2 Tesalonika 2:17 - Porjanjian Boharu Torjomahan Baso Dilakng Soari-ari

¹⁷ monguat'an hati kaitn oca' kaitn hala molabuhan huatan momandiran boko hal inyo boi'.

2 Tesalonika 2:17 ပူးပေါင်းရင်းမြစ်များ

2 Tesalonika 3:3

Apo Tuhatn Yesus hala sotia. Sio paca'an monguat'an hati kaitn. Sio paca'an molinduki kaitn doi' Rajo Sitatn.

1 Tesalonika 3:13

Koi bodoa oca' ni'inan Tuhatn monguat'an hati kaitn. Jadi, pas Yesus, Tuhatn kito agatn boko urakng suci umputn Sio, nononyo datakng, Allah Bopai kito moanggap kaitn kinyo bosalah huatan suci.

1 Tesalonika 3:2

koi momutusan pakai' moutus somadikan koi, Timotius, ko kaitn. Timotius bokorojo samo agatn koi pakai' molayati Allah jam dalapm momboritoan Kabar Boi' mongona'i Kristus. Koi moutus io pakai' monguat'an hati kaitn oca' kaitn lobih kuat pocayo ko Yesus, huatan oca' io momadahi kaitn pakai' totap kuat timpu kaitn mohadapi ajab sonsaro.

Yudas 1:24

Allah inyo satu-satunyo, bokuaso monjago kaitn oca' kaitn kinyo jatu' ko dalapm dosa. Sio bokuaso mombaba' kaitn ko hadapan-Nyo inyo mulia dalapm koadaan kaitn borosih doi' dosa. Timpu nantai, kaitn pan paca'an kotakan sonang-nyaman.

Kolose 2:7

Kohonda'nyo kaitn totap pocayo ko Sio huatan botumbuh dalapm Sio. Kohonda'nyo kaitn botambah kuat pocayo ko somuo ajaran inyo bondar inyo udah disampaian ko kaitn. Kohonda'nyo hati kaitn hala bosukur.

1 Korintus 1:8

Sio jam paca'an monguat'an hati kaitn sampai pado ahir joman. Sio paca'an molabuhan nantai oca' kaitn kinyo dianggap salah timpu Yesus Kristus, Tuhatn inyo bokuaso atas kito datakng bobali'.

Roma 15:13

Boko somadikan! Allah inyo moonji'i harapan ko kito. Aku bodoa obai kaitn pocayo ko Kristus, jadi Allah tajahan bulah kaitn kotakan sonang-nyamanam ongko hidup agatn sonang-asau. Aku bodoa pakai' nantai oca' kuaso Roh Allah bulah kaitn mongkitn boharap ko Sio.

1 Yohanes 3:18

Poana'anKu! Jangannam kito bayo bopandir obai kito mongasihi urakng bukai damo bopandir mongona'i kasih ja'am. Apo kohonda'nyo kito bondar-bondar mongasihi agatn porbuatan ongko dalapm kobondaran.

1 Petrus 5:10

Apo, pondorita'an nantai sotogalmo. Allah siku' paca'an bulah hidup kaitn monjadi sompurna. Sio pasti mohibur kaitn huatan bulah kaitn botahatn. Sio pasti monulukng kaitn oca' kaitn ulih pocayo agatn kuat. Sio inyo hala monunju'an koboi'an-Nyo. Sio bokuaso pakai' somanah-manahnyo, huatan Sio udah moningkau kaitn oca' mondapat bagian doi' kuaso-Nyo nantai obai kaitn pocayo ko Kristus.

Ibrani 13:9

Jangan tontuyutan boko bomacapm ajaran molikahan inyo mombulah kaitn sosat. Obai, inyo boi' ia'an hati kaitn monjadi kuat doi' kasih karunia Allah, bukainyo doi' boko poraturan mongona'i pomakatn. Boko poraturan nantai kinyo ado gunonyo pakai' boko urakng inyo moikutinyo.

2 Tesalonika 2:16

Allah Bopai huatan Yesus Kristus, Tuhatn kito, mongasihi kito. Sio monguat'an hati kito somanah-manahnyo. Sio jam bulah kito kotakng yakitn obai Sio paca'an momonuhi somuo janji inyo boi' pakai' kito. Koi bodoa oca' Allah Bopai huatan Yesus Kristus, Tuhatn kito

2 Korintus 1:21

Allah inyo bulah koi ongko kaitn kuat bosatu agatn Kristus. Sio jam inyo momilih kito.

Roma 16:25

Topujicam Allah! Io inyo bokuaso bulah kaitn kuat pocayo sosuai agatn Kabar Boi' mongona'i Yesus Kristus inyo ku boritoan. Kabar Boi' nantai momadahan mongona'i hajat Allah pakai' somuo banso. Somanah boabad-abad, conyiant monsio inyo mongotohu'i hajat Allah nantai.

Roma 1:11

Obai aku honda' bondar botomu agatn kaitn pakai' bobagi komampuan husus doi' Roh Allah oca' kaitn dikuatan.