado inyo moncubo'i koi oca' bulah dosa.’ ”

Yohanes 17:15

Aku co minto oca' Duatn monguti' sia' doi' dunia ni'in, apo oca' Duatn molinduki sia' doi' inyo jahat, ia'an Rajo Sitatn.

1 Korintus 1:9

Allah hala sotia momonuhi janji-Nyo. Sio inyo udah moningkau kaitn pakai' bosokutu agatn Ana'-Nyo, ia'an Yesus Kristus, Tuhatn inyo bokuaso atas kito.

1 Korintus 10:13

Kaitn dicubo'i agatn caro inyo dialapi boko urakng bukai jam. Apo Allah hala sotia. Sio kinyo mombiaran kaitn dicubo'i lobih daripado kokuatan kaitn. Solaitn nantai, watu kaitn dicubo'i, Allah pan paca'an moonji'i jalatn koluar ko kaitn. Oca' kaitn mampu mohadapi coba'an nantai.

1 Tesalonika 5:24

Allah udah moningkau kaitn. Allah pan hala sotia momonuhi janji-Nyo. Obai nantai, pasti Sio paca'an moonji'i komampuan ko kaitn pakai' monjadi suci.

2 Tesalonika 2:17

monguat'an hati kaitn oca' kaitn hala molabuhan huatan momandiran boko hal inyo boi'.

2 Timotius 4:18

Tuhatn paca'an monyolamant'an aku doi' somuo usaha urakng jahat. Sio paca'an mombaba'ku agatn solamant ko dalapm Korajaan-Nyo di sorugo. Huncapm kito momuji Sio somanah-manahnyo. Amin!

1 Petrus 5:10

Apo, pondorita'an nantai sotogalmo. Allah siku' paca'an bulah hidup kaitn monjadi sompurna. Sio pasti mohibur kaitn huatan bulah kaitn botahatn. Sio pasti monulukng kaitn oca' kaitn ulih pocayo agatn kuat. Sio inyo hala monunju'an koboi'an-Nyo. Sio bokuaso pakai' somanah-manahnyo, huatan Sio udah moningkau kaitn oca' mondapat bagian doi' kuaso-Nyo nantai obai kaitn pocayo ko Kristus.

2 Petrus 2:9

Obai Tuhatn udah molabuhan somuonyo nantai, jadi udah jolas Sio tohu caronyo monyolamant'an boko urakng bondar doi' ajab sonsaro di antaro boko urakng jahat. Tuhatn jam tohu caronyo mohukupm boko urakng jahat sampai hukupan toahir timpu ari Ponghakipan nononyo,

Yudas 1:24

Allah inyo satu-satunyo, bokuaso monjago kaitn oca' kaitn kinyo jatu' ko dalapm dosa. Sio bokuaso mombaba' kaitn ko hadapan-Nyo inyo mulia dalapm koadaan kaitn borosih doi' dosa. Timpu nantai, kaitn pan paca'an kotakan sonang-nyaman.