2 Tesalonika 3:15 - Porjanjian Boharu Torjomahan Baso Dilakng Soari-ari

¹⁵ Apo jangan jam moanggap io sobagai musuh apo totap olikan ja'am io sobagai somadikan.

2 Tesalonika 3:15 ပူးပေါင်းရင်းမြစ်များ

Titus 3:10

Aman ado urakng inyo bulah poporapan di antaro boko urakng pocayo, kolai gola' moolikan io. Aman io kinyo botongga', olikan io sokali agi'. Aman io kinyo botongga' jam lopas jadi diolikan duo kali, kolai tohu io kinyo honda' tuyut ajaran inyo bondar agi'. Boko dosanyo mombutian obai inyo salah di hadapan Allah. Jangan bohubukan agi' agatn urakng sama'an nian.

1 Tesalonika 5:14

Boko somadikan, koi pan momadahi kaitn oca' moolikan boko urakng inyo lola' bokorojo. Kuatan hati sia' inyo mooso gola'. Tulukngcam urakng inyo uyuh. Sabarcam tohadap somuo urakng.

1 Korintus 5:5

Urakng nantai gola' disorahan ko Rajo Sitatn oca' bukakngnyo bonaso. Agatn ubo nian, watu Tuhatn bobali', jiwa urakng nantai paca'an disolamant'an.

1 Korintus 4:14

Aku monulis boko hal kinyo pakai' bulah kaitn malu, apo aku honda' monogur kaitn samo sama'an boko ana'ku inyo ku kidah.

Galatia 6:1

Boko somadikan, aman siku' urakng di antaro kaitn ditomuan bulah dosa. Jadi, kaitn inyo hidupnyo dipimpitn Roh Allah gola' monulukng urakng nantai. Kaitn gola' monulukng io oca' io tongga' bulah dosa nantai. Apo, kaitn gola' molabuhan nantai agatn hati inyo tulus. Boboi'cam! Ingant, jangan sampai kaitn pan bulah dosa jam.

Matius 18:15

“Aman somadikan kaitn bulah dosa, botula'cam socaro sonsiku'an ko io pakai' monosihat'i io. Aman io mondinga'an kaitn, ongko kaitn udah moarahan io agi' pakai' hidup agatn caro inyo bondar.

2 Korintus 13:10

Nianam sobabnyo aku monulis surat ni'in timpu ku bolupm ado bosamo agatn kaitn. Oca' watu aku bosamo kaitn nononyo, aku co gola' botindak koras momakai kuaso inyo Tuhatn onju' ko aku. Sio moonju' kuaso nantai pakai' monulukng kaitn lobih kuat, bukainyo pakai' mohancuran kopocaya'an kaitn.

2 Korintus 10:8

Aku co malu aman aku tolalu bangga agatn kuaso inyo Tuhatn onju' ko koi. Obai, Tuhatn moonju' kuaso ko koi pakai' monulukng kaitn lobih kuat pocayo, bukainyo pakai' moruntuhan kopocaya'an kaitn.

2 Tesalonika 3:6

Boko somadikan, koi mondinga' ado urakng pocayo inyo losa' bokorojo. Sia' co honda' hidup sosuai agatn ajaran inyo koi sampaian ko kaitn. Obai koi ado hak doi' Tuhatn Yesus Kristus, koi monyiuh kaitn: Jangan bokawal agatn boko urakng inyo hidup sama'an nantai.

2 Tesalonika 3:13

Boko somadikan somuo, koi bopandir: Jangan hora' molabuhan boko porbuatan inyo boi'.