2 Tesalonika 2:3 - Porjanjian Boharu Torjomahan Baso Dilakng Soari-ari

³ Jangan kaitn pocayo huatan sampai disosatan ulih sopo pan agatn caro la'apo pan. Obai, sobolupm Yesus datakng, paca'an ado watunyo di mono banya' urakng monula' Allah. Ongko, Siku' urakng Rajo inyo jahat paca'an datakng. Yesus paca'an mombonasoan io.

2 Tesalonika 2:3 ပူးပေါင်းရင်းမြစ်များ

1 Yohanes 2:18

Poana'anku! Joman ni'in am ari-ari toahir. Kaitn udah mondinga' obai Si Musuh Kristus paca'an datakng. Ongko watu ni'in banya' musuh Kristus udah ado. Ni'inam tandonyo, joman ninam ari-ari toahir.

Efesus 5:6

Jangan totipu aman ado urakng inyo monyampaian ajaran inyo bukainyo doi' nantai. Pomandirannyo kinyo bondar. Obai, pastiam Allah paca'an mohukupm boko urakng inyo molabuhan somuo macapm porbuatan jahat nantai, ia'an boko urakng inyo kinyo taat ko Sio.

Yohanes 17:12

Somanahan Aku bokopal agatn sia', Aku molinduki sia' agatn kuaso dalapm damo Duatn inyo udah Duatn onju' ko aku. Aku udah molinduki sia' ongko kinyo ado siku' pan inyo bonaso doi' sia'. Kocuali siku' mo inyo memang paca'an bonaso. Nantai tojadi oca' pomandiran inyo ditulis dalapm Buku Suci monjadi nyata.

Wahyu 17:8

Bonatakng nantai inyo udah kolai tiat, io komainyo ado, apo watu ni'in conyiantam. Apo nononyo io paca'an ado agi' doi' Jurakng Maut. Boko urakng inyo bodiapm di bumi, ia'an somuo urakng inyo ado doi' mulo dunia dipulah damonyo kinyo totulis dalapm Buku Kohidupan, sia' paca'an hiratn moniant obai bonatakng nantai kalo ado, lalu hilakng, ongko koluar agi'. Apo lopas nantai, io paca'an dibonasoan somanah-manahnyo.

Wahyu 17:11

Bonatakng nantai inyo kalo ado huatan hilakng, ionam salah siku' doi' kotujuh rajo nantai. Io jam paca'an koluar agi' sobagai rajo inyo kodolapatn. Apo io paca'an dibonasoan.

1 Korintus 6:9

Kaitn gola' tohu boko urakng inyo co hidup bujur bondar di hadapan Allah, sia' co paca'an bodapat bagian dalapm Koraja'an Allah! Kaitn gola' sobondarannyo yakitn boko hal ni'in. Boko urakng inyo pombontina', boko urakng inyo monyombah lompatukng, boko urakng inyo bomporajoan, boko urakng inyo bokohonda'an agatn sosamo jonis,

1 Yohanes 4:3

Apo aman urakng nian co moaku'i obai Yesus udah datakng ko dunia ni'in monjadi monsio, rotinyo roh inyo ado di dalapm dirinyo nian kinyo boasal doi' Allah. Roh nianan doi' Musuh Kristus. Kaitn udah mondinga' obai roh Musuh Kristus paca'an datakng. Timpu ni'inan, roh nantai udah ado di dunia ni'inan!