2 Tesalonika 2:7 - Porjanjian Boharu Torjomahan Baso Dilakng Soari-ari

⁷ Io paca'an totap ditahatn, apo socaro bototapu' kuaso inyo molawatn Allah udah mula'i bokorojo di dunia ni'in. Nono inyo monahan Rajo kotakng jahat nantai paca'an di buakan.

2 Tesalonika 2:7 ပူးပေါင်းရင်းမြစ်များ

1 Yohanes 2:18

Poana'anku! Joman ni'in am ari-ari toahir. Kaitn udah mondinga' obai Si Musuh Kristus paca'an datakng. Ongko watu ni'in banya' musuh Kristus udah ado. Ni'inam tandonyo, joman ninam ari-ari toahir.

Kisah Boko Rasul 20:29

Aku tohu obai lopas jadi aku botula', paca'an ado boko urakng inyo datakng ko kaitn agatn ajaran inyo salah. Sia' paca'an moncubo monyosat'an urakng. Sia' samo sama'an boko payau ganas inyo honda' monyorakng boko domba kaitn.

1 Yohanes 4:3

Apo aman urakng nian co moaku'i obai Yesus udah datakng ko dunia ni'in monjadi monsio, rotinyo roh inyo ado di dalapm dirinyo nian kinyo boasal doi' Allah. Roh nianan doi' Musuh Kristus. Kaitn udah mondinga' obai roh Musuh Kristus paca'an datakng. Timpu ni'inan, roh nantai udah ado di dunia ni'inan!

Wahyu 17:7

Apo molekat nantai bopandir ko aku, “Hibo kolai hiratn? Aku paca'an monjolasan ko kolai rotinyo doi' poniant'an nantai, ia'an poniant'an mongona'i botina' nantai ongko bonatakng inyo ditunggakinyo, bonatakng inyo bokopala' tujuh ongko botandu' sopuluh.

Wahyu 17:5

Di koningnyo totulis damo rahasia, ia'an: “Kota Babel inyo bosar. Indai doi' somuo lahukng. Indai somuo porbuatan inyo jahat di dunia.”

1 Timotius 3:16

Sobondarnyo la'apo inyo tosimpatn dalapm kopocaya'an kito kotakan luar biaso! Boko hal nantai monunju'an caro hidup inyo monyonangan Allah. Boko hal nantai ia'an: “Yesus moniant'an diri-Nyo dalapm rupo monsio. Roh Allah monyatoan obai inyo dilabuhan Yesus bondar. Yesus monyatoan diri-Nyo ko boko molekat. Boko urakng momboritoan mongona'i Yesus ko somuo banso. Boko urakng di soluruh dunia monjadi pocayo ko Yesus. Allah bulah Yesus noi' ko sorugo dalapm komulia'an.”

2 Tesalonika 2:6

Kaitn udah tohu kuaso inyo tongahan monahan Siku' Urakng Rajo inyo kotakng jahat nantai. Io ditahatn oca' io bayo datakng pado watu inyo ditontuan Allah.