2 Tesalonika 3:1 - Porjanjian Boharu Torjomahan Baso Dilakng Soari-ari

¹ Solanjutnyo, boko somadikan tulukng doa'an koi oca' pomandiran Tuhatn tosebar agatn copat ko tompat bukai. Bodoa jam oca' boko urakng mohormati, pocayo ongko monaati boko ajaran nantai, samo sama'an kaitn.

2 Tesalonika 3:1 ပူးပေါင်းရင်းမြစ်များ

Matius 9:38

Jadi, mintocam ko Umputn lakau oca' Sio mongiripan lobih banya' urakng bokorojo pakai' mohanyi hasil tanaman-Nyo.”

Lukas 10:2

Sobolupm sia' botula', Sio bopandir, “Lakau inyo honda' dihanyi kotakan luar, apo urakng pakai' mohanyinyo kurakng bondar. Jadi, mintocam ko Tuhatn Allah inyo umputn hasil lakau oca' Sio mongiripan lobih banyaꞌ hulutn pakai' bohanyi hasil lakau-Nyo.

Kisah Boko Rasul 12:24

Mongkitn manah mongkitn banya' urakng inyo mondinga' Kabar Boi' doi' Allah. Mongkitn banya' urakng monjadi pocayo agatn Yesus.

Kisah Boko Rasul 19:20

Obai somuo nantai, mongkitn banya' urakng mondinga' borito mongona'i Tuhatn Yesus. Boko urakng monjadi sadar Yesus kotakan bokuaso. Mongkitn banya' urakng monjadi pocayo agatn Sio.

Kisah Boko Rasul 6:7

Kabar Boi' mongona'i Yesus torus diboritoan. Jumlah urakng inyo pocayo di Yerusalem mongkitn botambah banya'. Malahan banya' imam pocayo agatn Yesus jam.

Roma 15:30

Boko somadikan, obai kito bosatu dalapm Yesus Kristus, Tuhatn kito, ongko obai Roh Allah mombulah kito hala mongasihi, aku kotakng muhun ko kaitn pakai' bodoa ko Allah bosamo-samo agatn aku. Tulukng bodoa pakai' aku

1 Korintus 16:9

Obai ado banya' kosompatan dalapm polayatan aku di si'itn. Kosompatan nantai bosar huatan boguno bondar. Biar pan banya' jam urakng inyo bolawatan agatn aku.

2 Korintus 1:11

Kaitn jam tuyut monulukng koi agatn banya' doa kaitn pakai' koi. Jadi, nononyo, timpu Allah monunju'an koboi'an-Nyo ko koi, jadi banya' urakng paca'an bosukur obai nantai.

2 Korintus 13:11

Ahirnyo boko somadikanku bosonang nyaman cam! Bousaha cam hidup bobondar sobagai urakng inyo pocayo. Taat'icam boko nosihatku. Hidupcam sohati sopikiran, ongko hidup cam sonang-asau agatn siku'-monyiku'. Aman kaitn molabuhan nantai, jadi Allah paca'an momborokati kaitn. Sionam inyo sumber kasih ongko sonang-asau.

Kolose 4:3

Aku tongahan dalapm ponjara obai aku momboritoan Kabar Boi'. Jadi, bodoa jam pakai' koi oca' Allah moonji'i jalatn pakai' koi momboritoan Kabar Boi' mongona'i Kristus, ia'an hajat Allah inyo komai kinyo dikotohu'i monsio.

1 Tesalonika 1:5

Obai watu koi momboritoan Kabar Boi' ko kaitn, koi kinyo bayo momakai boko pomandiran koi modas. Apo kuaso Roh Allah monulukng koi monyampaiannyo huatan koi kotakng yakitn aman Kabar Boi' nantai bondar. Kaitn mongotohu'i somuo nantai obai kaitn udah moniant caro hidup koi. Watu koi ado di antaro kaitn, koi molayati kaitn.

1 Tesalonika 1:8

Kabar Boi' mongona'i Tuhatn Yesus tosebar doi' kaitn ko urakng di propinsi Makedonia huatan Akhaya. Apo kinyo bayo sampai di su'utn. Watu ni'in, boko urakng di mono-mono mondinga' obai kaitn pocayo ko Allah. Obai nantai, watu koi mondataki boko tompat bukai, koi kinyo gola' mongisahan mongona'i kaitn.

1 Tesalonika 2:1

Boko somadikan, kaitn udah tohu obai sobolupm koi monjongu' kaitn, koi momboritoan Kabar Boi' di kota Filipi. Watu nantai, koi dihanyam huatan di dorako'i. Apo Allah kito monulukng koi pakai' datakng ko kaitn pakai' momboritoan Kabar Boi' doi' Allah. Kaitn udah tohu kunjukan koi ko kaitn nantai kotakan bohasil.

1 Tesalonika 2:13

Koi hala bosukur ko Allah obai timpu koi momboritoan Kabar Boi' ko kaitn, kaitn pocayo nantai bondar-bondar doi' Allah huatan bukainyo doi' pikiran monsio. Kopocaya'an kaitn nantai pan udah morubah caro hidup kaitn.

1 Tesalonika 4:1

Solanjutnyo, boko somadikan, komai watu koi bosamo agatn kaitn, koi udah mongajar kaitn. Koi mongajar kaitn mongona'i caro hidup inyo monyonangan Allah. Memang kaitn udah mula'i hidup agatn caro nantai. Kaitn udah mongotohu'i obai Tuhatn Yesus moonji'i kuaso ko koi pakai' mongajar sama'an nantai. Obai nantai, ni'in koi kinyo bayo mombaba' apo koi monyosahan kaitn: Hidup pakai' monyonangan Allah lobih somombondarannyo.

1 Tesalonika 5:17

Hala bodoa.

1 Tesalonika 5:25

Boko somadikan, tulukng doa'an koi jam.

2 Timotius 2:9

Obai aku momboritoan Kabar Boi' nantai, aku ajab sonsaro, malahan aku ditahatn agatn rantai dalapm ponjara ubonyo aku sama'an ponjahat. Apo pomboritoan pomandiran Allah kinyo totongga'an.